ކޮމޮންވެލްތު ގޭމްސްގައި ރިހާން ވެސް އިންޑިވިޖުއަލް ގައުމީ ދެ ރެކޯޑެއް އައުކޮށްފި

ސްކޮޓްލަންޑްގެ ގްލާސްގޯގައި މިހާރު ކުރިއަށްދާ 23 ވަނަ ކޮމަންވެލްތް ގޭމްސްގައި، ދިވެހި ފެތުންތެރިޔާ މުޙައްމަދު ރިޙާން ޝިހާމް ފިރިހެނުންގެ ލޯންގްކޯސް 400 މީޓަރު އިންޑިވިޖުއަލް މެޑްލޭ އިވެންޓުގެ ޤައުމީ ރެކޯޑް އާކޮށްފިއެވެ.

ރިޙާން މި ރެކޯޑް އާކުރީ 05:09.68 އިން ރޭސް ފުރިހަމަކޮށްގެންނެވެ. މިއީ މީގެ ކުރިންވެސް ރިޙާން އަތުގައި އޮތް ރެކޯޑެކެވެ. އެންމެ ފަހުން މި ރެކޯޑް އޭނާ އާކޮށްފައިވަނީ މިދިޔަ މަހު ބަޚްރައިންގައި ބޭއްވުނު ބަޚްރައިން ކަޕް 2026 ގައެވެ. އެ މުބާރާތުގައި އޭނާ ރޭސް ނިންމާފައިވަނީ 05:11.03 އިންނެވެ.

މި މުބާރާތުގައި ރިޙާން ވަނީ އިތުރު ރެކޯޑެއްވެސް އާކޮށްފައެވެ. އެއީ ފިރިހެނުންގެ ލޯންގްކޯސް 200 މީޓަރު ބަޓަރފްލައި އިވެންޓުގެ ޤައުމީ ރެކޯޑެވެ. މި ރެކޯޑް އޭނާ އާކުރީ 02:23.94 އިން ރޭސް ނިންމައިގެންނެވެ. 200 މީޓަރު ބަޓަރފްލައި އިވެންޓުގެ ކުރީގެ ރެކޯޑަކީވެސް ރިޙާންގެ ރެކޯޑެކެވެ. އެއީ 2025 ވަނަ އަހަރު ބޭއްވުނު 22 ވަނަ ވޯލްޑް އެކުއަޓިކްސް ޗެމްޕިއަންޝިޕްސްގައި 02:25.20 އިން ރޭސް ނިންމައިގެން އޭނާ ގާއިމުކުރި ރެކޯޑެވެ.

މި މުބާރާތުގައި ލޯންގކޯސް ހަތަރެއް ގުނަ ސަތޭކަ މީޓަރު މިކްސްޑް މެޑްލޭ ރިލޭ އިވެންޓުގެ ޤައުމީ ރެކޯރޑު އައުކުރި ޓީމުގައި ވެސް ރިހާން ހިމެނެއެވެ. ދިވެހި ޓީމު މި ރެކޯރޑް އާކޮށްފައިވަނީ 04:31.16 އިން ރޭސް ނިންމައިގެންނެވެ. މި ރޭހުގައި ވާދަކުރި ދިވެހި ޓީމުގައި ރިހާންގެ އިތުރުން ހިމެނެނީ، އަމްނާ ތަޒްކިޔާ މިރުޞާދު, ލޫޠު މުޙައްމަދު ހުސައިން އަދި މިރާލް ޢައިން ލަތީފްއެވެ.