ފުނަދޫ ގޮނޑުދޮށް ހިމާޔަތްކުރުމުގެ މަސައްކަތް ހަލުވި ކަމާއެކު ކުރިއަށް

ށ. ފުނަދޫ ގޮނޑުދޮށް ހިމާޔަތްކުރުމުގެ މަސައްކަތް ހަލުވިކަމާއެކު ކުރިއަށްދާކަމަށް، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ހާމަކޮށްފިއެވެ.

އެ ކުންފުނިން އެކްސްގައި ކުރެއްވި ޕޯސްޓެއްގައި މިކަން ހާމަކުރައްވާ ވިދާޅުވީ، މި މަޝްރޫއުގެ ދަށުން މިހާރު ކުރިއަށްދަނީ އެ ސަރަހައްދު ކޮނުމުގެ މަސައްކަތާއި، އެތަނުގައި ޖަހާ ބޮޑު ހިލަތައް ޕްރިފައިލްކުރުމުގެ މަސައްކަތްތައް ކަމަށެވެ.

މި މަސައްކަތުގެ 73 އިންސައްތަ ނިމިފައިވާކަން  އެމްޓީސީސީން ވަނީ މިދިޔަ މާރިޗު މަހުގެ ތެރޭގައި ހާމަކުރައްވާފައެވެ. އަދި އޭރު ވަނީ،  މިމަސައްކަތުގެ ދަށުން ރިވެޓްމަންޓް ޖަހާ ސަރަޙައްދު ފުންކުރުމާއި، އެ ސަރަޙައްދު ބެކްފިލް ކުރުމުގެ މަސައްކަތް އެ ކުންފުނިން ކުރިއަށް ގެންގޮސްފައެވެ. 

Project Update: Design and Build of Shore Protection Structure at Sh.Funadhoo

Dredging and excavation works and rock boulder profiling works are currently ongoing at the site.

Follow more updates at: https://t.co/SfVAzkW2pp#MTCCProjects #TeamMTCC #RayyithungeKunfuni… pic.twitter.com/tf6YnafiVW

— MTCC Plc (@MTCCPlc) July 29, 2026

މީގެ އިތުރުން އެ ކުންފުނިން ވަނީ ރިވެޓްމަންޓް ޖެހުމުގެ 48 އިންސައްތަ މަސައްކަތާއި، ބިން ހިއްކުމުގެ މަސައްކަތުގެ 72 އިންސައްތަ އަދި އެ ސަރަހައްދަށް ވެލި އެޅުމުގެ މަސައްކަތުގެ 64 އިންސައްތަ ނިމިފައިވާ ކަމަށް ވެސް މާރިޗު މަހުގެ ތެރޭގައި ބުނެފައެވެ.

މި މަޝްރުއު ނިމުމުން، ފުނަދޫގެ ގޮނޑުދޮށް ގިރުމުގެ މައްސަލައަށް  ދާއިމީ ހައްލެއް ލިބިގެންދާނެކަން އެމްޓީސީސީއިން ފާހަގަކުރައްވާފައިވެއެވެ.

އެމްޓީސީސީއިން އަންނަނީ ރާއްޖޭގެ އުމްރާނީ ތަރައްގީއަށް ގިނަ މަސައްކަތްތަކެއް ކުރަމުންނެވެ. އަދުގެ ސަރުކާރުން އެ ކުންފުންޏާއި އެތައް ރަށެއް ކުރިއެރުވުމަށް ގިނަ މަޝްރޫއުތައް އެމްޓީސީސީއާ ހަވާލުކޮށްފައިވެއެވެ. އެ ކުންފުނީގެ މެނޭޖިންގ ޑިރެކްޓަރ އަޙްމަދު ސަޢުދީ ވަނީ، އަންނަ އަހަރު 500 އެއްހާ މަޝްރޫއު  ނިންމުމަށް މަސައްކަތް ކުރަމުންދާކަމަށް ވިދާޅުވެފައެވެ.