ހުޅުމާލޭގެ ސްޕާތަކަށް އަމާޒުކޮށް ހިންގި އޮޕަރޭޝަނެއްގައި 7 ބިދޭސީއަކު އަތުލައިގެންފި

ހުޅުމާލޭގައި ސެލޫން އަދި ސްޕާ ވިޔަފާރިތަކަށް އަމާޒުކޮށްގެން ހިންގި އިންސްޕެކްޝަނެއްގައި 7 ބިދޭސީއަކު އަތުލައިގެންފައިވާ ކަމަށް މޯލްޑިވްސް އިމިގްރޭޝަނުން ވިދާޅުވެއްޖެއެވެ.

އިމިގްރޭޝަނުން އިއްޔެ އެކްސްގައި ކުރެވި ޕޯސްޓެއްގައި ވިދާޅުވީ، އެ އިދާރާގެ ޓާސްކް ފޯސްއިން  ހިންގި އިންސްޕެކްޝަނެއްގައި 8 ތަނެއް ބަލައި ފާސްކޮށްފައިވާ ކަމަށާއި، 26 ބިދޭސީއެއްގެ މައުލޫމާތު ހޯދާފައިވާ ކަމަށެވެ. އަދި ގަވާއިދާ ހިލާފަށް މަސައްކަތް ކުރަމުންދިޔަ ޖުމްލަ 7 ބިދޭސީއަކު ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައި ކަމަށެވެ.

ރާއްޖޭގައި ޤަވާއިދާ ޚިލާފަށް ޙަރަކާތްތެރިވާ ބިދޭސީން ހޯދުމަށް އިމިގްރޭޝަނާ، ފުލުހުންގެ ޚިދުމަތާއި، އިޤްތިޞާދީ ތަރައްޤީއާ ބެހޭ ވުޒާރާއިން ގުޅިގެން ވަނީ ޚާއްޞަ ޓާސްކްފޯހެއް އެކުލަވާލާފައެވެ.

A Task Force inspection targeting salon/spa businesses in Hulhumale' was conducted yesterday.

During the operation, 8 places were inspected and 26 expatriates were checked. A total of 7 expatriates found working illegally were detained.@PoliceMv @HomeMinistrymv pic.twitter.com/DbyODaTUYZ

— Maldives Immigration (@ImmigrationMV) September 8, 2026

އިމިގްރޭޝަނުން ކުރިއަށްގެންދާ މި އޮޕަރޭޝަންތަކުގައި ޤަވާއިދާ ޚިލާފަށް ބިދޭސީން ތޮއްޖެހިގެން ދިރިއުޅެމުން އަންނަ ތަންތަނާއި، ޢާންމު ރައްކާތެރިކަމަށް ބެލުމެއް ނެތި ދިރިއުޅެމުންދާ ތަންތަން ބަލައިފާސްކުރަމުން އަންނައިރު، ޤަވާއިދާ ޚިލާފަށް އުޅޭ ބިދޭސީންނަށް އެފަދަ ތަންތަން ކުއްޔަށް ދީފައިވާ ފަރާތްތަކަށް އިމިގްރޭޝަން ޤާނޫނުގެ ދަށުން އަންނަނީ ފިޔަވަޅު އަޅަމުންނެވެ.

ސަރުކާރުން މި މައްސަލައަށް ހައްލެއް ހޯދުމަށް ގިނަ މަސައްކަތްތަކެއް ކުރަމުން އަންނައިރު، ކަމާބެހޭ އިދާރާތަކަށް މައުލޫމާތު ނުދީ ފޮރުވިގެން އުޅޭ ބިދޭސީންނަށް އިތުރު ފުރުސަތެއް ދިނުމެއްނެތި އަނބުރާ ގައުމަށް ފޮނުވާލާނެކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ހާމަކުރައްވާފައެވެ.