ބަނޑިދޫގައި ވޮލީބޯޅަ ރެފްރީން ތަމްރީނުކުރުމުގެ ކޯހެއް ފަށަނީ

ވޮލީބޯޅައަށް ޝައުޤުވެރިވާ ފަރާތްތަކަށް ހާއްސަކޮށް ރެފްރީން ތަމުރީނު ކުރުމުގެ ކޯހެއް ދ.ބަނޑިދޫގައި ފެށުމަށް ހަމަޖެހިފައިވާކަމަށް ޒުވާނުން ބާރުވެރިކުރުވުމާއި ކުޅިވަރާއި ހަށިހެޔޮކަމާ ބެހޭ ވުޒާރާއިން ވިދާޅުވެއްޖެއެވެ.

މި ކޯސް ކުރިއަށްދާނީ އަންނަ މަހު 05 އިން ފެށިގެން 15 އާ ހަމައަށެވެ.  ބަނޑިދޫގައި ކުރިއަށް ގެންދާ މި ކޯހުގައި އަންނަ މަހުގެ 1 ގެ ކުރިން ބައިވެރިވެވޭނެއެވެ.

މިއީ ޒުވާނުން ބާރުވެރިކުރުވުމާއި ކުޅިވަރާއި ހަށިހެޔޮކަމާ ބެހޭ ވުޒާރާއިން ވޮލީބޯލް އެސޯސިއޭޝަނާއި، ދ. ބަނޑިދޫ ކައުންސިލް އަދި މޯލްޑިވްސް ނޭޝަނަލް އިންސްޓިޓިއުޓް އޮފް ސްޕޯޓްސްއާ ގުޅިގެން ކުރިއަށް ގެންދާ ކޯހެކެވެ.

Volleyball Referees Course, scheduled to take place in Dh. Bandidhoo from 05th October to 15th October 2026.
Registration Deadline: 01st October 2026
Registration Link: https://t.co/bKT0Bj9Wdw pic.twitter.com/sJ7ykYP3O9

— Ministry of Youth Empowerment, Sports and Fitness (@MoYSF_mv) September 24, 2026

މިކޯހުގައި ބައިވެރިވާން ޝައުގުވެރިވާ ފަރާތްތައް، ކުޅިވަރާ ބެހޭ ވުޒާރާއިން އާންމުކޮށްފައިވާ ޕޯސްޓުގައިވާ ކިއުއާރު ކޯޑު ސްކޭން ކޮށްގެން އެޕްލިކޭޝަން ފުރިހަމަކުރުމަށް އެވުޒާރާއިން ވަނީ އެދިފައެވެ.