ގެނބުމުގެ ހާދިސާތަކުން ރައްކާތެރިވާ ދުވަހާ ގުޅިގެން ހާއްސަ ހަރަކާތެއް ބާއްވައިފި

ގެނބުމުގެ ހާދިސާތަކުން ރައްކާތެރިވުމާއި ކަނޑުގައި ހިނގާ ހާދިސާތަކަށް ސަމާލުވުމަށް ހޭލުންތެރިކަން އިތުރުކުރުމުގެ ގޮތުން ފާހަގަކުރާ "ޑްރައުނިންގ ޕްރިވެންޝަން ޑޭ" އާ ގުޅުވައިގެން ހުޅުމާލޭގައި ހާއްސަ ހަރަކާތެއް ބާއްވައިފިއެވެ. މި ހަރަކާތް ބާއްވާފައިވަނީ މިއަދު ހެނދުނު ހުޅުމާލެ ފޭސް 1 ގެ ދިރާގު އޮފީސް ފަހަތުގައި އޮންނަ އަތިރިމަތީގައެވެ. 

މި ހަރަކާތުގެ މައިގަނޑު މަގުސަދަކީ އާންމުންނާ ސީދާ ބައްދަލުކޮށް، މޫދަށް އެރުމާއި ފެނުގެ ހަރަކާތްތަކުގައި ސަމާލުވާންވީ ކަންކަމުގެ މައުލޫމާތު ދިނުމާއި، ފުރާނަ ސަލާމަތްކުރުމަށް ބޭނުންވާ މުހިންމު ހުނަރުތަކާ ބެހޭގޮތުން ހޭލުންތެރިކަން އިތުރުކުރުމެވެ.

The Drowning Prevention Day Event was held today in Hulhumalé, bringing together HPA, @WHOMaldives , @HMH_mv, @hdcmaldives, @MNDF_Official, @mrc_mcu @PoliceMv,Maldives Swimmingand Lifesaving Skills Training School, and other partners. 🌊

The event connected directly with the… pic.twitter.com/fW4RfLG1bl

— Health Protection Agency (@HPA_MV) September 26, 2026

މި ހަރަކާތުގެ ތެރެއިން މޫދު ކުޅިވަރުތަކާއި، ފުރާނަ ސަލާމަތްކުރުމުގެ ހުނަރުތައް ދައްކުވައިދިނުމާއި، އަސާސީ ފަސްޓް އެއިޑް އަދި ސީޕީއާރު ދޭނެ ގޮތުގެ ތަމްރީނުތަކާއި، ކުއްލި ހާލަތްތަކުގައި އަމަލުކުރާނެ ގޮތުގެ ތަމްރީނުތައް ކުރިއަށް ގެންގޮސްފައިވެއެވެ. މީގެއިތުރުން މޫދުގެ ނުރައްކާތަކަށް ހޭލުންތެރިކުރުވުމާއި، ބެލެނިވެރިން މޫދުގައި ކުދިން ބެލެހެއްޓުމުގައި ސަމާލުވާންވީ ކަންކަމާ ބެހޭ މައުލޫމާތު ދިނުން ވެސް ކުރިއަށްދިޔައެވެ.

ހެލްތު ޕްރޮޓެކްޝަން އެޖެންސީ، އެޗްޕީއޭއިން އިންތިޒާމުކޮށްގެން ބޭއްވި މި ހަރަކާތުގައި ޑަބްލިއުއެޗްއޯ، ހުޅުމާލެ ހޮސްޕިޓަލް، އެޗްޑީސީ، އެމްއެންޑީއެފް، މޯލްޑިވްސް ރެޑް ކްރެސެންޓް، މޯލްޑިވްސް ޕޮލިސް ސަރވިސްގެ އިތުރުން މޯލްޑިވްސް ސުވިމިންގ އެންޑް ލައިފްސޭވިންގ ސްކިލްސް ޓްރެއިނިންގ ސްކޫލުން ވަނީ ބައިވެރިވެފައެވެ.