އެމްއެންޔޫ އާއި ހިލްޓަންގެ ތިން ރިސޯޓެއްގެ ދެމެދުގައި އޮތް ގުޅުން އިތުރަށް ބަދަހިކޮށް، އެއްބަސްވުން އައުކޮށްފި

ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ) އާއި ހިލްޓަން ބްރޭންޑްގެ ދަށުން ރާއްޖޭގައި ހިންގާ ތިން ރިސޯޓަކާ ދެމެދު އޮތް ގުޅުން އިތުރަށް ބަދަހިކޮށް، އެއްބަސްވުން އައު ކޮށްފިއެވެ.

މި އެއްބަސްވުމުގައި ސޮއިކޮށްފައިވަނީ ވޯލްޑޯފް އެސްޓޯރިއާ މޯލްޑިވްސް އިތާފުށި، ހިލްޓަން މޯލްޑިވްސް އަމިންގިރި ރިސޯޓް އެންޑް ސްޕާ އަދި ކޮންރެޑް މޯލްޑިވްސް ރަންގަލި އައިލެންޑާއެކުގައެވެ. މި ފަހުމުނާމާގެ މައިގަނޑު މަޤްސަދަކީ ފަތުރުވެރިކަމުގެ ދާއިރާއާއި ތައުލީމީ ދާއިރާއާ ދެމެދު އޮންނަ ގުޅުން އިތުރަށް ވަރުގަދަކުރުމާއި، މަޢުލޫމާތާއި ތަޖުރިބާތައް ކުރުމެވެ. 

MoU Signing Ceremony between The Maldives National University (MNU) and Hilton Properties

The Maldives National University (MNU) has signed MoUs with The Waldorf Astoria Maldives Ithaafushi, Conrad Maldives Rangali Island, and Hilton Maldives Amingiri Resort & Spa, marking the… pic.twitter.com/jNJ0IgbHAK

— The Maldives National University (@MNUedu) September 27, 2026

މި އެއްބަސްވުމުގެ ދަށުން އެމްއެންޔޫގެ އެފްއެޗްޓީއެސްގައި ކިޔަވަމުންދާ ދަރިވަރުންނަށް ފްރަންޓް އޮފީސް، ހައުސްކީޕިންގ، އެފްއެންޑްބީ، ކިޗަން، މާކެޓިންގ އަދި ބެކް އޮފް ދަ ހައުސް ހިމެނޭހެން ތަފާތު ދާއިރާތަކުން އިންޓަރންޝިޕްގެ ފުރުޞަތުތައް ހުޅުވިގެންދާނެއެވެ. އަދި ޔުނިވަރސިޓީގެ ލެކްޗަރާއިންގެ ތަމްރީނާއި ތަޖުރިބާއަށްޓަކައި ރިސޯޓުތަކާ ގުޅިގެން ތަފާތު މަސައްކަތްތައް ކުރިއަށްގެންދިއުމަށްވެސް ވަނީ ހަމަޖެހިފައެވެ.

މި އެއްބަސްވުމުގެ ސަބަބުން ވޭތުވެދިޔަ އަހަރުތަކުގައި އެމްއެންޔޫގެ ގިނަ ދަރިވަރުންތަކެއް ވަނީ މި ރިސޯޓުތަކުން ތަމްރީނު ހޯދައި، ވަޒީފާގެ މައިދާނަށް ނުކުތުމަށް ބޮޑު ބާރެއް ލިބިގެންގޮސްފައެވެ. އަދި އެމްއެންޔޫއިން އަންނަ ދަރިވަރުންގެ ފެންވަރު ރިސޯޓުތަކުން ބަލައިގަންނަކަމާއި، ކިޔަވާ ނިމޭ ދަރިވަރުން ވަޒީފާތަކަށް ގުޅުމަށް ރިސޯޓުތަކުން ވަރަށް ބޮޑަށް އެދޭކަންވެސް އެމްއެންޔޫއިން ފާހަގަކުރައްވައެވެ.