ހުޅުމާލޭގައި މޫދަށް އެރިގެން އުޅުނު ފަތުރުވެރިއަކު ގެއްލިގެން ހޯދަން ފަށައިފި

ހުޅުމާލޭގެ އުތުރު ފަރާތުގައި މޫދަށް އެރިގެން އުޅުނު ޗައިނާގެ ފިރިހެން ފަތުރުވެރިއަކު ގެއްލިގެން ހޯދަން ފަށައިފިއެވެ.

މި މީހާ ގެއްލިގެން ހޯދުމުގެ މަސައްކަތް ފެށީ، އޭނާއާއެކު ގޮނޑުދޮށަށް ގޮސް ހުރި އަންހެނަކު، އޭނާގެ ހަބަރެއް ނުވެ ގިނަ އިރުތަކެއް ވެފައިވާކަމަށް އެ ހިސާބުގައި ތިބި ދިވެހި ބައެއްގެ ކައިރީގައި ބުނުމުން، އެކަން ފުލުހުންނަށް އެންގި ހިސާބުންނެވެ.

އެހެންކަމުން މި މީހާ ހޯދުމުގެ މަސައްކަތުގައި މިހާރު ފުލުހުން ވެސް އަންނަނީ ހަރަކާތްތެރިވަމުންނެވެ.