ގދ. ތިނަދޫ އިންޑަސްޓްރިއަލް ޒޯން ހިއްކުމާއި ގޮނޑުދޮށް ހިމާޔަތްކުރުމުގެ މަޝްރޫޢުގެ 90 އިންސައްތަ ނިމިއްޖެ

ގދ. ތިނަދޫގައި އިންޑަސްޓްރިއަލް ޒޯނެއް ގާއިމުކުރުމަށްޓަކައި ބިން ހިއްކުމާއި ގޮނޑުދޮށް ހިމާޔަތްކުރުމުގެ މަޝްރޫޢުގެ ބޮޑުބައި ނިމި، މުޅި މަޝްރޫޢުގެ 90 އިންސައްތަ މަސައްކަތް ނިމިފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ވިދާޅުވެއްޖެއެވެ.

އެމްޓީސީސީއިން ވިދާޅުވީ، މި މަޝްރޫޢުގެ ދަށުން މިހާރު ކުރިއަށް ދަނީ ބަނދަރުގެ ބައްތިތައް ހަރުކުރުމުގެ މަސައްކަތަ ކަމަށެވެ. ބިނާރާ ގެދޮރުވެރިކަމާއި އުމްރާނީ ތަރައްޤީއާ ބެހޭ ވުޒާރާއިން އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫޢުގެ މައިގަނޑު މަގްސަދަކީ ތިނަދޫގައި ސިނާއީ އަދި އިގްތިސާދީ މަސައްކަތްތައް ކުރުމަށް ރައްކާތެރި އަދި ފަސޭހައިން ބޭނުންކުރެވޭނެ ބިމެއް ގާއިމުކޮށްދިނުމެވެ.

Project Update: Land reclamation for Industrial Zone and Shore Protection Structures at Gdh. Thinadhoo

Installation of harbor lights are ongoing. Overall project progress is 90%.

Follow more updates at: https://t.co/RjAFCf3rnI#MTCCProjects #TeamMTCC #RayyithungeKunfuni… pic.twitter.com/f24oJfUqs7

— MTCC Plc (@MTCCPlc) September 29, 2026

މި މަޝްރޫޢުގެ ދަށުން 135,820 އަކަމީޓަރުގެ ބިން ހިއްކުމާއި، 1,521 މީޓަރުގެ ބޮޑުހިލައިގެ ރެވަޓްމެންޓް ޖެހުން ހިމެނެއެވެ. މީގެ އިތުރުން، 621 މީޓަރުގެ ޕްރީކާސްޓް އެލް-ބްލޮކް ކީވޯލް އާއި 166 މީޓަރުގެ ޝީޓް ޕައިލް ކީވޯލް ހެދުމުގެ މަސައްކަތުގެ އިތުރުން 4,492.3 އަކަމީޓަރުގެ ސަރަހައްދެއްގައި ގައު އެތުރުމުގެ މަސައްކަތްވެސް ހިމެނެއެވެ. އަދި މިހާރު އޮތް ބިމާއި އަލަށް ހިއްކާ ބިން ގުޅުވާދިނުމުގެ ގޮތުން 15 މީޓަރުގެ ބްރިޖެއް އެޅުންވެސް މި މަޝްރޫޢުގެ ތެރޭގައި ހިމެނެއެވެ.

މި މަޝްރޫޢުތަކަކީ މި ސަރުކާރުން ހާއްސަ އިސްކަމެއް ދީގެން ކުރަމުން އަންނަ މަސައްކަތްތަކެވެ.

އެމްޓީސީސީއިން އަންނަނީ ރާއްޖޭގެ ތަރައްޤީއަށް ބޮޑެތި ހިއްސާތަކެއް ވަމުންނެވެ. ރާއްޖޭގެ އެކިއެކި ރަށްރަށުގައި އެ ކުންފުނިން، އެ ރަށްރަށުގެ ތަރައްޤީއަށް ކުރަމުން އަންނަ މަސައްކަތްތައް ފާހަގަކޮށްލެވެއެވެ. މީގެ ތެރޭގައި ހިމެނޭ ގަނަ ޕްރޮޖެކްޓުތަކަކީ އަދުގެ ސަރުކާރުގެ އިސްނެންގެވުމުގެ ދަށުން އެ ކުންފުންޏާއި ހަވާލުކުރެވިގެން ކުރިއަށްދާ ޕްރޮޖެކްޓުތަކެކެވެ.