ފުލުހުންގެ ބެލުމުގެދަށުގައިހުރި 4000 އަށްވުރެ ގިނަ ސިނގިރެޓާއި ދުންފަތް ނައްތާލައިފި

ފުލުހުންގެ ބެލުމުގެދަށުގައިހުރި 4000 އަށްވުރެ ގިނަ ސިނގިރެޓާއި ދުންފަތް ނައްތާލައިފިއެވެ.

ނައްތާލި ތަކެތީގެ ތެރޭގައި ހިމެނެނީ 4285 ސިނގިރެޓް ކާޓޫން، 232 ފޮށި ސިނގިރެޓް އަދި 93.60 ކިލޯގެ ދުންފަތެވެ.

ފުލުހުން ވިދާޅުވީ، އިއްޔެ ދޫނިދޫގައި ނައްތާލި ތަކެއްޗަކީ ހެންވޭރު ގެއެއްގެ އެޕާޓްމަންޓުގައި ހިންގަމުންދިޔަ އޮފީހެއްގައި ގާނޫނާ ހިލާފަށް، ސިނގިރެޓް އުފެއްދުމަށް މެޝިން ބަހައްޓައިގެން ސިނގިރެޓް އުފައްދާކަމަށް ތުހުމަތުކުރެވޭ މައްސަލައާ ގުޅިގެން ހިންގި އޮޕަރޭޝަންގައި ފުލުހުންގެ ބެލުމުގެދަށަށް ގެެނެސްފައިވާ ތަކެތި ކަަމަށެވެ. މި އޮޕަރޭޝަން ހިންގާފައިވަނީ 30 ޖަނަވަރީ 2025 ގައެވެ.

ނައްތާލި ތަކެތީގެ ތެރޭގައި ހިމެނެނީ 4285 ސިނގިރެޓް ކާޓޫން، 232 ފޮށި ސިނގިރެޓް އަދި 93.60 ކިލޯގެ ދުންފަތެވެ.

⭕ އިތުރު ތަފުސީލު: https://t.co/krQ5JDLrpj pic.twitter.com/tmBW5H6rUw

— Maldives Police (@PoliceMv) September 29, 2026

މި ތަކެތި ނައްތާލާފައިވަނީ ފުލުހުންގެ ބެލުމުގެދަށަށް ގެނެވޭ މިފަދަ ތަކެތި ނައްތާލުމުުގައި އަމަލުކުރާނެ އުސޫލުގެ ދަށުން އެކަމަށްޓަކައި އެކުލަވައިލި ކޮމިޓީގެ ބެލުމުގެދަށުން ކަމަށް ފުލުހުން ވިދާޅުވެއެވެ.

މި ސަރުކާރުން ދަނީ ދުންފަތާއި ދެކޮޅަށް ގިނަ މަސައްކަތްތަކެއް ކުރައްވަމުންނެވެ. އެގޮތުން، ކުޑަކުދިން ދުންފަތުގެ އިސްތިއުމާލުކުރުމުން ދުރުކުރުމަށް ގެނެރޭޝަނަލް ވޭޕް ބޭން އެއް ވަނީ އިފްތިތާހްކޮށްފައެވެ.