ފުނަދޫ އަލިފާނުގެ ހާދިސާ: އަލިފާން ގަނޑު ނިއްވާލައިފި

ށ. ފުނަދޫގައި ރޯވި ނުރައްކާތެރި އަލިފާންގަނޑު މިހާރު ކޮންޓްރޯލް ކުރެވިފައިވާ ކަމަށް ނޭޝަނަލް ޑިޒާސްޓާރ މެނޭޖްމަންޓުން ބުނެފިއެވެ. 

މި ހާދިސާގައި އެއް ގެ އެއްކޮށް އަނދައި ވަރަށް ބޮޑެތި ގެއްލުންތަކެއް ލިބިފައިވާއިރު، އަލިފާން ރޯވި ސަރަޙައްދު ކައިރީގައި ހުރި އިތުރު 3 ގެއަކަށް ވެސް ވަނީ އެކިވަރުގެ ގެއްލުންތައް ލިބިފައެވެ.

މި ހާދިސާ ހިނގި ސަރަޙައްދުން އަދިވެސް އެއްޗެހި ގޮވާ އަޑު އިވެމުންދާތީ، އާންމުންގެ ރައްކާތެރިކަމަށްޓަކައި އަޅާ ސަލާމަތީ ފިޔަވަޅެއްގެ ގޮތުން އެ ސަރަޙައްދުގައި ހުރި ގެތަކުގައި ދިރިއުޅޭ މީހުން މިހާރު ވަނީ ވަގުތީ ގޮތުން ރައްކާތެރި އެހެން ގެތަކަށް ބަދަލުކޮށްފައެވެ.

މީގެއިތުރުން، އަލިފާނުގެ ސަބަބުން ދުމުގެ އަސަރު ވަރަށް ބޮޑަށް ކޮށްގެން ބައެއް މީހުންނަށް މިހާރު ދަނީ ފުނަދޫ ހޮސްޕިޓަލުގައި ފަރުވާ ދެމުންނެވެ. އެ ރަށުގެ ޙާލަތު އިތުރަށް ބަލައި ކަންކަން މޮނީޓަރ ކުރުމުގެ މަސައްކަތް ކުރަމުންދާ ކަމަށް ފުނަދޫ ކައުންސިލުން މަޢުލޫމާތު ދެއްވައެވެ.

ރޯވެފައިވާ އަލިފާން މިހާރު ވަނީ ކޮންޓްރޯލް ކުރެވިފަ. މި ހާދިސާގައި 1 ގެއެއް އަނދައި ވަރަށް ބޮޑެތި ގެއްލުންތަކެއް ވެފައިވާއިރު، ކައިރީގައި ހުރި އިތުރު 3 ގެއަކަށް ވެސް ވަނީ އަލިފާނުގެ ސަބަބުނަ އެކިވަރުގެ ގެއްލުންތައް ލިބިފައި. ހާދިސާ ހިނގި ސަރަޙައްދުން އަދިވެސް އެއްޗެހި ގޮވާ އަޑު އިވެމުންދާތީ، ސަލާމަތީ ފިޔަވަޅެއްގެ ގޮތުން އެ ސަރަޙައްދުގައި ހުރި ގޭގޭގެ މީހުން ވަނީ ރައްކާތެރި އެހެން ގެތަކަށް ވަގުތީ ގޮތުން ބަދަލުކޮށްފަ. މި ހާދިސާގައި ދުމުގެ އަސަރު ވަރަށް ބޮޑަށް ކޮށްގެން ބައެއް ފަރާތްތަކަށް މިހާރު ދަނީ ފުނަދޫ ހޮސްޕިޓަލުގައި ފަރުވާ ދެމުން. ހާލަތު އިތުރަށް ބަލައި މޮނީޓަރ ކުރުމުގެ މަސައްކަތް ދަނީ ކުރެވެމުންކަމަށް ފުނަދޫ ކައުންސިލުން މަޢުލޫމާތު ދެއްވާ. މި ހާދިސާގެ ސަބަބުން އިންސާނީ އެހީތެރިކަން ފޯރުކޮށްދެންޖެހޭ ފަރާތްތައް ދެނެގަނެ އެފަރާތްތަކަށް އެހީތެރިކަން ފޯރުކޮށްދިނުމުގެ މަސައްކަތަ މި އޮތޯރިޓީން ދަނީ ކުރަމުން.

— NDMA Maldives (@NDMAmv) October 25, 2026

މި ހާދިސާއާ ގުޅިގެން ޙާލުގައި ޖެހި، އިންސާނީ އެހީތެރިކަން ބޭނުންވާ ފަރާތްތައް ދެނެގަތުމާއި، އެފަދަ ފަރާތްތަކަށް ބޭނުންވާ އެހީތެރިކަން ފޯރުކޮށްދިނުމުގެ މަސައްކަތް ކަމާބެހޭ އިދާރާތަކުން މިހާރު ދަނީ ކުރަމުންނެވެ.