ގްރީން ފައިނޭންސް ފަސޭހަކުރުމަށް ޑެޕިޔުޓީ މިނިސްޓަރ ޢަލީ ނާޞިރު ގޮވާލައްވައިފި

ގްރީން ފައިނޭންސް ފަސޭހަކުރުމަށް ޑެޕިޔުޓީ މިނިސްޓަރ ޢަލީ ނާޞިރު ގޮވާލައްވައިފިއެވެ.

ޑެޕިޔުޓީ މިނިސްޓަރ މިހެން ގޮވާލެއްވީ، މިއަހަރު ހޮންކޮންގުގައި ބޭއްވުނު "ބެލްޓް އެންޑް ރޯޑް ގްރީން އިންނޮވޭޝަން ކޮންފަރެންސް" ގެ ޕެނަލް ޑިސްކަޝަންގައި ވާހަކަފުޅު ދައްކަވަމުންނެވެ. 

މި ޕެނަލް ޑިސްކަޝަންގައި ވާހަކަފުޅު ދައްކަވަމުން ޑެޕިޔުޓީ މިނިސްޓަރ ޢަލީ ނާޞިރު ވަނީ، މޫސުމީ ބަދަލުތަކާ ގުޅޭ މާލީ އެހީ ފަސޭހައިން ލިބޭނެ އަދި ސާދާކުރެވިފައިވާ ނިޒާމަކަށް ބޭނުންޖެހިފައިވާކަން ފާހަގަކުރައްވައިފައެވެ. އަދި ބްލެންޑެޑް ފައިނޭންސް މެކޭނިޒަމްތައް އިތުރަށް ބޭނުންކުރުމަށާއި، މޫސުމީ ބަދަލުތަކަށް ކެތްކުރާނެ އަސާސީ ގޮނޑިގަނޑުތަކާއި، ފެނުގެ ރައްކާތެރިކަމާއި، އަދި އެޑެޕްޓޭޝަން މަޝްރޫޢުތަކަށް ކުރާ އިންވެސްޓްމަންޓް އިތުރުކުރުމުގެ މުހިންމުކަން އެމަނިކުފާނު ވަނީ ބަޔާންކުރައްވައިފައެވެ.

During the 2026 Belt and Road Green Innovation Conference in Hong Kong, Deputy Minister Ali Nasir participated in the panel discussion, “Deepening Rule Alignment and Cross-Border Cooperation on Green Finance.” In his remarks, he underscored the need for simplified and more accessible climate finance, greater utilization of blended finance mechanisms, and increased investment in climate-resilient infrastructure, water security, and adaptation projects to protect vulnerable communities, particularly in Small Island Developing States.

— Min. of Climate Change, Environment and Energy, MV (@MoEnvmv) October 27, 2026

މިކަންކަން ހާސިލްކުރުމުގެ ބޭނުމަކީ، ހާއްސަކޮށް ކުޑަ ރަށްފުށުގެ ތަރައްޤީވަމުން އަންނަ ޤައުމުތަކުގައި ދިރިއުޅޭ ބަލިކަށި މުޖުތަމަޢުތައް މޫސުމީ ބަދަލުތަކުގެ ނޭދެވޭ އަސަރުތަކުން ރައްކާތެރިކުރުން ކަމަށް ނައިބު ވަޒީރު ޢަލީ ނާޞިރުގެ ވާހަކަފުޅުގައި ފާހަގަކުރައްވާފައިވެއެވެ.