ދުނިޔެ

ސްކޫލެއްގައި ހިނގި ވަޅި ހެރުމުގެ މައްސަލައަކާ ގުޅިގެން އަލްބޭނިއާގައި އެއްއަހަރަށް ޓިކްޓޮކް ބޭންކޮށްފި

ސްކޫލެއްގައި ހިނގި ވަޅި ހެރުމުގެ މައްސަލައަކާ ގުޅިގެން އަލްބޭނިއާގައި އެއްއަހަރަށް ޓިކްޓޮކް ބޭންކޮށްފި

ސޯޝަލް މީޑިއާގައި މަޤްބޫލް އެޕްލިކޭޝަން ޓިކްޓޮކް

ޙަސްނާ އަޙްމަދް

ޙަސްނާ އަޙްމަދް

22 ޑިސެމްބަރު 2024، 05:42

22 ޑިސެމްބަރު 2024، 05:42

ހުލާސާ


ސްކޫލެއްގައި ހިނގި ވަޅި ހެރުމުގެ މައްސަލައަކާ ގުޅިގެން އަލްބޭނިއާގައި އެއްއަހަރުދުވަހުގެ މުއްދަތަށް ޓިކްޓޮކް ބޭންކޮށްފިއެވެ. 

މިދިޔަ މަހު ހިނގައިގެންދިޔަ ވަޅިހެރުމުގެ މިހާދިސާގައި ފުރާވަރު ޢުމުރުގެ ކުއްޖަކު މަރުވެސްވެފައިވެއެވެ. އަލްބޭނިޔާގައި މިކަމުގެ ކަންބޮޑުވުންތައް އެހާބޮޑަށް ފެތުރިގެން ގޮސްފައިމިވަނީ މިހާދިސާއާއި ގުޅިގެެނެވެ.

މަޝްހޫރު ސޯޝަލް މީޑިއާ އެޕްލިކޭޝަން މަނާކުރުމަށް ނިންމި ނިންމުނަށް އަންނަ އަހަރުގެ ކުރީކޮޅު ޢަމަލުކުރަން ފަށާނެ ކަމަށް އަލްބޭނިޔާގެ ބޮޑުވަޒީރު އެދީ ރާމާ ވަނީ އެޤައުމުގެ އެކި ކަންންކޮޅުތަކުން ބެލެނިވެރިންގެ ގްރޫޕްތަކާއި ޓީޗަރުންނާ ބައްދަލުކުރެއްވުމަށް ފަހު ހޮނިހިރު ދުވަހު ވިދާޅުވެފަ އެވެ.

“އެއް އަހަރު ދުވަހަށް އަލްބޭނިޔަގައި ޓިކްޓޮކް މަނާކުރެވޭ ކުރެވުން ދެމިގެންދާނެ، އެއްއަހަރު ވަންދެން އަލްބޭނިޔާގައި ޓިކްޓޮކް ބޭނުން ނުކުރެވޭނެ” އެދީ ރާމާ ވިދާޅުވެފައިވެެއެވެ. 

މިކަމާގުޅޭ ގޮތުން ޓިކްޓޮކުން އެއްވެސް އެއްޗެއް ބުނެފައެއް ނުވެއެވެ. 

އަލްބޭނިޔާ ސަރުކާރުގެ މި ނިންމުން ނިންމާފައި މިވަނީ މިދިޔަ ނޮވެމްބަރު މަހު 14 އަހަރުގެ ކުއްޖަކު އޭނާއާއި އެއްކުލާހުގައި ކިޔަވާ ކުއްޖަކަށް ވަޅިން ހަމަލާދީ މަރާލި ހާދިސާއަކާ ގުޅިގެނެވެ. މިކަން ހިނގާފައިވަނީ ދެ ފިރިހެން ކުދިންގެ މެދުގައި ސޯޝަލް މީޑިއާގައި ފެށުނު ޒުވާބެއްގެ ތެރެއިންނެވެ. 

 މިކަމާ ގުޅިގެން އަލްބޭނިޔާގެ ކަމާބެހޭ ފަރާތްތަކުން ވަނީ ޓީޗަރުންނާއި ބެލެނިވެރިންނާ އެކު 1،300 ބައްދަލުވުން ބާއްވާފަ އެވެ. މިހާދިސާއާއި ގުޅިގެން ބޮޑުވަޒީރު ރާމާ ވިދާޅުވެފައިވަނީ ޅަޒުވާނުންގެ ތެރޭގައި މިއަދު ހިނގާ މިފަދަ ކަންކަަމަކީ ސޯޝަލް މީޑިއާގެ އަވާގައި ޖެހި ހިނގާ ކަންކަން ކަމަށެވެ. 

"މިޒަމާނުގެ މައްސަލައަކީ އަޅުގަނޑުމެންގެ ދަރިންނެއް ނޫން. މިޒަމާނުގެ މައްސަލައަކީ އަޅުގަނޑުމެން. މިޒަމާނުގެ މައްސަލައަކީ އަޅުގަނޑުމެންގެ މުޖުތަމަޢު. މިޒަމާނުގެ މައްސަލައަކީ ޓިކްޓޮކާއި އަޅުގަނޑުމެންގެ ދަރިންގެ ވަށާލެވިފައިވާ ނުރައްކާތެރި ސޯޝަލް މީޑިއާގެ މާހައުލު" ރާމާ ވިދާޅުވި އެވެ.

ބޮޑުވަޒީރު ރާމާ ވިދާޅުވީ އެއް އަހަރު ދުވަހުގެ މުއްދަތަށް ޓިކްޓޮކް ބޭން ކޮށްފައި ބޭއްވުމަށް ފަހު އެކުންފުންޏާއި އެހެން ޤައުމުތަކުން މިކަމުގައި ޢަމަލުކުރާނެ ގޮތް ބަލާނެ ކަމަށެވެ. އަދި އަލުން އެއެޕްލިކޭޝަން ފެށުމަށް ހުއްދަ ދިނުމާއި މެދު ގޮތެއް ނިންމާނީ އޭގެ ފަހުންކަމަށެވެ. 

 އެ އެޕް މަނާކުރުމަށް ސަރުކާރުން ނިންމި ނިންމުމާއި އަލްބޭނިޔާގެ އިދިކޮޅު ފަރާތްތަކުން ވަނީ ދެކޮޅު ހަދައިފަ އެވެ.

 

މި ލިޔުން ކިޔާލުމުން

Ads by MSS