ބައިތް ލާހިޔާގައި އިޒްރާއިލްގެ ސިފައިންގެ ތިން މީހެއް މަރާލައިފި

ޣައްޒާގެ ބައިތް ލާހިޔާގައި އިޒްރާއިލްގެ ތިން ސިފައިންގެ މީހެއް މަރާލައިފައިވާ ކަމަށް ޤަސަމް ބްރިގޭޑްސް އިން ބުނެފިއެވެ.

ޤަސަމް ބްރިގޭޑްސް އިން ބުނެފައިވަނީ އެ ޖަމާޢަތުގެ ހަނގުރާމަވެރިން އުތުރު ޣައްޒާ ސަރަހައްދުގައި ހުރި އިމާރާތެގެ ސެކިޔުރިޓީ ބަލަހައްޓަމުން ދިޔަ އިޒްރާއީލުގެ ތިން ސިފައިންނަށް ވަޅީގެ ހަމަލާދީ މަރާލައިފައިވާ ކަމަށެވެ.

ޓެލެގްރާމްެގައި ޤަސަމް އިން ނެރުނު ބަޔާނުގައި ބުނެފައިވަނީ އެތިން ސިފައިނަށް ހަމަލާދީ މަރާލުމަށްފަހު އެމީހުން ފޯރިމަރަމުންދިޔަ ޢިމާރާތައް ވަދެ  އެތަނުގެ އެތެރޭގައި ތިބި މީހުންގެ އަތުން ހަތިޔާރު އަތުލައިގެންފައިވާ ކަމަށެވެ.

 އެ ޖަމާއަތުން އިތުރަށް ބުނީ ހަނގުރާމަވެރިން، އެތަނަށް ވަދެ އިޒްރާއިލް ސިފައިން ރަހީނުކޮށް ބަންދުކޮށްފައި ތިބި މީހުން ދޫކޮށްލައިފައިވާ ކަމަށެވެ. 

 ރަހީނުކޮށްފައި ތިބި މީހުންގެ ވަކި ޢަދަދެއް ހާމަކޮށްފައެއް ނުވެއެވެ.

ޤަސަމްގެ މި ބަޔާނާ ގުޅިގެން އިޒްރާއިލް ސިފައިންގެ ފަރާތުން އަދި އެއްޗެއް ބުނެފައެއް ނުވެއެވެ. 

 އިޒްރާއިލުން ޣައްޒާއަށް ދޭން ފެށި ހަމަލާތަކަށް 14 މަސްވެގެން ގޮސްފައިވާއިރު ޣައްޒާގެ ޙާލަތު ވަނީ ވަރަށް ބޮޑަށް ގޯސްވެގެން ގޮސްފައެވެ. ހަނގުރާމައިގެ ސަބަބުން ޢިމާރާތްތައް ހަލާކުވެ މެޑިކަލް ފެސިލީޓީތަކުގެ ބޮޑު ބައެއް ވަނީ ހަލާކުވެފައެވެ.

ފިނި މޫސުމުގެ ވަރުގަދަ ފިންޏާއި ކުރިމަތިލާން ޖެހިފައިވާއިރު ގިނަ ބަޔަކު ދިރިއުޅެމުންދަނީ ދިރިއުޅެން ކަމުނުދާ ފަދަ ފޭލިގެތަކުގައެެވެ. ގިނަ ބަޔަކު ވަނީ ކާބޯތަކެއްޗަށް ޖެހި ހައިހޫނުކަމުގައި ދުވަސްތައް ގުނަން ޖެހިފައެވެ.