ދުނިޔެ

އަހަރެންގެ ފައި ދިޔައީ ކޮންތާކަށް: ތިން އަހަރުގެ ތުއްތު ޙަނާން

އަހަރެންގެ ފައި ދިޔައީ ކޮންތާކަށް: ތިން އަހަރުގެ ތުއްތު ޙަނާން

ދެފައި ބުރިކޮށްލެވިފައިވާ ތިން އަހަރުގެ ތުއްތު ޙަނާން

ޙަސްނާ އަޙްމަދް

ޙަސްނާ އަޙްމަދް

23 ޑިސެމްބަރު 2024، 05:20

23 ޑިސެމްބަރު 2024، 05:20

"އަހަރެންގެ ފައި ދިޔައީ ކޮންތާކަށް" މިއީ ކޮންމެ ދުވަހަކުވެސް ތިން އަހަރުގެ ތުއްތު ޙަނާން އޭނާގެ ބައްޕަ ފަރާތު ބޮޑު ދައިތައާއި ތަކުރާރުކޮށް ކުރަމުންދާ ސުވާލެކެވެ.

ތިން އަހަރުގެ ޙަނާން އަލް ދައްޤީ އާއި އޭނާގެ ކޮއްކޮ 22 މަހުގެ މިސްކު އަލް ދައްޤީ ހޮސްޕިޓަލުގެ ބަލި އެނދުގައި ދުވަސްތައް ހޭދަކުރަމުންދާތާ 4 މަސް ދުވަސް ފާއިތުވެގެން ހިނގައްޖެއެވެ. އެދެކުދިން ހޮސްޕިޓަލަށް ގެންގޮސްފައިވަނީ އިޒްރާއިލުން އެދެކުދިންގެ ގެއަށް ދިން ބޮމުގެ ހަމަލާގައި އެކުދިންނަށް ލިބުނު އަނިޔާތަކަށް ފަރުވާ ހޯދުމަށެވެ. މިހަމަލާގައި ޙަނާން އަށް ލިބުނު އަނިޔާތަކުގައި އޭނާގެ ދެފައިވެސް ވަނީ ގެއްލިފައެވެ.

ޙަނާން އާއި މިސްކު ތަކުރާރު ކޮށް ކުރަމުންދާ ސުވާލަކީ މަންމަ ކޮބައިތޯ އެވެ. ޙަނާން ކުރަމުންދާ ސުވާލަކީ އޭނާގެ ފައި ކޮބާ ތޯއެވެ. އެދެކުދިންގެ ސުވާލުތަކަށް ދޭނެ ޖަވާބެއް އެދެކުދިންގެ ބެލެހެއްޓުންތެރިއެއްގެ ގޮތުގައި ހުރި އެކުދިންގެ ބަފައި ފުށުގެ ބޮޑުދައިތަ ޝިފާ އަލް ދައްޤީއަކަށް ނޭނގެއެވެ.

ޙަނާން އާއި މިސްކުގެ މަންމަ ވަނީ އިޒްރާއިލްގެ ހަމަލާގައި ޝަހީދުވެގެން ގޮސްފައެވެ.

ޙަނާން އާއި މިސްކްގެ މަންމަ ޝައިމާ އަލް ދައްޤީ ސެޕްޓެންބަރު މަހުގެ ދެވަނަ ދުވަހުގެ ހެނދުނު ހޭލައިގެން ތައްޔާރުވީ އޭނާގެ ދެ އަންހެން ދަރިން ކަމަށްވާ ޙަނާން އާއި 22 މަހުގެ މިސްކް ގޮވައިގެން ޕޯލިއޯ ވެކްސިން ދިނުމަށް ދިޔުމަށެވެ. 

ވެކްސިން ދިނުމަށްފަހު ގެއަށް އައިސް ޢާއިލާއިން އެކުގައި މެންދުރުގެ ކެއުމަށް އިންސާފު ކުރުމަށް ފަހު ގޭތެރޭގައި ތިއްބާ އިޒްރާއީލުން ވަނީ އެމީހުންގެ ގެއަށް ބޮމުގެ ހަމަލާއެއް ދީފައެވެ.

އެހަމަލާގެ  ސަބަބުން އުމުރުން 25 އަހަރުގެ ޝައިމާ ޝަހީދުވެފައިވާއިރު، އޭނާގެ ފިރިމީހާ މުހައްމަދު އަލް ދައްޤީ ހިމެނޭ ގޮތަށް އާއިލާގެ އެހެން މީހުންނަށް އަނިޔާވެ، ޙަނާން އަށާއި މިސްކްއަށް ވަރަށް ބޮޑަށް އަނިޔާވެފައިވެއެވެ. 

ޙަނާން އަށް އަނިޔާވެ ދެ ފައި ވެސް ގެއްލިފައިވެއެވެ. އެއް ފައި ކަކުލުގެ މަތީގައި އަދި އަނެއް ފައި ކަކުލުގެ ތިރިން ވަނީ އޭނާގެ ހަށިގަނޑާއި ވަކިވެފައެވެ.

އަދ ިޙަނާންގެ ހަށިގަނޑުގެ ހުރިހާ ހިސާބަކަށްވެސް އެކި ވަރުގެ ޒަޚަމްތައް ލިބިފައިވާއިރު ހަމަލާގައި ލިބުނު އަނިޔާތަކުގެ ސަބަބުން ޙަނާންގެ ގޮހޮރުގެ ބައެއް އޮޕަރޭޝަން ކޮށްގެން ވަނީ ނަގަން ޖެހިފައެވެ. މިހަމަލާގެ ސަބަބުން 22 މަހުގެ ތުއްތު މިސްކްގެ ވެސް ކަނާތުފައި ވަނީ ކަނޑާލަން ޖެހިފައެވެ. 

ހަމަލާގެ ސަބަބުން ޙަނާންމެންގެ ބައްޕަ މުޙައްމަދުގެ ސިކުނޑިން ލޭއައުމާއި މޭމައްޗަށް އަނިޔާވެގެން ދެ ހަފްތާ ވަންދެން އިންޓެންސިވް ކެއާގައި އެނދުމަތިކޮށް ފަރުވާދީފައިވެއެވެ.

އަހަރެމެން ބިރުވެރި ހުވަފެނެއްގެ ތެރޭގައި ތާށިވެފައި ތިބިތާ މިހާރު ހަތަރު މަސް ވެއްޖެ

ހަމަލާގެ ސަބަބުން ނަފްސާނީ ގޮތުންނާއި ޖިސްމާނީ ގޮތުން ބަލިކަށިވެފައިވާ ޙަނާންއަށް ހިތްހަމަޖެހުން ގެނެސްދިނުމަށް މަސައްކަތް ކުރަމުންދާ ޙަނާންގެ ބޮޑުދައިތަ ޝިފާ ބުނެފައިވެއެވެ.

ޝިފާ  އެދެބެންނަށް ހިތްހަމަޖެހުން ދޭން މަސައްކަތް ކުރި ނަމަވެސް ގިނަ ފަހަރަށް އެތުއްތު ދެކުދިންގެ ޙާލުގެ މައްޗަށް ހިތާމަކޮށް އެނާގެ ލޮލުންވެސް ކަރުނަ އޮހެމުންދެއެވެ.

އަހަރެންގެ ފައި ދިޔައީ ކޮންތާކަށް: ތިން އަހަރުގެ ތުއްތު ޙަނާން

ޙަނާން އާއި މިސްކްގެ ބޮޑުދައިތަ ޝިފާ އެކުދިންނާއި އެކު

ޙަނާން އާއި މިސްކް އެނދުމަތިކޮށްފައި ހޮސްޕިޓަލާއި އެ ހޮސްޕިޓަލުގެ މުވައްޒަފުން މަސައްކަތް ކުރަމުންދަނީ ތޮއްޖެހިފައިވާ އަދި ވަސީލަތްތައް މަދު މާހައުލެއްގައި ކަމުން އެކުދިންނަށް ނަފްސާނީ އެހީތެރިކަން ފޯރުކޮށްދިނުމުގެ ފުރުސަތެއް ނެތެވެ.

އަހަރެމެންގެ ތެރެއިން އެއްވެސް މީހަކަށް މަންމަގެ މަޤާމު ނުފުރޭނެ، ދުވަހަކުވެސް ނުކުރެވޭނެ

ދެލޮލޮން ކަރުނަ އޮހޮރަމުން ޝިފާ ބުނެފައިވެއެވެ.

އަހަރެންގެ ހުންނާނެ ޙަނާންއާއި އެއް އުމުރުގެ އަންހެން ކުއްޖެއް، އެއީ ޙާލާ، ޙާލާ އެމީހުންނާ ޒިޔާރަތް ކުރަން ގެނައިމަ ޙަނާން ޙާލާއަށް ބަލަން ހުންނަ ގޮތް ދުވަހަކުވެސް ހަނދާނެއް ނުނެތޭނެ، ޙަނާން ޙާލާގެ ފަޔަށް ބަލަހައްޓައިގެން ހުރެފައި، ބުރިކޮށްލެވިފައިވާ އޭނާގެ ފަޔަށް ބަލަހައްޓައިގެން ހުންނާނެ، އެއީ އޭނާއަށް އަނިޔާވުމުގެ ކުރިން ހުރިހާ ވަގުތެއްގައިވެސް ދުވެފައި ކުޅެމުން އައި ފައި

ޝިފާ ބުނެފައިވެއެވެ.

އަހަރެންގެ ފައި ދިޔައީ ކޮންތާކަށް: ތިން އަހަރުގެ ތުއްތު ޙަނާން

ޝިފާ ޙަނާން މިސްކު އަދި އޭނާގެ ދަރިފުޅު ޙާލާއާއި އެކު

އިޒްރާއީލުން ޣައްޒާގެ ޞިއްޙީ މަރުކަޒުތައް ހަލާކުކޮށްލާފައިވާތީ ޣައްޒާގައި ޙަނާން އާއި މިސްކް އަށް ދޭން ޖެހޭ ފަރުވާ ފުރިހަމަ ނުކުރެވޭތީ، ފަރުވާއަށް ޣައްޒާ ދޫކޮށް ދާން ޖެހޭ މީހުންގެ ލިސްޓެއްގައި އެދެކުދިންގެ ނަން ހިމެނިފައިވެއެވެ.

ދުނިޔޭގެ ޞިއްޙަތު ޖަމިއްޔާއިން ލިސްޓުގައި ހިމެނޭ ނަންތައް އެއްކުރި ނަމަވެސް އިޒްރާއީލުން އެމީހުން ފުރުމަށް މަގު ހުޅުވާނުލައިފިނަމަ އެކުދިން ތިބެންޖެހޭނީ އެތަނުގައި ތާށިވެފައެވެ. 

 

 

 

މި ލިޔުން ކިޔާލުމުން

Ads by MSS