މަސައްކަތަށް ގެނެސް ޙާލުގައި ޖެހިފައި ތިބި 40 މީހުންގެ މައްސަލަ ލޭބަރ ރިލޭޝަންސްއިން ބަލަނީ

މަސައްކަތަށް ގެނެސް ޙާލުގައި ޖެހިފައި ތިބި ކަމަށް ބުނާ އިންޑިޔާގެ 40 މަސައްކަތްތެރިންނަށް ލޭބަރ ރިލޭޝަންސް އޮތޯރިޓީ އިން ބަލަމުންދާ ކަމަށް އެއޮތޯރިޓީ އިން ބުނެފިއެވެ. 

އެއޮތޯރިޓީ އިން މިކަމާ ބެހޭ ގޮތުން ނެރެފައިވާ ކޮންސްޓްރަކްޝަން މަސައްކަތަށް ރާއްޖެ ގެނެސްފައިވާ އިންޑިއާގެ 40 މީހަކަށް 1 މަހާއި 10 ދުވަހުގެ މުސާރަ ނުދޭކަމަށާއި، އެނބުރި ޤައުމަށްދާން ބޭނުންވާކަމަށް ބުނެ، އެއޮތޯރިޓީއަށް މައްސަލަ ހުށައަޅައިފައިވާ ކަމަށެވެ. 

މިމައްސަލައާ ގުޅިގެން ކުންފުންޏާ މުޢާމަލާތު ކުރުމުން އެމުއްދަތަށްވާ ފައިސާ ދިނުމަށްފަހު، އެނބުރި ޤައުމަށް ފުރަން ބޭނުންވާ މުވައްޒަފުން ފުރުވާލުމުގެ އިންތިޒާމު ހަމަޖައްސަމުން ގެންދާ ކަމަށް މަޢުލޫމާތު ދީފައިވާ ކަމަށް އެއޮތޯރިޓީ އިން ބުނެފައިވެއެވެ.

އެއޮތޯރިޓީ އިން އިތުރަށް ބުނެފައިވަނީ މިމައްސަލަ ހައްލުކުރުމަށް އެމަސައްކަތްތެރިން ގެނައި ކުންފުންޏާއި އެކު މަސައްކަތް ކުރަމުންދާކަމަށެވެ. 

މިމައްސަލާގައި 40 މަސައްކަތްް ތެރިންނާއި މެދު އިހުމާލު ވެފައިވަނީ ރެނެޓާސް ކުންފުނީގެ މުވައްޒަފުން ތަކެކެވެ. އެކުންފުންޏަކީ އައްޑޫ ގަން އިންޓަނޭޝަނަލް އެއަރޕޯޓު ތަރައްޤީކުރަމުން އަންނަ ކުންފުންޏެވެެ.