ކޮލަމް

ކެއްކުމުގައި ބޭނުންކުރަން އެންމެ ރަނގަޅީ ކޮންބާވަތެއްގެ ތެއްޔެއް!

ކެއްކުމުގައި ބޭނުންކުރަން އެންމެ ރަނގަޅީ ކޮންބާވަތެއްގެ ތެއްޔެއް!

ކެއްކުމަށް ބޭނުންކުރެވޭ އެކި ބާވަތުގެ ތެލި ފޮޓޯ: އިންޓަނެޓް

އާމިނަތު ޔުމްނާ

އާމިނަތު ޔުމްނާ

26 ޑިސެމްބަރު 2024، 03:18

26 ޑިސެމްބަރު 2024، 03:18

ކެއްކުމަށް ބޭނުންކުރާ ތެލި ތަވާ ފަދަ ތަކެތިން، ޞިއްޙަތަށާއި ކެއްކުމުގެ ތަޖުރިބާއަށް އަސަރުކުރެއެވެ. އާންމުކޮށް ކައްކަން ބޭނުންކުރާ ތެލި ތަވާ ތައްޔާރުކޮށްފައި ހުންނަ ބާތަތްތަކަށް ބަލާލާނަމެވެ.

ސްޓެއިންލެސް ސްޓީލް
ރަނގަޅީ ކީއްވެ: ގިނަ ދުވަހަށް ދެމިހުންނަ،  އަދި ދަބަރު ނުޖަހާ. ކެމިކަލް ތަކަށް ހުށަނޭޅޭ ގޮތަށް އެސިޑިކް ކާނާ ކެއްކުމަށް އެންމެ އެކަށީގެންވާ ބާވަތް.
ޞިއްޙީ ކަންބޮޑުވުން: ރައްކާތެރި އަދި ގިނަ ކަންކަމަށް ބޭނުންކުރެވޭ، ޞިއްޙަތަށް ސަމާލުކަންދޭ ބަދިގެ މާހިރުން އެންމެ އިސްކަންދޭ ބާވަތް.
ރަނގަޅު ނޫން ބައެއް ސަބަބު: ތެލީގެ އެކި ސަރަޙައްދުގައި ހޫނުމިން ތަފާތުވުން ، އެހެންކަމުން ހޫނުމިން ބެލެހެއްޓުމަށް ސަމާލުކަން ދޭންޖެހޭ.

ދަގަނޑު
ރަނގަޅީ ކީއްވެ:  ރަނގަޅަށް ތެޔޮ ފަދަ އެއްޗެއް ބޭނުންކުރުމުން ތެލީގެ ފުލުގައި ނުހިފާ އަދި ހޫނު ދެމެހެއްޓުމުގައި ވަރަށް ރަނގަޅު ބާވަތެކެވެ. މިބާވަތުގެ ތެލީގައި ތައްޔާރުކުރާ ކާނާއަށް ދަގަނޑުގެ މިންވަރެއް އިތުރުވުން އެކަށީގެންވެއެވެ. މިއީ ދަގަނޑުގެ މިންވަރު މަދު މީހުންނަށް ފައިދާހުރި ކަމެކެވެ.
ޞިއްޙީ ކަންބޮޑުވުން: ރައްކާތެރި އަދި ދިގު މުއްދަތަކަށް ދެމިހުންނަ ބާވަތެއް
ރަނގަޅު ނޫން ބައެއް ސަބަބު: ބަރު އަދި ދަބަރު ޖެހުން ހުއްޓުވުމަށް ރަނގަޅަށް ސާފުކޮށް ބަލަހައްޓަން ޖެހުން

ސެރަމިކް
ރަނގަޅީ ކީއްވެ: ތެލީގައި ނުހިފާ އަދި PFOA އާއި PTFE ފަދަ ވިހަ ކެމިކަލްތަކުން އެއްކިބާވެފައިވޭ. މަދު ތެލުގައި ކެއްކުމަށް ރަނގަޅު ބާވަތެއް
ރަނގަޅު ނޫން ބައެއް ސަބަބު: ގިނަ ދުވަހަށް ދެމިނުހުރުން ، ގަވާއިދުން ބޭނުންކުރުމުން ކޯޓިންގ ނެއްޓުން

ޞިއްޙަތަށް އެންމެ ގޯސް ތެލީގެ ބާވަތްތައް

ޓެފްލޮން (ނުހިފާ ކޯޓިންގ)
ރަނގަޅީ ކީއްވެ : ސާފުކުރަން ފަސޭހަ އަދި ތެލުގެ ބޭނުންކުރަންޖެހޭ މިންވަރު މަދު
ޞިއްޙީ ކަންބޮޑުވުން: ހޫނުމިން މަތިވުމުން، ޓެފްލޮން ކޯޓިންގ ގައިހުންނަ ވިހަ ދުން ބޭރުވޭ، މިއީ ޞިއްޙަތަށް ނުރައްކާ ކަމެކެވެ. މީގެއިތުރުން ތެލީގެ ކޯޓިން ނެއްޓި ކަނޑައިގެން ނުވަތަ ރެނދު ހުންނަ ނަމަ ބޭނުންކުރުމުން ސިއްޚަތަސް ނުރައްކާވެއެވެ.
ރަނގަޅު ނޫން ބައެއް ސަބަބު: ފަސޭހައިން އަވަހަށް ހަލާކުވުން
                   

ކޮޕާރ
ރަނގަޅީ ކީއްވެ: ހޫނު ފަތުރައިދޭ މިންވަރު ރަނގަޅުވުން
ޞިއްޙީ ކަންބޮޑުވުން: ލައިނިންގ އެއް ބޭނުން ނުކޮށް ކައްކާނަމަ މކާނާއަށް ކޮޕަރ ގެ މާއްދާތައް ވަނުމުގެ ފުރުސަތު އޮވޭ، އޭގެ ސަބަބުން ވިހަވުމުގެ ފުރުޞަތު އޮވެއެވެ. ސްޓެއިންލެސް ސްޓީލް ނުވަތަ ޓިން ލައިނިންގ ބޭނުންކޮށްގެން ކޮޕަރ ތެލި  ބޭނުންކުރުން ރަނގަޅެވެ.
ރަނގަޅު ނޫން ބައެއް ސަބަބު: އަގުބޮޑު އަދި ބެލެހެއްޓުމަށް ގިނަ މަސައްކަތް ކުރަންޖެހޭ.

އެލުމިނިއަމް
ރަނގަޅީ ކީއްވެ: ހިފާ ގެންގުޅެން ލުއި އަދި އަގުހެޔޮ.
ޞިއްޙީ ކަންބޮޑުވުން: ކޯޓިންގ ބޭނުންނުކޮށް ކެއްކުމުން އެލުމިނިއަމްގެ އަސަރު ކާނާއަށް ކުރޭ، ޚާއްޞަކޮށް އެސިޑިކް ކާނާއަށް. މިއީ ޞިއްޙަތަށް ނުރައްކާތެރިވެދާނެ ކަމެއް.
ރަނގަޅު ނޫން ބައެއް ސަބަބު: ދިގުމުއްދަތަށް ދެމިނުހުރޭ އަދި ފަސޭހައިން ބާވޭ


ދުވަހުން ދުވަހަށް ކެއްކުމަށް، ސްޓެއިންލެސް ސްޓީލް، ދަގަނޑު، އަދި ރަނގަޅު ފެންވަރުގެ ސެރަމިކް އެންމެ ރައްކާތެރިއެވެ. މި ތަކެތި ދެމިހުރުމާއި، ރައްކާތެރިކަމާއި، ކެއްކުމުގެ ފެންވަރު ރަނގަޅުކަމުގެ ހަމަހަމަ ބެލެންސެއް ގެންގުޅެއެވެ. ޞިއްޙަތަށް ރައްކާތެރި ބަދިގެއެއް ބޭނުންކުރުމަށް، ހަލާކުވެފައިވާ ތަށިތަކާއި ކޯޓިންގ ނުޖަހާ އެލުމިނިއަމް ނުވަތަ ކޮޕަރ ތެލި ބޭނުންކުރުމުން ދުރުހެލިވުން ރަނގަޅެވެ.

ރައްކާތެރި، ރަނގަޅު ފެންވަރުގެ ތެއްޔަށް އިންވެސްޓްކުރުމަކީ ހަމައެކަނި  ކެއްކުމުގެ ތަޖުރިބާ ރަނގަޅުކުރުމެއް ނޫނެވެ. އޭގެ އިތުރުން  ޞިއްޙަތު ރައްކާތެރިކުރެއެވެ.
                    

މި ލިޔުން ކިޔާލުމުން

Ads by MSS