ދުނިޔެ

އިޒްރާއިލުން ކަމަލް އަދްވަން ހޮސްޕިޓަލްގެ ޑިރެކްްޓަރ ޑރ ޙުސާމް ރަޙީނުކޮށްފި

އިޒްރާއިލުން ކަމަލް އަދްވަން ހޮސްޕިޓަލްގެ ޑިރެކްްޓަރ ޑރ ޙުސާމް ރަޙީނުކޮށްފި

ޑރ ޙުސާމް އަބޫ ސާފިޔާ

ޙަސްނާ އަޙްމަދް

ޙަސްނާ އަޙްމަދް

28 ޑިސެމްބަރު 2024، 05:46

28 ޑިސެމްބަރު 2024، 05:46

އިޒްރާއިލުން ކަމަލް އަދްވަން ހޮސްޕިޓަލްގެ ޑިރެކްޓަރ ޑރ ޙުސާމް އަބޫ ސާފިޔާ ރަޙީނުކޮށްފިއެވެ.

ޣައްޒާގެ ޞިއްޙީ ވުޒާރާއިން ހޮނިހިރު ދުވަހު ކަށަވަރުކޮށްދީފައިވާ ގޮތުގައި ޣައްޒާގެ އުތުރުގެ ކަމަލް އަދުވަން ހޮސްޕިޓަލުގެ ޑިރެކްޓަރު ޑރ ހުސާމް އަބޫ ސަފިޔާ އިޒްރާއީލުގެ ސިފައިން ރަހީނުކޮށްފައިވަނީ އެ ސަރަހައްދުގައި އެންމެ ފަހުން ބާކީ ހުރި މެޑިކަލް ފެސިލިޓީ ފާސްކުރުމުގެ ތެރޭގައި ކަމަށެވެ.

ހޮނިހިރު ދުވަހުގެ ހެނދުނު އެ ވުޒާރާއިން ނެރުނު ބަޔާނެއްގައި ބުނެފައި ވަނީ އަބޫ ސަފިޔާ އިޒްރާއީލު ސިފައިންގެ ބެލުމުގެ ދަށަށް ގެނެސްފައިވާ ކަމަށެވެ. އަބޫ ސާފިޔާގެ ޙާލަތެއް އަދި އެނގިފައިނުވާކަމަށެވެ. 

ހުކުރު ދުވަހުގެ ހެނދުނު އިޒްރާއީލު ސިފައިން ކަމާލް އަދުވާން ހޮސްޕިޓަލަށް ވަދެ ހޮސްޕިޓަލްގެ އެކި ޑިޕާޓްމެންޓައް އަންދާލައި އެތަނުގެ ތެރޭގައި ތިބި އެތައް ސަތޭކަ ބަޔަކު އެތަނުން ނުކުންނަށް އެންގިކަމަށެވެ. 

ޞިއްޙީ ވުޒާރާއިން ބުނީ ހަފްތާތަކެއް ކުރިން އިޒްރާއިލް ސިފައިން އެސަރަހައްދު ވަށާލައި ދެމުންދިޔަ ހަމަލާތަކުގެ ސަބަބުން ބައިތް ލާހިޔާގެ ހޮސްޕިޓަލުގެ ތެރޭގައި ތިބި މުވައްޒަފުންނާ ގުޅުން ގެއްލިފައިވާ ކަމަށެވެ. 

އެތެރޭގައި ތިބި ބަލިމީހުންގެ އެއްވެސް މަޢުލޫމާތެއް އެކަމުގެ ސަބަބުން އެނގިފައިނުވާ ކަމަށްވެސް އެވުޒާރާއިން ވަނީ ބުނެފައެވެ.

މިކަމާގުޅޭގޮތުން އިޒްރާއީލު ސިފައިން ނެރުނު ބަޔާނެއްގައި ބުނެފައިވަނީ ކަމަލް އަދްވްން ހޮސްޕިޓަލަށް ވަދެ ފާސްކުރީ އެ މެޑިކަލް ފެސިލިޓީއަކީ "ޣައްޒާގެ އުތުރުގައި ހަމާސްގެ ޓެރަރިސްޓް ވަރުގަދަ ތަނެއްގެ ގޮތުގައި ބޭނުންކުރަމުންދާ ތަނެއް” ކަމަށް މަޢުލޫމާތު ލިބިފައިވާތީ ކަމަށެވެ. ނަމަވެސް އެކަމުގެ އެއްވެސް ހެއްކެއް އިޒްރާއިލްގެ ސިފައިންނަށް ދެއްކިފައެއް ނުވެއެވެ. 

 ފަލަސްޠީނުގެ ޞިއްޙީ ވުޒާރާައިން ބުނެފައިވަނީ ކަމަލް އަދްވަން އަށް ދިން ހަމަލާގައި އޮޕަރޭޓިން އަދި ސާޖަރީ ޑިޕާޓްމަންޓްތަކާއި ލެބޯޓްރީ އާއި މެއިންޓެނަންސް އާއި އެމްބިއުލާންސް ޔުނިޓްތަކާއި ގުދަންތައް މުޅިން ވަނީ އަނދައިގެން ގޮސްފައިކަމަށެވެ.

އެވުޒާރާއިން އިތުރަށް ބުނީ އިޒްރާއިލްގެ ސިފައިން ހަތިޔާރާއި ބަޑިއާއިއެކު ވަދެ ދިން އިންޒާރުގެ ސަބަބުން ބަލިމީހުންނާއި ޒަޚަމްވެފައިވާ މީހުން ގަދަކަމުން ބަދަލުކުރަނީ ޞިއްޙި ސާމާނާއި ފެނާއި ބޭހާއި ކަރަންޓާއި ޖަނަރޭޓަރުތައް ވެސް ނެތް އިންޑޮނޭޝިއާ ހޮސްޕިޓަލަށް ކަމަށެވެ.

އެ ވުޒާރާގެ ޑިރެކްޓަރު މުނީރު އަލް ބުރުޝް ވިދާޅުވީ 350 މީހުން ކަމަލް އަދްވަން ދޫކޮށް ގެދޮރު ގެއްލިފައިވާ އާއިލާތަކަށް ހިޔާވަހިކަން ދޭ ކައިރީގައި ހުންނަ ސްކޫލަކަށް ދިއުމަށް އިޒްރާއީލު ސިފައިން އަންގާފައިވާ ކަމަށެވެ. މީގެ ތެރޭގައި 75 ބަލިމީހުންނާއި އެމީހުންގެ އެހީތެރިންނާއި 185 މެޑިކަލް ސްޓާފުން ހިމެނެއެވެ.

ރޭ އެވުޒާރާއިން ރިޕޯޓްކޮށްފައިވާ ގޮތުގައި އިޒްރާއީލުގެ ސިފައިން ވަނީ ކަމަލް އަދްވަން ހޮސްޕިޓަލުގެ ދިހަވަރަކަށް މުވައްޒަފުންގެ ތެރެއިން ޑރ.ހުސާމް އަބޫ ސަފިޔާ ހިމެނޭ ގޮތަށް ޑިޓެންޝަން ސެންޓަރަކަށް ގެންގޮސް ސުވާލުކޮށްފައިވެއެވެ.

ޑރ ޙުސާމް ވަނީ އެންމެ ފަހު ވަގުތާއި ހަމައަށްވެސް ހޮސްޕިޓަލް ދޫކޮށްނުލާނެ ކަމަށް ވިދާޅުވެފައެވެ. 

މި ލިޔުން ކިޔާލުމުން

Ads by MSS