ޚަބަރު
ބަނގުރަލުގެ މައްސަލައަކާ ގުޅިގެން ހައްޔަރު ކުރި ތިން މީހަކު ޝަރުތުކޮށް ދޫކޮށްލައިފި

ބަނގުރަލުގެ މައްސަލައާ ގުޅިގެން ހައްޔަރު ކުރި މީހުން

ފަރުދުން
01 ޖެނުއަރީ 2025، 09:36
01 ޖެނުއަރީ 2025، 09:36
ހުލާސާ
އެ ތިން މީހުން ހައްޔަރުކުރީ ގަވާއިދާ ހިލާފަށް ބަނގުރާ ގެންގުޅެ، ބޭނުންކޮށް އަދި އެ ތަކެތީގެ ވިޔަފާރި ކުރާކަމަށް ތުހުމަތު ކުރެވިގެން ކަމަށް ފުލުހުން ހާމަކޮށްފައިވޭ.
މީލާދީ އާ އަހަރާ ދިމާކޮށް މޯލްޑިވްސް ޕޮލިސް ސަރވިސަސް އިން ހިންގި ހާއްސަ އޮޕަރޭޝަނެއްގައި، ބަނގުރަލުގެ މައްސަލައަކާއި ގުޅިގެން ހައްޔަރުކުރި ތިން މީހަކު ޝަރުތުކޮށް ބަންދުން ދޫކޮށްލައިފިއެވެ.
މީޑިއާތަކަށް މައުލޫމާތު ދެމުން ފުލުހުން ބުނީ، އެ ތިން މީހުން ހައްޔަރުކުރީ ގަވާއިދާ ހިލާފަށް ބަނގުރާ ގެންގުޅެ، ބޭނުންކޮށް އަދި އެ ތަކެތީގެ ވިޔަފާރި ކުރާކަމަށް ތުހުމަތު ކުރެވިގެން ކަމަށެވެ.
މި މައްސަލައާ ގުޅިގެން ހައްޔަރުކޮށްފައި ވަނީ އަހުމަދު އާނިޝް، ޗާންދަނީގެ / ސ. ހުޅުދޫ، 22 އަހަރު، އާއި އިސްމާއިލް މާހީން މުސްޠަފާ، ގ. ރެއިންބޯ، 26 އަހަރު އަދި އިބްރާހިމް އަކްމަލް އަބްދުއް ސައްތާރު، 19 އަހަރު އެވެ.
އެ ތިން މީހުން ދޫކޮށްލީ ޝަރުތަކާއި އެކުކަމަށް ފުލުހުން ބުނެއެވެ.
ފުލުހުން އިތުރަށް ބުނީ އެ ސަރވިސަސް އިން އެ މައްސަލަ އިތުރަށް ތަހުގީގު ކުރަމުން އަންނަ ކަމަށެވެ.