ޚަބަރު
ވަގަށް ނެގި ދެ މިލިއަން ރުފިޔާގެ އަގުހުރި ތަކެތި 24 ގަޑިއިރު ތެރޭގައި ފުލުހުން ހޯދައިފި

ވައްކަމާއި ގުޅިގެން ފުލުހުން ހޯދި ތަކެތި

ފަރުދުން
02 ޖެނުއަރީ 2025، 09:01
02 ޖެނުއަރީ 2025، 09:01
ހުލާސާ
ގަލޮޅުގެ ގެއަކުން ކުރި މި ވައްކަން ރިޕޯޓު ކުރުމާއެކު ފުލުހުން މި ތަކެތި ހޯދުމަށް ކުރި މަސައްކަތުން، 24 ގަޑިއިރުގެ ތެރޭގައި އެކަން ކާމިޔާބުކޮށްފައިވޭ.
މާލޭގެ ގެއަކުން ވަގަށް ނެގި ފައިސާއާއި އަގުބޮޑެތި އެއްޗެހިތަކެއް ފުލުހުން 24 ގައޑިއިރުގެ ތެރޭގައި ހޯދައިފިއެވެ.
އަންގާރަ ދުވަހު ހިނގި މި ހާދިސާގައި ދެ މިލިއަން ރުފިޔާގެ އަގުހުރި ތަކެތި ހިމެނެއެވެ. އޭގެ ތެރޭގައި ހިމެނެނީ އަގު ބޮޑެތި އިލެކްޓްރޯނިކް ތަކެއްޗާއި ނަގުދު ފައިސާއެވެ.
ގަލޮޅުގެ ގެއަކުން ކުރި މި ވައްކަން ރިޕޯޓު ކުރުމާއެކު ފުލުހުން މި ތަކެތި ހޯދުމަށް ކުރި މަސައްކަތުން، 24 ގަޑިއިރުގެ ތެރޭގައި އެކަން ކާމިޔާބުކޮށްފައިވެއެވެ. އަދި ފުލުހުން ހޯދި ފައިސާއާއި ތަކެތި މިހާރު ވަނީ އެ ތަކެތީގެ ވެރިފަރާތާއި ހަވާލުކޮށްފައި ކަމަށް ވެސް ފުލުހުން ވަނީ ބުނެފައެވެ.
މިކަމާ ގުޅިގެން ފުލުހުން ސޯޝަލް މީޑިއާގައި ކުރި ޕޯސްޓުގައި ބުނީ އެ ތަކެތި ހޯދާފައިވަނީ ގަލޮޅު ޕޮލިސް އިންވެސްޓިގޭޝަނާއި ރެސްޕޮންސް އެންޑް ޕެޓްރޯލް ގުޅިގެން ކަމަށެވެ.
މި މައްސަލައާ ގުޅިގެން އެއްވެސް މީހަކު ހައްޔަރުކުރި ކަމަކަށް އަދި ފުލުހުން ހާމަކޮށްފައެއް ނުވެއެވެ.