ޚަބަރު
މާލޭގެ މަގުތައް އާންމު ހާލަތަށް އަންނަންދެން ބަރު އުޅަނދު ނުދުއްވުމަށް އަންގައިފި

މާލޭގެ މަޖީދީ މަގުގައި ފެން ބޮޑުވެފައި ވަނިކޮށް ކާރެއް ދުއްވާފައި ދަނީ

ފަރުދުން
04 ޖެނުއަރީ 2025، 10:33
04 ޖެނުއަރީ 2025، 10:33
ހުލާސާ
މި ހާލަތާ ގުޅިގެން މާލޭ ސިޓީ ކައުންސިލުންނާއި މޯލްޑިވްސް ޕޮލިސް ސާރވިސް އިން މިހާރު އަންނަނީ ގެ ތަކާއި ފިހާރަތަކުގެ ދޮރުމަތީގައި ވެލި ބަސްތާ ޖެއްސުމުގެ މަސައްކަތް ކުރަމުން.
މެދުރާއްޖެތެރެއަށް އޮރެންޖު އެލާޓް ނެރެފައިވަނިކޮށް މާލޭގެ މަގުތަކުގައި ފެންބޮޑުވެ ގޭގެއަށް ފެންވަންނަމުން ދިއުމާއި ގުޅިގެން، މަގުތައް އާންމު ހާލަތައް އަންނަންދެން މަގު ތަކުގައި ބަރު އުޅަނދު ނުދުއްވުމަށް މޯލްޑިވްސް ޕޮލިސް ސާރވިސަސް އިން އަންގައިފިއެވެ.
މީގެ އިތުރުން ޒަރޫރީ ބޭނުންތަކުގައި ނޫނީ މާލޭގެ މަގުތަކުގައި ހަތަރު ފުރޮޅުލީ އުޅަނދު ނުދުއްވުމަށް ވެސް ޕޮލިހުން ވަނީ އަންގާފައެވެ.
މި ހާލަތާ ގުޅިގެން މާލޭ ސިޓީ ކައުންސިލުންނާއި މޯލްޑިވްސް ޕޮލިސް ސާރވިސް އިން މިހާރު އަންނަނީ ގެ ތަކާއި ފިހާރަތަކުގެ ދޮރުމަތީގައި ވެލި ބަސްތާ ޖެއްސުމުގެ މަސައްކަތް ވެސް ކުރަމުންނެވެ.
އަދި މި ވާރޭގެ ސަބަބުން މާލެ ހިމެނޭހެން ގިނަ ރަށްތަކެއްގައި ފެން ހިންދުމުގެ މަސައްކަތުގައި މޯލްޑިވެސް ނޭޝަނަލް ޑިފެންސް ފޯސް (އެމްއެންޑީއެފް) އިން އަންނަނީ ހަރަކާތްތެރިވަމުންނެވެ.
މާލޭގެ އިތުރުން، ފެން ބޮޑުވުމުގެ ސަބަބުން އެމްއެންޑީއެފް އިން ހަރަކާތްތެރިވަމުންދާ ރަށްތަކުގެ ތެރޭގައި މާލެ އަތޮޅު ގުރައިދޫ އާއި އދ. މާމިގިއްޔާއި ފ. ނިލަންދޫއާއި ދ. ކުޑަހުވަދޫ އާއި ދ. މީދޫ އަދި ފ. މަގޫދޫ ހިމެނެއެވެ.