ޚަބަރު
އިޤްތިޞާދީ ގުޅުން ބަދަހި ކުރުމަށް ރާއްޖެ އާއި އިންޑިއާއާ ދެމެދު މަޝްވަރާކޮށްފި

މިނިސްޓަރުންގެ ބައްދަލު ކުރެއްވުމުގައި އިޤްތިޞާދާ ގުޅޭ ފަހުމުނާމާގައި ވަނީ ސޮއިކޮށްފައި

ފަރުދުން
04 ޖެނުއަރީ 2025، 09:56
04 ޖެނުއަރީ 2025، 09:56
ހުލާސާ
މި ބައްދަލުކުރެއްވުމުގައި މިނިސްޓަރ ޚަލީލް ވަނީ، ދިވެހިރާއްޖޭގެ މާލީ ހާތަލު ރަގަޅު ކުރުމަށް އިންޑިއާއިން ވެދެއްވާ އެހީތެރިކަން ފާހަގަކޮށް، ދިވެހި ސަރުކާރުގެ ނަމުގައި އެ ގައުމަށް ޝުކުރު އަދާކުރައްވާފައި.
ދިވެހިރާއްޖޭގެ ޕޮރިން މިނިސްޓަރ ޑރ. ޢަބްދުﷲ ޚަލީލް އާއި އިންޑިއާގެ އެކްސްޓާނަލް އެފެއާޒް މިނިސްޓަރ ޑރ. އެސް ޖައިޝަންކަރު ނިއުދިއްލީގައި ބައްދަލު ކުރައްވައި، ދެ ގައުމުގެ ދެމެދުގައިވާ އިޤްތިޞާދީ ގުޅުން ބަދަހި ކުރުމުގެ މަޝްވަރާތައް ކުރައްވައިފިއެވެ.
މި ބައްދަލުކުރެއްވުމުގައި އިންޑިއާގެ ހިލޭ އެހީ އާއި، ލައިން އޮފް ކްރެޑިޓްގެ ދަށުން ހިނގަމުންދާ މަޝްރޫޢުތައް ކުރިއަށްދާ ގޮތާމެދު ދެ ބޭފުޅުން މަޝްވަރާ ކުރެއްވިއެވެ. އަދި ދިވެހިރާއްޖޭގެ ތަރައްޤީގައި އިންޑިއާއިން ދެމުން ގެންދާ އެހީތައް ފާހަގަކޮށް، އިޤްތިޞާދީ ގޮތުން ދެ ގައުމުގެ ގުޅުން ބަދަހި ކުރެވޭނެ ގޮތްތަކަށް މަޝްވަރާކުރައްވާފައި ވެއެވެ.
މި ބައްދަލުކުރެއްވުމުގައި މިނިސްޓަރ ޚަލީލް ވަނީ، ދިވެހިރާއްޖޭގެ މާލީ ހާތަލު ރަގަޅު ކުރުމަށް އިންޑިއާއިން ވެދެއްވާ އެހީތެރިކަން ފާހަގަކޮށް، ދިވެހި ސަރުކާރުގެ ނަމުގައި އެ ގައުމަށް ޝުކުރު އަދާކުރައްވާފައެވެ.
އަދި މިނިސްޓަރުގެ އިންޑިއާ ދަތުރުފުޅާ ގުޅިގެން، ޒަމާނުއްސުރެން ދެ ގައުމުގެ ދެމެދުގައި އޮންނަ ގުޅުން އިތުރަށް ބަދަހިވެގެންދާނެކަމަށް ޤަބޫލު ކުރައްވާކަމަށް ވެސް މިނިސްޓަރ ވިދާޅުވިއެވެ.
މި ބައްދަލުވުމަށް ފަހު، ހައި އިމްޕެކްޓް ކޮމިއުނިޓީ ޑިވެލޮޕްމަންޓް ޕްރޮޖެކްޓްސްގެ ފޭސް-3 ގެ ފަހުމުނާގައި ދެ މިނިސްޓަރުން ސޮއިކުރެއްވިއެވެ. މިއީ އަތޮޅުތަކުގައި ކުރިޔަށް ގެންދިއުމަށް ނިންމާފައިވާ، ސީދާ ރައްޔިތުންނާ ގުޅުންހުރި މާޝްރޫއު ތަކެކެވެ.