ދުނިޔެ

އޮޅުވާލައިގެން އިންތިހާބު ކާމިޔާބުކުރިކަމަށް ގިނަ ބަޔަކު ގަބޫލުކުރާ މަޑޫރޯ، ވެނެޒުއޭލާގެ ރައީސްކަމުގެ އާ ދައުރަކަށް ހުކުރު ދުވަހު ހުވާކުރަނީ

އޮޅުވާލައިގެން އިންތިހާބު ކާމިޔާބުކުރިކަމަށް ގިނަ ބަޔަކު ގަބޫލުކުރާ މަޑޫރޯ، ވެނެޒުއޭލާގެ ރައީސްކަމުގެ އާ ދައުރަކަށް ހުކުރު ދުވަހު ހުވާކުރަނީ

ވެނެޒުއޭލާގެ އިންތިހާބު ކާމިޔާބުކުރި ނިކޮލަސް މަޑޫރޯ، ފޮޓޯ: އޭޕީ

މިފްތާޙް މުޙައްމަދު

މިފްތާޙް މުޙައްމަދު

07 ޖެނުއަރީ 2025، 09:20

07 ޖެނުއަރީ 2025، 09:20

ހުލާސާ

އިންތިހާބުގެ ވޯޓު ފޮށިތައް ބަންދުކުރިތާ ކުޑަ ވަގުތުކޮޅެއްގެ ތެރޭގައި ވެނެޒުއޭލާގެ ގައުމީ އިންތިހާބީ ކޮމެޓީއިން މަޑޫރޯ އިންތިހާބު ކާމިޔާބުކުރިކަމަށް އިއުލާންކުރިއިރު، އޭނާއަށް ކާމިޔާބު ކުރެވުނު ވޯޓުގެ އަދަދު ހާމަކޮށްފައެއް ނުވޭ.

ވެނެޒުއޭލާގެ ރިޔާސީ އިންތިހާބު އޮޅުވާލައިގެން ކާމިޔާބުކުރިކަމަށް ގިނަ ބަޔަކު ގަބޫލުކުރާ ނިކޮލަސް މަޑޫރޯ، އެ ގައުމުގެ ރައީސްކަމުގެ ތިން ވަނަ ދައުރަކަށް ހުކުރު ދުވަހު ހުވާކުރުމަށް ތައްޔާރުވަމުން އެބަދެއެވެ. އޭނާ މިހާރު ފުރިހަމަ ކުރަމުން އެދަނީ، ވެނެޒުއޭލާގެ 6 އަހަރުގެ ރިޔާސީ ދެވަނަ ދައުރެވެ.

މިދިޔަ އަހަރުގެ ޖުލައި މަހުގެ 28ގައި ވެނެޒުއޭލާގައި ބޭއްވި އިންތިހާބުގެ ސައްޙަކަމާމެދު ގިނަ ބަޔަކު ސުވާލު އުފެއްދީ، އެ އިންތިހާބުގެ ކަންކަން ހާމަކަން ބޮޑުގޮތެއްގައި ކުރިޔަށް ގެންގޮސްފައި ނުވާތީއެވެ.

އިންތިހާބުގެ ވޯޓު ފޮށިތައް ބަންދުކުރިތާ ކުޑަ ވަގުތުކޮޅެއްގެ ތެރޭގައި ވެނެޒުއޭލާގެ ގައުމީ އިންތިހާބީ ކޮމެޓީއިން މަޑޫރޯ އިންތިހާބު ކާމިޔާބުކުރިކަމަށް އިއުލާންކުރިއިރު، އޭނާއަށް ކާމިޔާބު ކުރެވުނު ވޯޓުގެ އަދަދު ހާމަކޮށްފައެއް ނުވެއެވެ. އެ ކޮމެޓީއިން ބުނީ، ވޯޓުގެ އަދަދުތައް ހާމަނުކުރެވުނީ ވެބްސައިޓް ހެކްކޮށްގެން ކަމަށެވެ. 

ނަމަވެސް އިދިކޮޅުން ވާދަކުރި އެޑްމަންޑޯ ގޮންޒާލޭޒްގެ ޓީމުން ވަނީ %80 ވޯޓު ފޮށީގެ ނަތީޖާތައް ހޯދުމަށްފަހު ސޯޝަލް މީޑިއާގައި އާންމުކޮށްފައެވެ. އެ ފޮށިތަކުގެ ޖުމްލަ ނަތީޖާ ދައްކާގޮތުން، މަޑޫރޯއަށް ލިބުނު ވޯޓުގެ ދެގުނަ ވަނީ ގޮންޒާލޭޒްއަށް ލިބިފައެވެ. 

މި އިންތިހާބު ކުރިޔަށް ދިޔަގޮތާއި މެދު ބައިނަލްއަގްވާމީ ގިނަ ފަރާތްތަކުން ކަންބޮޑުވުން ފާޅުކުރުމާ ގުޅިގެން، އެ ގައުމުގެ ހައިކޯޓުން އެ މައްސަލަ ބަލައިދިނުމަށް މަޑޫރޯ އެދުނެވެ. މި މައްސަލައިގައި އެއްވެސް ހެއްކަކަށް އިޝާރާތް ކުރުމެއް ނެތި ހައި ކޯޓުން ނިންމީ އިންތިހާބުގެ ނަތީޖާ އަގަޅު ކަމަށެވެ. އަދި އިންތިހާބީ ކޮމެޓީއިން ވޯޓުގެ އަދަދުތައް ހާމަކުރުމަށް ވެސް އެދުނެވެ. 

ނަމަވެސް އިންތިހާބީ ކޮމެޓީއިން އެކަން އެގޮތަށްކޮށްފައިނުވާއިރު، އެއްވެސް ޕާޓީއަކަށް ވޯޓުގެ އަދަދުތައް އަލުން ބެލުމުގެ ފުރުސަތު ދީފައެއް ވެސް ނުވެއެވެ.

މީގެ އިތުރުން، އިންތިހާބުގެ ކަންކަން ހިނގާ ނުހިނގާ ގޮތް ބެލުމަށް މަޑޫރޯގެ ސަރުކާރުން ދައުވަތުދީގެން ހާޒިރުވި އެމެރިކާގެ ކާރޓާ ސެންޓަރުން ވެސް ބުނެފައިވަނީ، އިދިކޮޅު ފަރާތްތަކުން ސޯޝަލް މީޑިއާގައި ހިއްސާކުރި މަޢުލޫމާތަކީ ސައްޙަ މަޢުލޫމާތު ކަމަށެވެ.

އިންތިހާބަށްފަހު ސްޕްޓެމްބަރު މަހުގެ ތެރޭގައި މަޑޫރޯއާ ދެކޮޅަށް ވާދަކުރި ގޮންޒާލޭޒް ހައްޔަރުކުރުމުގެ ކޯޓު އަމުރެއް ނެރުމާ ގުޅިގެން އޭނާވަނީ ސްޕެއިންގެ ހިމާޔަތް ހޯދައި، އެ ގައުމަށް ގޮސްފައެވެ. އެހެންކަމުން، މަޑޫރޯގެ ހުވާކުރުން އޮންނަ ދުވަހު ގޮންޒާލޭޒްއާއި އޭނާއަށް ތާއީދުކުރާ ފަރާތްތަކުން އެ ސަރަހއްދުގައި މުޒާހަރާކުރާނެކަމަކަށް އަދި ނުބެލެވެއެވެ.

މި ލިޔުން ކިޔާލުމުން

Ads by MSS