ކޮލަމް / ސައިންސް
ކެންޔާއިން ފެނުނު ތަފާތު ޒިބްރާ

ކެންޔާއިން ފެނުނު ޒިބްރާ ފޮޓޯ: އިންޓަނެޓް
މާސައި މާރާ ނޭޝަނަލް ރިޒާވް އިން ވަނީ މޡީގެކުރިން އާދަޔާ ޚިލާފު ކުޑަ ޒިބްރާއެއް ފެނިފައެވެ. މި ޒިބްރާގެ ހަށިގަނޑު ކަޅު ކުލައިގައި ހުރިއިރު ހުދު ބޮޅުތަކެއް ހުރިކަމަށް ވަނީ ފާހަގަކުރެވިފައެވެ.
ފޮޓޯގްރާފަރ ފްރޭންކް ލިއުއަށް މި ޒިބްރާ ފެނުނީ ރައިނޯތަކެއް ހޯދަން ކެންޔާގައި އުޅުނު ދަތުރެއްގައެވެ. އުމުރުން ގާތްގަނޑަކަށް އެއް ހަފްތާ ކަމަށް ލަފާކުރެވޭ މި ޒިބްރާ އެންމެ ފުރަތަމަ ދުށް "މާސައި ގައިޑް "އެންޓަނީ ޓީރާ އިން ވަނީ މި ޒިބްރާއަށް "ޓީރާ" ގެ ނަމުން ނަން ދީފައެވެ.
ޔުނިވަރސިޓީ އޮފް ކެލިފޯނިއާގެ ބަޔޮލޮޖިސްޓް ރެން ލެރިސަން ވިދާޅުވި ގޮތުގައި މި ޒިބްރާގެ ކުލަ ތަފާތުވެފައި މިވަނީ "ސިއުޑޯމެލަނިޒަމް" ކިޔާ ވަރަށް މަދުން ދިމާވާ ޖެނެޓިކް މިއުޓޭޝަނެއްގެ ސަބަބުންނެވެ. މި ހާލަތުގައި ޒިބްރާގެ ހަށިގަނޑުގައި އާންމުކޮށް ހުންނަ ރޮނގު ފެންނަ ގޮތް ތަފާތުވެއެވެ.
ޒިބްރާތަކުގެ ހަށިގަނޑުގައި ހުންނަ ރޮނގުތައް އިނގިލީގެ ނިޝާން ފަދައިން ކޮންމެ ޒީބްރާއެއްގައިވެސް ތަފާތުވާ ކަމަށް ބުނެވެއެވެ. ނަމަވެސް، މާސައި މާރާގައި މިފަދަ ތަފާތު ޒިބްރާއެއް ފެނުނު ކަމަށް ރެކޯޑު ކުރެވިފައިވާ މިއީ ފުރަތަމަ ފަހަރު ކަމަށް ފްރޭންކް ލިއު ބުނެފައިވެއެވެ. އެހެންނަމަވެސް، ބޮޓްސްވާނާގެ އޮކަވަންގޯ ޑެލްޓާގައި މިފަދަ ޒިބްރާ ކުރިން ވެސް ފެނިފައިވާ ކަމަށް އޭނާ ފާހަގަކޮށްފައިވެއެވެ.
މިފަދަ އާދަޔާ ޚިލާފު ސިފަތައް ހުންނަ ޖަނަވާރުތައް ދެނެގަތުމަކީ ސައިންސްވެރިންނަށް މުހިންމު ކަމެކެވެ. މިއީ ޖަނަވާރުގެ ބާވަތްތަކަށް އަންނަ ބަދަލުތަކާއި، އެ ޖަނަވާރުތައް އެސޮރުމެންގެ މާހައުލު ބަލަހައްޓާ ގޮތް ދެނެގަތުމަށް އެހީތެރިވާ ކަމެއް ކަމުގައި ބެލެވެއެވެ.