ދެކުނު ކޮރެއާގެ ރައީސް ޔޫން ސުކް ޔެއޯލް ހައްޔަރުކޮށްފި

ދެކުނު ކޮރެއާގެ ރައީސް ޔޫން ސުކް ޔެއޯލް ވަނީ އިންސަރެކްޝަންގެ ތުހުމަތުގައި ހައްޔަރުކޮށްފައެވެ. މިއީ އެ ޤައުމުގެ ތާރީޚުގައި ވެސް ވެރިކަމުގައި ހުރި ރައީސަކު ހައްޔަރުކުރެވުނު ފުރަތަމަ ފަހަރެވެ.

ރައީސް ޔޫން މިހާރު ވަނީ ކޮރަޕްޝަން އިންވެސްޓިގޭޝަން އޮފީހުގެ (ސީއައިއޯ) ބެލުމުގެ ދަށަށް ގެންގޮސްފައެވެ. އޭނާ ބުނެފައިވަނީ "ނޭދެވޭ ލޭއޮހޮރުވުމެއް ހުއްޓުވުމަށްޓަކައި، މިއީ ޤާނޫނާ ޚިލާފު ތަޙްޤީޤެއް ކަމުގައި ވީނަމަވެސް" ސުވާލުކުރުމަށް އެއްބަސްވާނެ ކަމަށެވެ.

ރައީސް ޔޫންގެ ސެކިއުރިޓީ މުވައްޒަފުންނާއި އޭނާގެ ތާއީދުކުރާ ފަރާތްތަކާއެކު ގަޑިއިރުތަކެއް ވަންދެން ކުރިމަތިލުމަށްފަހު، އޭނާގެ ގެއަށް ވަނުމަށް ތަޙްޤީޤުކުރާ ފަރާތްތަކުން ވަނީ ހަރުގަނޑާއި ވަޔަރު ކަނޑާ ތަކެތި ބޭނުންކޮށްފައެވެ. މީގެ ކުރިން މި މަހުގެ ތެރޭގައި އޭނާ ހައްޔަރުކުރަން މަސައްކަތްކުރި ނަމަވެސް، އެ މަސައްކަތް ވަނީ ނާކާމިޔާބުވެފައެވެ.

ރައީސް ޔޫންގެ އިމްޕީޗްމަންޓް ޝަރީޢަތް އިއްޔެ ފެށުނު ނަމަވެސް، އޭނާ ޝަރީޢަތަށް ހާޒިރުނުވުމާ ގުޅިގެން 4 މިނެޓުގެ ތެރޭގައި ވަނީ ޝަރީއަތް ނިމުމަކަށް ގެނެސްފައެވެ. މި ޝަރީޢަތުން ނިންމާނީ އޭނާ މަޤާމުން ވަކިކުރާނެތޯއެވެ.

މާޝަލް ލޯ ތަންފީޒުކުރަން މަސައްކަތްކުރި ކަމަށް ބުނެ ރައީސް ޔޫންގެ މައްޗަށް ވަނީ އިންސަރެކްޝަންގެ ދަޢުވާ އުފުލާފައެވެ. މި ހާދިސާއާ ގުޅިގެން ދެކުނު ކޮރެއާގެ ސިޔާސީ މަޝްރަޙު ވަނީ ހަލަބޮލިވެފައެވެ.