ޤައުމީ އެއަރލައިންގެ ދަތުރުތައް މި މަހު ޗައިނާއަށް ފަށަނީ

ޤައުމީ އެއަރލައިން، މޯލްޑިވިއަންއަށް ގެނައި ވައިޑް-ބޮޑީ އެއަރކްރާފްޓާއެކު، އެ އެއަރލައިނުން މި މަހު 22ގައި ޗައިނާގެ ޗެންގްޑޫއަށް ދަތުރުތައް ފަށަން ނިންމައިފިއެވެ.

މޯލްޑިވިއަންއިން ހާމަކޮށްފައިވާ ގޮތުގައި، ޗައިނާއަށް އެ އެއަރލައިންގެ ވައިޑް-ބޮޑީ އެއަރކްރާފްޓުން ފުރަތަމަކުރާ ދަތުރުތަކަށް ހާއްސަ އަގެއް ވަނީ ކަނޑައަޅާފައެވެ. އެގޮތުން މި މަހުގެ 22 އިން 30 އާއި ދެމެދުކުރާ ދަތުރުތަކުގެ ރިޓާން ޓިކެޓް ލިބެނީ 688 އެމެރިކާ ޑޮލަރަށެވެ. 

Enjoy our special inaugural flight fares and explore the vibrant culture and stunning landscapes of Chengdu. Book now and be among the first to experience this incredible journey! ✈️

Book Now: https://t.co/lwp36CDvvE #Maldivianaero #Maldives #China #Chengdu pic.twitter.com/Ypq9L1N62C

— MaldivianAero (@MaldivianAero) January 15, 2025

މި ދަތުރުތަކުގައި ބެގޭޖް އެލަވަންސްގެ ގޮތުގައި ކޮންމެ ފަސިންޖަރަކަށް 40 ކިލޯ ލިބެއެވެ.

މޯލްޑިވިއަންއިން ހިއްސާކޮށްފައިވާ ގޮތުގައި، ޗެންގްޑޫއަށް ކުރާ ދަތުރުތައް އޮންނާނީ ހަފްތާއަކު އެއްފަހަރުއެވެ. އެގޮތުން މާލެއިން ކޮންމެ ބުދަ ދުވަހެއްގައި ދަތުރު އޮންނައިރު، ފްލައިޓް އަނބުރާ މާލެ އަންނާނީ ބުރާސްފަތި ދުވަހުކަމަށް މޯލްޑިވިއަން އިން ބުންޏެވެ. 

މީގެ އިތުރުން ބެއިޖިންއަށްކުރާ ދަތުރެއް މި މަހު 23ގައި އޮންނާނެކަމަށާއި އަދި ޝަންހާއީއަށް ކުރާ ދަތުރެއް މި މަހު 27ގައި އޮންނާނެކަމަށް މޯލްޑިވިއަނުން ވަނީ ހާމަކޮށްފައެވެ. 

ޗައިނާގެ ތިން ސިޓީއަކަށް މޯލްޑިވިއަންގެ ދަތުރުތައް ފެށުމަށް ނިންމާފައިވާއިރު، ބެއިޖިން ދެކޮޅު ޓިކެޓު 788 އެމެރިކާ ޑޮލަރަށް އުޅޭއިރު، ޝެންހާއީ ދެކޮޅު ޓީކެޓު އުޅެނީ 777 އެމެރިކާ ޑޮލަރަށެވެ.

މޯލްޑިވިއަންގެ ވައިޑް-ބޮޑީ އެއަރކްރާފްޓްގައި 260 ފަސިންޖަރުން އުފުލެއެވެ. މި ބޯޓުގައި ދަތުރުކުރާ ފަސިންޖަރުންނަށް ހާއްސަކޮށް ތިން ކްލާހެއް އެވެއެވެ. އެއީ ބިޒްނަސް ކްލާހާއި، ޕްރިމިއަމް އިކޮނޮމީއާއި އިކޮނޮމީ ކްލާހެވެ.