ކުޑަކުއްޖަކު ފިހިގެން ހުޅުމާލެ ހޮސްޕިޓަލުގައި ފަރުވާ ދެނީ

އުމުރުން 13 އަހަރުގެ ކުޑަ ފިރިހެން ކުއްޖަކު ފިހިގެން، އެ ކުއްޖާއަށް ފަރުވާދެމުންދާކަމަށް ފުލުހުން ވިދާޅުވެއްޖެއެވެ.

ފުލުހުން ވިދާޅުވީ، ކުޑަ ކުއްޖަކު ފިހިގެން އުޅޭކަމުގެ މަޢުލޫމާތު އެ އިދާރާއަށް ލިބުނީ، މި މަހުގެ 23 ވަނަ ދުވަހު ކަމަށެވެ. އަދި، މި މަޢުލޫމާތު ލިބުމާއި އެކު، މި މައްސަލަ ފުލުހުން ވަނީ ތަހުޤީގުކުރަން ފަށައިފައެވެ. 

ފުލުހުން ވިދާޅުވީ، މި ކުއްޖާއަށް ފަރުވާދެމުންދަނީ ހުޅުމާލެ ހޮސްޕިޓަލުގައި ކަމަށެވެ. ނަމަވެސް، މި ކުއްޖާއަށް އަނިޔާވެފައިވަނީ ކިހާމިންވަރަކަށް ކަމާއި، ކުއްޖާގެ މި ވަގުތުގެ ޞިއްޙީ ޙާލަތެއް އަދި ކަށަވަރެއް ނުވެއެވެ.

ފުލުހުން ވިދާޅުވީ، މި ޙާދިސާ ހިނގި ގޮތް މިހާރު ތަަޙުޤީޤު ކުރަމުން އަންނަކަމަށެވެ.