ބުޅަލަކަށް އޮޅިގެން 24 ގަޑިއިރުތެރޭގައި ބައިނަލްއަޤްވާމީ 3 ދަތުރުކުރެވިއްޖެ

ނިއުޒިލޭންޑުން އޮސްޓްރޭލިޔާއަށް ދަތުރުކުރަމުންދިޔަ މޭން ކޫން ނަސްލުގެ ބުޅަލެއް، މިމަހު  އޮޅުމަކުން  ބައިނަލްއަޤްވާމީ ދަތުރުވެރިއަކަށް ވެއްޖެއެވެ. މިޓެންސް ކިޔާ މި 8 އަހަރުގެ ބުޅާ، 24 ގަޑިއިރުގެ ތެރޭގައި ތިން ފަހަރު ދަތުރުކޮށްފައިވަނީ ނިއުޒިލޭންޑާއި އޮސްޓްރޭލިޔާއާ ދެމެދުގައެވެ.

ޖެނުއަރީ 13 ވަނަ ދުވަހު މިޓެންސްގެ ވެރިފަރާތް މާގޯ ނީސް އާއިލާއާއެކު ކްރައިސްޓްޗާޗުން މެލްބަންއަށް ދަތުރުކުރުމަށް ހަމަޖެހިފައިވާއިރު، މިޓެންސް ގެންދިއުމަށް ހަމަޖެހިފައިވަނީ މަތިންދާބޯޓުގެ ކާގޯ ހޯލްޑުގައެވެ. ނަމަވެސް މެލްބަންއަށް ބޯޓު ޖެއްސުމުން މިޓެންސް ފެނިފައިނުވާކަމަށް ނީސް ބުނެފައިވެއެވެ.

"ތިން ގަޑިއިރު ވަންދެން އަހަރެން މަޑުކޮށްގެން ހުރިން. އެކަމަކު މިޓެންސްގެ ހިލަމެއް ނުފެނުނު،" ނީސް ކިޔައިދިނެވެ. "ދެން އެމީހުން ބުނީ މަތިންދާބޯޓު އަނބުރާ ނިއުޒިލޭންޑަށް ގޮސްފިއޭ.  މިޓެންސް އަދިވެސް އޮތީ އޭގައޭ."

މިޓެންސްގެ ކޮށި ފެންނަން ނެތީ ވީލްޗެއަރއެއްގެ ފަހަތުގައި ފޮރުވިފައި އޮތުމުގެ ސަބަބުންކަމަށް ނީސްއަށް އެންގުނެވެ. އެއަރ ނިއުޒިލޭންޑުން މި މައްސަލައާ ގުޅިގެން މާފަށް އެދި، މިޓެންސްގެ ދަތުރުގެ ހުރިހާ ޚަރަދެއް ދޭނެކަމަށް ބުނެފައިވެއެވެ.

ނަމަވެސް މި ހިތާމަވެރި ހާދިސާގެ ނިމުން އައީ އުފާވެރި ގޮތަކަށެވެ. ޕެޓް މޫވިންގ ކުންފުނިން މިޓެންސް ނިއުޒިލޭންޑުން ބަލައިގަނެ، އަނެއްކާވެސް މެލްބޯންއަށް ފޮނުވާލިއެވެ. މިފަހަރު މިޓެންސް ރައްކާތެރިކަމާއެކު މެލްބޯންއަށް ވާސިލުވިއެވެ.