އީއެމްއެސް: ދުނިޔޭގެ އެކިކަންކޮޅުތަކަށް ފަސޭހަކަމާއިއެކު ފޯރުކޮށްދޭ އިތުބާރުހުރި އަދި އަގުހެޔޮ ކުރިއަރ ޚިދުމަތެއް

މިއަދުގެ ކާރޫބާރޫބޮޑު ދުނިޔޭގައި، އަވަސް އަދި އިތުބާރުހުރި ކުރިއަރ ޚިދުމަތަކީ އަގުހުރި ވަސީލަތެކެވެ. އެކްސްޕްރެސް މެއިލް ސަރވިސް (އީއެމްއެސް) އަކީ މުޅި ދުނިޔޭގެ ފަރުދުންނާއި ވިޔަފާރިތަކަށް ފޯރުކޮށްދެވޭ އެންމެ ފުރިހަމަ ކުރިއަރ ޚިދުމަތްތަކުގެ ތެރެއިން އެއް ޚިދުމަތެވެ. ޔުނިވަރސަލް ޕޯސްޓަލް ޔޫނިއަން (ޔޫޕީޔޫ) ގެ ޕޯސްޓަލް އޮޕަރޭޓަރުން މެދުވެރިކޮށް ފޯރުކޮށްދެވޭ މި ބައިނަލްއަޤްވާމީ ކުރިއަރ ޚިދުމަތަކީ އިތުބާރާއި، އަގުގެ ހެޔޮކަމާއި، އަދި ދުނިޔޭގެ އެކި ކަންކޮޅުތަކަށް ފޯރުކޮށްދިނުމުގެ ފުޅާ ދާއިރާއަކުން ފާހަގަކުރެވޭ ޚިދުމަތެކެވެ.

އީއެމްއެސް ޚިޔާރުކުރުމުގެ މުހިންމު ސަބަބުތައް:

• އަވަސްކަމާއި އިތުބާރު: އަވަސް އަދި އިތުބާރުހުރި ކުރިއަރ ޚިދުމަތެއް.
• އަގުގެ ހެޔޮކަން: ވާދަވެރި އަގުތަކެއްގައި ފޯރުކޮށްދެވޭ ޚިދުމަތެއް.
• ހިދުމަތް ފަސޭހައިން ލިބެން ހުރުން: ކޮންމެ ޕޯސްޓް އޮފީހަކުންވެސް ލިބެންހުރި ޚިދުމަތެއް.
• ޒަމާނީ ޓްރެކިންގ: އެންމެ ފަހުގެ ޓެކްނޮލޮޖީ ބޭނުންކޮށްގެން ޕާރުސަލްތައް ޓްރެކްކުރެވޭ ނިޒާމެއް.
• ރައްކާތެރިކަމަށް އިސްކަންދިނުން: ޕާރުސަލްތަކުގެ ރައްކާތެރިކަމަށް އަބަދުވެސް ދެވޭ ޚާއްޞަ އިސްކަން
• ޑެލިވަރީގެ ހެކި: ޕާރުސަލް ރައްދުކުރެވުނުކަމުގެ ޔަޤީންކަން ލިބޭ ނިޒާމެއް.
• ޚިދުމަތުގެ ފުޅާ ދާއިރާ: ދުނިޔޭގެ ގިނަ ޤައުމުތަކަކަށް ފޯރުކޮށްދެވޭ ޚިދުމަތެއް.

 އީއެމްއެސް ކުރިއަރ ޚިދުމަތަކީ މުޖުތަމަޢުގެ ހުރިހާ ދާއިރާއަކަށް މަންފާކުރާނެ ޚިދުމަތެކެވެ. ބޭރުގައި ކިޔަވާ ދަރިވަރުންނަށް މުހިންމު ލިޔެކިޔުންތައް އަވަހަށް ފޯރުކޮށްދިނުމަށާއި، ރާއްޖެއިން ބޭރުގައި ދިރިއުޅޭ ދިވެހިންނާއި ރާއްޖޭގައި ދިރިއުޅޭ ބިދޭސީންނަށް މުހިންމު ތަކެތި ފޮނުވުމަށް މި ޚިދުމަތް ބޭނުންކުރެވެއެވެ. ހަމައެހެންމެ، ދަތުރުވެރިންނާއި ފަތުރުވެރިންނަށް އަގުހުރި ތަކެތި ރައްކާތެރިކަމާއެކު ގެންދިއުމަށް އެހީތެރިވެދެއެވެ. ވިޔަފާރިތަކަށް މުދާ އަވަހަށް ފޯރުކޮށްދިނުމަށާއި، ރިޒޯޓުތަކުން ފަތުރުވެރިން ހަނދާންނެތިގެން ބަހައްޓާފައިދާ އަގުހުރި ތަކެތި ފޮނުވުމަށްވެސް މި ޚިދުމަތް ބޭނުންކުރެވެއެވެ. މިގޮތުން، އީއެމްއެސްއަކީ މުޖުތަމަޢުގެ އެކި ފަންތީގެ މީހުންނަށް ފައިދާކުރަނިވި، އަވަސް އަދި އިތުބާރުހުރި ޚިދުމަތެކެވެ.        

އީއެމްއެސް ގެ ހިދުމަތް ހޯދުމަށް މޯލްޑިވްސް ޕޯސްޓްގެ ވެބްސައިޓަށް ޒިޔާރަތްކޮށް ތަކެތި ފޮނުވުމުގެ ރޭޓްތައް "ޕޯސްޓޭޖް ކަލްކިއުލޭޓަރ"ގެ އެހީގައި ހޯދާލެވޭނެއެވެ. މީގެ އިތުރުން ޓްރެކިންގ ނަންބަރު ލިބުމާއިއެކު ފޮނުވާތަކެތި އުޅޭހިސާބު ބަލާލުމަށް ކޮންމެ ވަގުތަކުވެސް ވެބްސައިޓް މެދުވެރިކޮށް ޕެކޭޖް ޓްރެކް ކޮށްލެވޭނެއެވެ.

އީއެމްއެސްއަކީ ވިޔަފާރިވެރިންނަށާއި، ދަރިވަރުންނަށާއި، އަދި ގިނަގިނައިން ދަތުރުކުރާ ފަރާތްތަކަށް އެންމެ އެކަށީގެންވާ ކުރިއަރ ޚިދުމަތެވެ. މި ޚިދުމަތް މެދުވެރިކޮށް ތަކެތި ފޮނުވުމުން، އެ ތަކެތި ރައްކާތެރިކަމާއެކު، އަވަހަށް އަދި އިތުބާރާއެކު އެތަކެތި ފޮނުވަން ބޭނުންވާ މަންޒިލަށް ވާޞިލުވާނެކަން ޔަޤީންކުރެވޭނެއެވެ.

މީގެ އިތުރުން އީއެމްއެސްއަކީ ބައިނަލްއަޤްވާމީ މިންގަނޑުތަކާ އެއްގޮތަށް ހިންގޭ ޚިދުމަތެކެވެ. މިކަމުގެ ސަބަބުން ކަސްޓަމްސް ކްލިއަރެންސް ފަސޭހަވެ، ޕާރުސަލްތައް އަވަހަށް ރައްދުވުމަށް މަގުފަހިވެއެވެ.

އީއެމްއެސްއަކީ ދުނިޔޭގެ އެކިކަންކޮޅުތަކަށް ތަކެތި ފޮނުވުމުގައި އިތުބާރުހުރި، އަގުހެޔޮ އަދި ފަސޭހަ ޙައްލެކެވެ. މި ޚިދުމަތުގެ ފުޅާ ދާއިރާއާއި، ފެންވަރު ރަނގަޅު ޚިދުމަތުގެ ސަބަބުން، އީއެމްއެސްއަކީ ވަކިވަކި ފަރުދުންނާއި ވިޔަފާރިތަކުގެ ކުރިއަރ ބޭނުންތަކަށް އެކަށީގެންވާ އެންމެ ރަނގަޅު ޚިޔާރެވެ. ދުނިޔޭގެ އެއް ކަނުން އަނެއް ކަނަށް ތަކެތި ފޮނުވުމުގައި އީއެމްއެސްއަށް އިތުބާރުކުރުމަކީ ތަކެތި ރައްކާތެރިކަމާއި އަވަސްކަމާއެކު ފޯރުކޮށްދިނުމަށް އެޅޭ ފިޔަވަޅެކެވެ.