ކޮލަމް / ސައިންސް

ނިދުމާއި، އެނެސްތީޒިއާ އަދި ހޭނެތުމުގެ ތަފާތަކީ ކޮބާ؟

ނިދުމާއި، އެނެސްތީޒިއާ އަދި ހޭނެތުމުގެ ތަފާތަކީ ކޮބާ؟

ނިދުމާއި، އެނެސްތީޒިއާ އަދި ހޭނެތުމުގެ ތަފާތަކީ ކޮބާ؟

އާމިނަތު ޔުމްނާ

އާމިނަތު ޔުމްނާ

02 ފެބްރުއަރީ 2025، 04:48

02 ފެބްރުއަރީ 2025، 04:48

ނިދުމާއި، އެނެސްތީޒިއާ އަދި ހޭނެތުން މިއީ  އިންސާނާގެ ސިކުނޑިއާއި ހެޔާއި ގުޅުންހުރި ކަންކަމެވެ. ނަމަވެސް މިކަންކަން ދިމާވަނީ ތަފާތު ސަބަބުތަކާ ހުރެ އަދި ތަފާތު ގޮތްގޮތަށެވެ.

ނިދުމަކީ ސިކުނޑީގެ ސާކޭޑިއަން ރިދަމުން ކޮންޓްރޯލްކުރާ ޤުދުރަތީ ނިޒާމެކެވެ. މިއީ ހަށިގަނޑަށް އަރާމުކޮށް، ފަސޭހަކޮށްދީ އަދި ހަނދާންތައް ހަރުދަނާކުރުމަށް ފުރުސަތު ދޭ ކަމެކެވެ. ނިދާފައި އޮންނައިރު ސިކުނޑީގެ ހަރަކާތްތެރިކަން ދެމިހުރެއެވެ. އަދި ނިދިން ހޭލެވެނީ ޤުދުރަތީ ގޮތުން ނުވަތަ ބޭރުގެ އަޑުތަކާއި އެހެނިހެން ކަންކަމުގެ ސަބަބުންނެވެ.

އެނެސްތީޒިއާ އަކީ ޞިއްޙީ ގޮތުން ކުރިމަތިކުރުވާ ހާލަތެކެވެ. މިއީ ސިއްޙީ ފަރުވާތަކާއި ފެޅުންތަކުގެ ވޭނާއި އިހުސާސްތައް ނުލިބޭގޮތަށް ސިކުނޑީގެ މަސައްކަތް މަޑުޖައްސާލުމަށް ބޭނުންކުރާ އެއްޗެކެވެ. ނިދުމާ ޚިލާފަށް، މިއީ ޤުދުރަތީ ސައިކަލްތަކަށް ތަބާވާ އެއްޗެއް ނޫނެވެ. އަދި ހޭލެވެނީ ބޭނުންކުރެވުނު ބޭހުގެ އަސަރު ކެނޑުމުންނެވެ. އަދި މިކަމުގެ ސަބަބުން ގިނަފަހަރަށް ނިދިބަރުކަން ކުރިމަތިވެ ކަންކަން އޮޅުންއަރާގޮތްވެއެވެ. 

ހޭނެތުމަކީ  ކުއްލިއަކަށް ދިމާވާ ކަމެކެވެ. މިއީ ސިކުނޑިއަށް ދާ ލޭގެ މިންވަރު ވަގުތީގޮތުން މަދުވުމުގެ ސަބަބުން ދިމާވާ ކަމެކެވެ. މިކަން ގިނަފަހަރަށް ދިމާވަނީ ލޭގެ ޕްރެޝަރު ދަށްވުމުން، ހަށިގަނޑުގައި ފެން މަދުވުމުން ނުވަތަ ސްޓްރެސްގެ ސަބަބުންނެވެ. މިއީ އަމިއްލައަށް ރައްކާތެރިވުމަށް ހަށިގަނޑުން ދައްކާ "ރެސްޕޮންސް"އެކެވެ. އަދި ލޭ ދައުރުވުން އާންމު ހާލަތަށް އަންނަހާ އަވަހަށް ހޭވެރިކަން އަނބުރާ ލިބެއެވެ.

މި ތިން ކަމަކީ ބޭރުފުށުން ބަލާއިރު އެއްގޮތް ކަމަށް ފެނުނު ނަމަވެސް، ނިދުމަކީ ހަށިގަނޑު އާރާސްތުކުރާ ކަމެކެވެ. އެނެސްތީޒިއާ ބޭނުންކުރަނީ ޞިއްޙީ ބޭނުންތަކަށެވެ. އަދި ހޭނެތުމަކީ ކުއްލި ފިޒިއޮލޮޖިކަލް ރިއެކްޝަނެއްގެ ނަތީޖާއެކެވެ.

ނިދުމާއި އެނެސްތީޒިއާއާ ޚިލާފަށް، ހޭނެތުމަކީ އާންމުކޮށް ކުރު ވަގުތުކޮޅަކަށް ދިމާވާ ކަމެކެވެ. އަދި ހޭނެތުމުގެ ކުރިން ބޮލަށް އެނބުރުން އެރުމާއި ލޯމައްޗަށް އަނދިރިވުން ފަދަ ކަންކަން ދިމާވެދާނެއެވެ. އެނެސްތީޒިއާ ދިނުމަށް ހޭނެއްތުމާއި ގުޅޭ ޙާއްސަ ޑޮކްޓަރެއް ބޭނުންވާއިރު، ނިދުމާއި ހޭނެތުމަކީ ޤުދުރަތީގޮތުން ދިމާވާ ކަންކަމެވެ. ހޭނެތުމަކީ ބައެއްފަހަރު އަސްލު ސިއްޙީ މައްސަލައެއްގެ ނިޝާނަކަށް ވެދާނެއެވެ. ނަމަވެސް ނިދުމާއި އެނެސްތީޒިއާއަކީ އާންމުކޮށް ކަންބޮޑުވާންޖެހޭ ކަމެއް ނޫނެވެ. 


                    


                    

މި ލިޔުން ކިޔާލުމުން

Ads by MSS