Ads by Exprox

ޚަބަރު

ޤައުމު ބަނގުރޫޓު ވިޔަނުދީ ސަލާމަތްކުރުމަކީ ރައީސް ހޯއްދެވި އެންމެ ބޮޑު އެއް ކާމިޔާބީ: ވަޒީރު ސަޢީދު

ޤައުމު ބަނގުރޫޓު ވިޔަނުދީ ސަލާމަތްކުރުމަކީ ރައީސް ހޯއްދެވި އެންމެ ބޮޑު އެއް ކާމިޔާބީ: ވަޒީރު ސަޢީދު

އިޤްތިޞާދީ ތަރައްޤީއާއި ވިޔަފާރިއާބެހޭ ވަޒީރު މުޙައްމަދު ސަޢީދު ރިޔާސީ ބަޔާން 2025 ގެ ފޯރަމް ތެރެއިން/ފޮޓޯ: ޕީއެސްއެމް ނިއުސް

ޙައްވާ ޒައިބާ މުޙައްމަދު

ޙައްވާ ޒައިބާ މުޙައްމަދު

07 ފެބްރުއަރީ 2025، 02:15

07 ފެބްރުއަރީ 2025، 02:15

ހުލާސާ

މި ސަރުކާރު ވެރިކަމާއި ހަވާލުވެވަޑައިގެންނެވި އިރު 125 ބިލިއަން ރުފިޔާގެ ދަރަނި ވާރުތަވި

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހޯއްދެވި އެންމެ ބޮޑު އެއް ކާމިޔާބީ އަކީ، ޤައުމު ބަނގުރޫޓު ވިޔަނުދީ ސަލާމަތްކުރެއްވުން ކަމަށް އިޤްތިޞާދީ ތަރައްޤީއާއި ވިޔަފާރިއާބެހޭ ވަޒީރު މުޙައްމަދު ސަޢީދު ވިދާޅުވެއްޖެ އެވެ. 

ވަޒީރު މިފަދައިން ވިދާޅުވީ، 2025 ވަނަ އަހަރަށް ރައްޔިތުންގެ މަޖިލިސް ހުޅުވުމަށް ބޭއްވި ޖަލްސާގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިއްވެވި ރިޔާސީ ބަޔާނާއި ގުޅޭގޮތުން ދިވެހިރާއްޖޭގެ އިސްލާމީ ޔުނިވަރސިޓީގައި ބޭއްވި ޚާއްސަ ފޯރަމްގައެވެ. 

ވަޒީރު ވިދާޅުވީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެރިކަމާ ހަވާލުވެވަޑައިގެންނެވި އިރު ޤައުމު އޮތީ އިޤްތިޞާދީ ގޮތުން ވަރަށް ނާޒުކު ޙާލަތެއްގައި ކަމަށެވެ. އެހެންކަމުން، ޤައުމުގެ އިޤްތިޞާދީ ޙާލަތު ރަނގަޅުކޮށްދެއްވައި، ޤައުމު ކޮޅަށް ޖެހުމަށް ގިނަ މަސައްކަތްތަކެއް ރައީސުލްޖުމްހޫރިއްޔާ ކުރައްވާފައިކަމަށް ވަޒީރު ވިދާޅުވިއެވެ. އަދި، އެ މަސައްކަތްތައް ކާމިޔާބު ކުރައްވާ ޤައުމުގެ ޙާލަތު ރަނގަޅުކުރައްވާ، ޤައުމު ބަނގުރޫޓު ވިޔަނުދީ ސަލަމާތްކުރެއްވުމަށް އެމަނިކުފާނު ނިންމެވި ނިންމެވުންތައް ވަޒީރު ވަނީ ފާހަގަކުރައްވާފަ އެވެ.

ވަޒީރު ސަޢީދު ވިދާޅުވީ، މި ސަރުކާރު ވެރިކަމާއި ހަވާލުވެވަޑައިގެންނެވި އިރު 125 ބިލިއަން ރުފިޔާގެ ދަރަނި ވާރުތަވި ކަމަށެވެ. އޭގެ ތެރޭގައި ހިމެނޭ %60 އަކީ ނިމިދިޔަ ސަރުކާރުން އުފައްދާފައިވާ ދަރަނި ކަމަށް ވަޒީރު ވިދާޅުވިއެވެ. އަދި، މި އަދަދުގެ ތެރޭގައި ގިނައީ ޢާމްދަނީ ނުލިބޭނެ ގޮތަށް ހުރި ދަރަނިތައްކަމަށް ވަޒީރު ވަނީ ވިދާޅުވެފަ އެވެ. މީގެ އިތުރުން ވަޒީރު ވިދާޅުވީ، ރުފިޔާގެ އަގު ވައްޓާލުމަށް 8000 މިލިއަން ރުފިޔާގެ ޗާޕު ނެރިފައިވާ ކަމަށެވެ. ނަމަވެސް، އެ ޙާލަތުން އަރައިގަތުމަށް ކުރު މުއްދަތެއްގެ ތެރޭގައި، ޤައުމަށް ފައިދާހުރި މުހިންމު ނިންމުންތަކެއް ރައީސުލްޖުމްހޫރިއްޔާ ނިންމަވާފައިވާކަން ވަޒީރު ވަނީ ފާހަގަކުރައްވާފަ އެވެ. ހަމަ އެހެންމެ، މިހާ ފަރުވާތެރިކަމާއި އެކު ރައީސް އޮފީހުން މަސައްކަތްކުރި ސަރުކާރެއް މި ނޫނިއްޔާ ފެނިވަޑައިނުގަންނަވާ ކަމަށް ވަޒީރު ވަނީ ވިދާޅުވެފަ އެވެ. 

ރައީސް އިއްވެވި ރިޔާސީ ބަޔާނުގައި، ޤައުމުގެ އިޤްތިޞާދު ވެއްޓިފައިވާ އަނދަވަޅުން ނަގައި އިޤްތިޞާދު ހަމަ މަގަށް އެޅުމަށް ކުރައްވަމުން ގެންދަވާ ކަންކަން ވަނީ ހާމަކުރައްވާފަ އެވެ. 

މި ލިޔުން ކިޔާލުމުން

Ads by MSS