ޚަބަރު
އެމަޖެންސީގައި ދުއްވާފައި ދިޔަ އެމްބިއުލާންސަކާއި ސައިކަލެއް ޖެހި އެކްސިޑެންޓެއް ހިނގައިފި
މާލޭގައިި ކުރިން ހިނގާފައިވާ އެކްސިޑެންޓެއްގައި ފުލުހުން ހަރަކާތްތެރިވަނީ/ފޮޓޯ: އެޑިޝަން އެމްވީ
ހުލާސާ
އެކްސިޑެންޓުގައި ހިމެނޭ ދެ މީހުން އަތުގައި ވެސް ލައިސަންސް އޮތް
މާލޭގައި އެމަޖަންސީގައި ދުއްވާފައި ދިޔަ އެމްބިއުލާންސަކާއި ސައިކަލެއް ޖެހި ރޭގެ ވަގުތެއްގައި އެކްސުޑެންޓެއް ހިނގައިފި އެވެ.
ފުލުހުން ވިދާޅުވީ، މި އެކްސިޑެންޓް ހިނގާފައިވަނީ މާލޭ އަމީނީމަގުގައި ހުންނަ ކުރީގެ ހައުސިންގ މިނިސްޓްރީ ކައިރިން ކަމަށެވެ. އަދި މި މައްސަލަ ފުލުހުންނަށް ރިޕޯޓުކޮށްފައިވަނީ ރޭ 19:35 ކަންހާއިރު ކަމަށް ފުލުހުން ވިދާޅުވެއެވެ.
ފުލުހުން ވިދާޅުވީ، ކުރީގެ ހައުސިންގ މިނިސްޓްރީ ކައިރިން މިދިޔަ އެމްބިއުލާންސަކީ އެމަޖަންސީގައި ދިޔަ އެމްބިއުލާންސެއް ކަމަށެވެ. އަދި މި އެކްސްޑިންޓްގައި ހިމެނޭ ސައިކަލު ދުއްވި މީހާއަށް އެކިވަރުގެ އަނިޔާތައް ވެފައިވާކަމަށް ފުލުހުން މަޢުލޫމާތުދެއެވެ. އެގޮތުން، އެމީހާގެ ނިތްކުރިމަތި ދުޅަވެ، އެހެނިހެން އަނިޔާތައް ވެފައިވާތީ އެ މީހާއަށް އިތުރު ފަރުވާ ދިނުމަށް އިންދިރާ ގާންދީ މެމޯރިއަލް ހޮސޕިޓަލަށް ގެންގޮސްފައިވާކަމަށް ފުލުހުން ވިދާޅުވެއެވެ.
ފުލުހުން މަޢުލޫމާތުދެއްވި ގޮތުގައި، މި އެކްސިޑެންޓުގައި ހިމެނޭ އެމްބިއުލާންސް ދުއްވި ޑްރައިވަރު އަތުގައި އެ ކެޓަގަރީގެ ލައިސަންސް އޮތެވެ. ހަމަ އެހެންމެ، އެމްބިއުލާންސުގައި ޖެހި އެކްސިޑެންޓްވި ސައިކަލް ދުއްވަން އިން މީހާގެ ވެސް ލައިސަންސް އޮތްކަމަށް ފުލުހުން ވިދާޅުވިއެވެ.
މި މައްސަލަ އިތުރަށް ތަހުޤީޤުކުރަމުން ގެންދަވާ ކަމަށް ފުލުހުން ވިދާޅުވިއެވެ.
