Ads by Exprox

ޚަބަރު

ދަރިވަރުންގެ މަޢުލޫމާތުތައް ބެލެނިވެރިންނަށް ވަގުތުން ފެންނާނެގޮތަށް އައު އެޑިއުކޭޝަން މެނޭޖްމަންޓް ސިސްޓަމެއް ތަރައްޤީކުރަނީ

ދަރިވަރުންގެ މަޢުލޫމާތުތައް ބެލެނިވެރިންނަށް ވަގުތުން ފެންނާނެގޮތަށް އައު އެޑިއުކޭޝަން މެނޭޖްމަންޓް ސިސްޓަމެއް ތަރައްޤީކުރަނީ

ރިޔާސީ ބަޔާނާއި ގުޅޭގޮތުން ދިވެހިރާއްޖޭގެ އިސްލާމީ ޔުނިވަރސިޓީގައި ބޭއްވި ޚާއްސަ ފޯރަމްގައި ތަޢުލީމީ ވަޒީރު ޑރ. އިސްމާޢިލް ޝަފީއު/ފޮޓޯ: ޕީއެސްއެމް ނިއުސް

ޙައްވާ ޒައިބާ މުޙައްމަދު

ޙައްވާ ޒައިބާ މުޙައްމަދު

08 ފެބްރުއަރީ 2025، 06:10

08 ފެބްރުއަރީ 2025، 06:10

ހުލާސާ

މި މަޝްރޫޢަކީ 45 މިލިއަން ރުފިޔާ ޚަރަދުކޮށްގެން ކުރިއަށް ގެންދަވާ މަޝްރޫޢެއް

ދަރިވަރުންގެ މަޢުލޫމާތުތައް ބެލެނިވެރިންނަށް ވަގުތުން ފެންނާނެގޮތަށް އައު އެޑިއުކޭޝަން މެނޭޖްމަންޓް ސިސްޓަމެއް ތަރައްޤީކުރުމުގެ މަސައްކަތް ކުރައްވަމުން ގެންދަވާކަމަށް ތަޢުލީމީ ވަޒީރު ޑރ. އިސްމާޢިލް ޝަފީއު ވިދާޅެއްޖެއެވެ.

ވަޒީރު މިފަދައިން ވިދާޅުވީ، 2025 ވަނަ އަހަރަށް ރައްޔިތުންގެ މަޖިލިސް ހުޅުވުމަށް ބޭއްވި ޖަލްސާގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިއްވެވި ރިޔާސީ ބަޔާނާއި ގުޅޭގޮތުން ދިވެހިރާއްޖޭގެ އިސްލާމީ ޔުނިވަރސިޓީގައި ބޭއްވި ޚާއްސަ ފޯރަމްގައެވެ. 

ތަޢުލީމީ ވަޒީރު ވިދާޅުވީ، މި މަޝްރޫޢަކީ 45 މިލިއަން ރުފިޔާ ޚަރަދުކޮށްގެން ކުރިއަށް ގެންދަވާ މަޝްރޫޢެއް ކަމަށެވެ. އަދި މި މަޝްރޫޢުގެ މަސައްކަތްތައް ނިމިގެންދާއިރު، ދަރިވަރުން ސްކޫލަށް ހާޒިރުވާ މިންވަރާއި އުނގެނުމުގެ މާހައުލުގައި ހިނގާ ކަންތައްތައް ބެލެނިވެރިންނަށް ވަގުތުން ބަލާލެވޭނެކަމަށް ވަޒީރު ވިދާޅުވިއެވެ. ހަމަ އެހެންމެ، އުނގެނުމުގެ މާޙައުލުގައި ދަރިވަރު ހަދާ އިމްތިޙާންތަކުގެ މަޢުލޫމާތުތައް ވެސް ލިބިގެނެދާނެކަން ވަޒީރު ވަނީ ފާހަގަކުރައްވާފަ އެވެ. ވަޒީރު ވިދާޅުވީ، މި ސިސްޓަމްގެ ތެރެއިން ދަރިވަރުންގެ އިތުރުން، މުދައްރިސުންނާއި ގުޅޭ މަޢުލުމާތުތައްވެސް މި އެޕްލިކޭޝަންގެ ޒަރީޢާއިން ފެނިވަޑައިގަންނަވާނެ ކަމަށެވެ. މީގެ އިތުރުން، ޓެކްނޮލަޖީއަށް އަހުލުވެރި ޓީޗަރުންގެ ފޯސްއެއް ބިނާ ކުރުމަށް އެންއައިއީގެ ތެރެއިން ޚާއްސަ ޕްލެޓްފޯމެއް ޤާއިމްކޮށްދެއްވާނެކަމަށް ތަޢުލީމީ ވަޒީރު ވަނީ ވިދާޅުވެފަ އެވެ. 

ވަޒީރު ވިދާޅުވީ، 2015 ވަނަ އަހަރު އަމަލުކުރަން ފެށި ޤައުމީ މަންހަޖުން ކީ ސްޓޭޖް 1 އަދި 2ގައި ކިޔަވައިދޭ މާއްދާތަކުގެ ފެންވަރު ބަލާފައިވާކަމަށެވެ. އެގޮތުން، ދަރިވަރުންނަށް ކިޔަވައިދޭ މާއްދާތަކުން އެވްރެޖްކޮށް އެންމެ ނަތީޖާ ދަށް މާއްދާއަކީ ހިސާބު މާއްދާކަމަށް ވަޒީރު ވިދާޅުވިއެވެ. ހަމަ އެހެންމެ، ހިސާބު މާއްދާއިން 2015 ވަނަ އަހަރު ފާސްވާ އިންސައްތަ ހުރީ 50 ގައި ކަމަށް ވަޒީރު ފާހަގަކުރެއްވި އެވެ. ނަމަވެސް، 2023 ވަނަ އަހަރު މިއަދަދު 46% އަށް ދަށްވެފައިވާ ކަމަށް ވަޒީރު ވިދާޅުވިއެވެ. ވަޒީރު ވިދާޅުވީ، ހިސާބު މާއްދާގެ އިތުރުން ދަރިވަރުން ފާސްވާ މިންވަރު ދަށްކަން ފާހަގަކުރެވިފައި ވަނީ، އިނގިރޭސި އަދި ދިވެހި މާއްދާއިން ކަމަށެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސި ބަޔާނުގައި، އެމަނިކުފާނު ތަޢުލީމީ ދާއިރާގައި ކުރެއްވުމަށް ނިންމަވާފައި ހުރި ގިނަ މަސައްކަތްތަކެއް ވަނީ ރައްޔިތުންނާއި ހިއްސާކުރައްވާފަ އެވެ. 

މި ލިޔުން ކިޔާލުމުން

Ads by MSS