ރަމަޟާން މަހަށް ޒަރޫރީ މުދާ އިމްޕޯޓުކުރުމުގެ މަސައްކަތް ހަލުވިކުރުމަށް ކަމާގުޅޭ  މުއައްސަސާތަކާއެކު މަޝްވަރާކޮށްފި

މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑުން މިއަދު ހާމަކުރި ގޮތުގައި، 1446 ވަނަ އަހަރުގެ ރަމަޟާން މަހަށް ތައްޔާރުވުމުގެ ގޮތުން އިމްޕޯޓުކުރެވޭ ޒަރޫރީ މުދާ ކްލިއަރ ކުރުމުގެ މަސައްކަތް ފަސޭހަކަމާއެކު ކުރިއަށް ގެންދިއުމަށްޓަކައި ވަޒީރު މުޙައްމަދު ސަޢީދު ވަނީ ކަމާގުޅޭ މުހިންމު މުއައްސަސާތަކާއެކު މަޝްވަރާ ބައްދަލުވުމެއް ބާއްވާފައެވެ.

މި ބައްދަލުވުމުގައި ބައިވެރިވެވަޑައިގެންނެވީ މޯލްޑިވްސް ޕޯޓްސް ލިމިޓެޑް، މޯލްޑިވްސް އެއަރޕޯޓްސް ކޮމްޕެނީ ލިމިޓެޑް، މޯލްޑިވްސް ސްޓޭޓް ޝިޕިންގ، ސްޓޭޓް ޓްރޭޑިންގ އޮގަނައިޒޭޝަން، އަދި މޯލްޑިވްސް ކަސްޓަމްސް ސަރވިސްގެ އިސް ވެރިންނެވެ.

މިނިސްޓަރ މުޙައްމަދު ސަޢީދު ވަނީ 1446 އަހަރުގެ ރަމަޟާން މަހަށް ތައްޔާރުވުމުގެ ގޮތުން އިންޕޯޓުކުރެވޭ ޒަރޫރީ މުދާ ކްލިއަރ ކުރުމުގެ ކަންކަން ފަސޭހަ ނިޒާމެއްގެ ތެރެއިން ކުރިއަށް ގެންދިއުން ކަށަވަރުކުރުމުގެ ގޮތުން މޯލްޑިވްސް ޕޯރޓްސް ލިމިޓެޑް، މޯލްޑިވްސް އެއަރޕޯޓްސް ކޮމްޕެނީ ލޓޑ،… pic.twitter.com/R6LgDomSJD

— Ministry of Economic Development and Trade (@MoEDmv) February 10, 2025

މި ބައްދަލުވުމުގެ މަޤްޞަދަކީ ރަމަޟާން މަހަށް ބޭނުންވާ ޒަރޫރީ މުދާ އިމްޕޯޓުކޮށް ކްލިއަރ ކުރުމުގެ މަސައްކަތް ހަލުވިކޮށް، ފަސޭހަ ނިޒާމެއްގެ ތެރެއިން ކުރިއަށް ގެންދިއުމަށް މަގުފަހިކުރުމެވެ.