ޚަބަރު
ސްނޯކްލިން އަށް ގޮސްއުޅުނު ފަތުރުވެރިއަކު ގެއްލިގެން ހޯދަނީ
ގެއްލިގެން އުޅޭ ފަތުރުވެރިޔާ ހޯދުމުގެ މަސައްކަތުގެ ތެރެއިން/ފޮޓޯ: އެމްއެންޑީއެފް
ސްނޯކްލިން އަށް ގޮސް އުޅުނު ފަތުރުވެރިއަކު ގެއްލިގެން އޭނާ ހޯދުމުގެ މަސައްކަތް ކުރަމުންދާކަމަށް އެންއެންޑީއެފުން ވިދާޅުވެއްޖެ އެވެ.
އެމްއެނެޑީއެފުން ވިދާޅުވީ، ގެއްލިގެން ހޯދަމުން ދަނީ ފިރިހެން ފަތުރުވެރިއެއް ކަމަށެވެ. އަދި، މި މީހާ ހޯދުމުގެ މަސައްކަތް ކުރަމުން ދަނީ ސިނަމަން ދޮންވެލި ރިސޯޓު ކައިރިން ކަމަށް އެމްއެންޑީއެފުން މަޢުލޫމާތު ދެއެވެ. މީގެ އިތުރުން އެމްއެންޑީއެފުން ވިދާޅުވީ، މި ފަތުރުވެރިއާ ހޯދުމުގެ މަސައްކަތް އެމްއެންޑީއެފްގެ މާލެ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަން އިން ކުރަމުން އަންނަ ކަމަށެވެ.
ގެއްލިގެން ހޯދަމުންދާ މި ފަތުރުވެރިޔާ އާއި ބެހޭ އިތުރު މަޢުލޫމާތެއް އަދި ލިބިފައެއް ނުވެއެވެ.
