Ads by Exprox

ޚަބަރު

ކްލައިމެޓް ޗޭންޖް ޑިގްރީ ޕްރޮގްރާމަށް 15 ސްކޮލަރޝިޕްގެ ފުރުސަތު ހުޅުވާލައިފި

ކްލައިމެޓް ޗޭންޖް ޑިގްރީ ޕްރޮގްރާމަށް 15 ސްކޮލަރޝިޕްގެ ފުރުސަތު ހުޅުވާލައިފި

އެމްއެންޔޫގައި ދަރިވަރުންތަކެއް|ފޮޓޯ: އެމްއެންޔޫ

ޙައްވާ ޒައިބާ މުޙައްމަދު

ޙައްވާ ޒައިބާ މުޙައްމަދު

14 ފެބްރުއަރީ 2025، 03:19

14 ފެބްރުއަރީ 2025، 03:19

ހުލާސާ

ސްކޮލަރޝިޕްގެ ދަށުން ދަރިވަރުންނަށް ކޯސްފީގެ އިތުރުން މަހަކު 4500 ރުފިޔާ ލިބޭނެ

ކްލައިމެޓް ޗޭންޖް ޑިގްރީ ޕްރޮގްރާމްގައި ކިޔެވުމަށް ޖުމްލަ 15 ސްކޮލަރޝިޕްގެ ފުރުޞަތު ހުޅުވާލައިފިއެވެ. މި ޕްރޮގްރާމަކީ ދިވެހިރާއްޖޭގެ ޤައުމީ ޔުނިވަރސިޓީއިން އަލަށް ތަޢާރަފްކޮށްފައިވާ ޕްރޮގްރާމެކެވެ.

ދިވެހިރާއްޖޭގެ ޤައުމީ ޔުނިވަރސިޓީއިން ތަޢާރަފްކޮށްފައިވާ، ބެޗެލަރ އޮފް ސައެންސް އިން ކްލައިމެޓް ޗޭންޖް ޕްރޮގްރާމަށް ސްކޮލަރޝިޕްގެ ފުރުޞަތު ހުޅުވާލާފައިވަނީ ފަތުރުވެރިކަމާއި ތިމާވެއްޓާ ބެހޭ ވުޒާރާއިން ހިންގާ އެންދެރި މަޝްރޫޢުގެ ދަށުންނެވެ. އެ ވުޒާރާއިން ވިދާޅުވީ، މި ކޯހުގައި މައިގަނޑު ގޮތެއްގައި ދަރިވަރުން ކިޔަވާނީ، ސައިންސް މެދުވެރިކޮށް މޫސުމީ ބަދަލުތަކުގެ އަސްލު ދެނެގަންނާނެ ގޮތާއި، މި ބަދަލުތަކުގެ ސަބަބުން ތިމާވެއްޓާއި އިންސާނީ ސިއްޙަތަށްކުރާ އަސަރުތަކާ ގުޅޭގޮތުން ކަމަށެވެ. މީގެ އިތުރުން، މި އަސަރުތައް ކުޑަކޮށް މިފަދަ ބަދަލުތަކަށް ހޭނޭނެގޮތްތަކާއި ވަޞީލަތްތަކުގެ މަޢުލޫމާތު މި ކޯހުގެ ޒަރީޢާއިން ދަރިވަރުންނަށް އިނގޭނެކަމަށް އެ ވުޒާރައިން ވިދާޅުވިއެވެ.

ބެޗެލަރ އޮފް ސައެންސް އިން ކްލައިމެޓް ޗޭންޖް ޕްރޮގްރާމްގެ ސްކޮލަރޝިޕް ޚާއްޞަކޮށްފައި ވަނީ، ދިވެހިރާއްޖޭގެ ޤައުމީ ޔުނިވަރސިޓީގެ ލ. ގަމުގައި ހުންނަ ކެމްޕަސްގައި ބްލެންޑެޑް މޯޑުގައި މި ކޯސް ފުރިހަމަ ކުރަން ބޭނުންވާ ދަރިވަރުންނަށެވެ. މީގެ އިތުރުން ފަތުރުވެރިކަމާއި ތިމާވެއްޓާ ބެހޭ ވުޒާރާއިން ވިދާޅުވީ، މި ސްކޮލަރޝިޕްގެ ދަށުން ދަރިވަރުންނަށް ކޯސްފީގެ އިތުރުން މަހަކު 4،500 ރުފިޔާގެ ސްޓައިޕެންޑާއި، ބުކް އެލަވަންސް އަދި ފީލްޑްޓްރިޕް އެލަވަންސްވެސް ލިބޭނެކަމަށެވެ.

މި ސްކޮލަރޝިޕަށް އެދިހުށައެޅުމުގެ ސުންގަޑި ހަމަވާނީ މި ހިނގާ ފެބްރުއަރީ މަހުގެ 18  ވާ އަންގާރަ ދުވަހުގެ ނިޔަލަށެވެ.

މި ލިޔުން ކިޔާލުމުން

Ads by MSS