ޚަބަރު
ސިފައިންގެ ފެމިލީ އެސޯސިއޭޝަންގެ ސޯޝަލް މީޑިއާ އެކައުންޓްތައް އިފްތިތާހުކޮށްފި
ސިފަމާގެ ސޯޝަލް މީޑިއާ އެކައުންޓްތައް|ފޮޓޯ: އެމްއެންޑީއެފް
ހުލާސާ
ސިފަމާގެ ސޯޝަލް މީޑިއާ އެކައުންޓްތައް ޖުމްލަ 3 އެޕެއްގައި ވަނީ ހުޅުވާފައި
ސިފައިންގެ ފެމިލީ އެސޯސިއޭޝަން، ސިފަމާ ގެ ސޯޝަލް މީޑީއާ އެކައުންޓްތައް ރޭގެ ވަގުތެއްގައި އިފްތިތާޙުކޮށްފި އެވެ.
ސިފަމާގެ ސޯޝަލް މީޑިއާ އެކައުންޓްތައް އިފްތިތާޙުކޮށްދެއްވީ ޗީފް އޮފް ޑިފެންސް ފޯސް، މޭޖަރ ޖެނެރަލް އިބްރާހީމް ޙިލްމީ އެވެ. ސިފައިންގެ ފެމިލީ އެސޯސިއޭޝަންގެ ސޯޝަލް މީޑީއާ އެކައުންޓްތައް އިފްތިތާޙުކޮށްފައިވަނީ، މިއަހަރުގެ ރަމަޟާން މަހަށް މަރުޙަބާ ކިޔުމުގެ ގޮތުން ސިފައިންގެ އާއިލާތަކަށް އަމާޒުކޮށްގެން ރޭ ކުރިއަށް ގެންދިޔަ "ސިފަމާ ޢާއިލީ މާހެފުން 1446" ގައެވެ.
ސިފައިންގެ ފެމިލީ އެސޯސިއޭޝަން ގެ ސޯޝަލް މީޑިއާ އެކައުންޓްތައް ޖުމްލަ 3 އެޕެއްގައި ހުޅުވާފައިވެއެވެ. އޭގެ ތެރޭގައި، އެކްސް، އިންސްޓަގްރާމް އަދި ފޭސްބުކް ހިމެނެއެވެ. އަދި، މި އެޕްލިކޭޝަންތަކަށް ވަނުމަށް ސިފައިން ހުޅުވާފައިވާ އެކައުންޓްތަކުގެ ނަންތައް ވަނީ މޯލްޑިވްސް ނޭޝަނަލް ޑިފެންސް ފޯސް އިން އެކްސްގައި ކުރެއްވި ޕޯސްޓެއްގައި ޙިއްސާކުރައްވާފަ އެވެ.
ސިފައިންގެ ފެމިލީ އެސޯސިއޭޝަން، ސިފަމާއަކީ ދިވެހި ސިފައިންނާއި ސިފައިންގެ ލޮބުވެތި ޢާއިލާތަކާއި ގުޅުންހުރި މުހިންމު މަޤުސަދުތަކެއް ހާސިލުކުރުމަށް، ސަރުކާރުގައި ރަޖިސްޓްރީކޮށްގެން ހިންގާ މަދަނީ ޖަމްޢިއްޔާއެކެވެ. މި މަދަނީ ޖަމިއްޔާއިން ތަމްސީލުކުރަނީ ދިވެހި އަސްކަރިއްޔާއަށް ނިސްބަތްވާ އެކުވެރި، ބަދަހި، ޢާއިލާތަކެވެ.
