Ads by Exprox

ޚަބަރު

ފަސް ޤައުމަކަށް ނޮން-ރެޒިޑެންޓް ސަފީރުން ކަނޑައެޅުމަށް މަޖިލީހުގެ ކޮމިޓީއަށް ފޮނުވައިފި

ފަސް ޤައުމަކަށް ނޮން-ރެޒިޑެންޓް ސަފީރުން ކަނޑައެޅުމަށް މަޖިލީހުގެ ކޮމިޓީއަށް ފޮނުވައިފި

މުޙައްމަދު ލުވޭޒް ، އިރުތިޝާމް އާދަމް، ޝަބީނާ އަޚްމަދު އަދި ގީލާ އަލީ ފޮޓޯ: އިންޓަނެޓް

އާމިނަތު ޔުމްނާ

އާމިނަތު ޔުމްނާ

17 ފެބްރުއަރީ 2025، 10:44

17 ފެބްރުއަރީ 2025، 10:44

ރައީސުލްޖުމްހޫރިއްޔާ ޑޮކްޓަރ މުޢިއްޒު ވަނީ ދިވެހިރާއްޖެއިން ބޭރުގެ ފަސް ޤައުމަކަށް ކަނޑައަޅާ ނޮން-ރެޒިޑެންޓު ސަފީރުކަމަށް އައްޔަންކުރުމަށް މަޖިލީހުން ގޮތެއް ނިންމެވުމަށް ފޮނުއްވާފައިވާ މައްސަލަ ދިރާސާކުރުމަށް ރައްޔިތުންގެ މަޖިލީހުގެ ޚާރިޖީ ގުޅުންތަކުގެ ކޮމިޓީއަށް ފޮނުވާފައެވެ. މި ފަސް ޤައުމަކީ ބުރުނާއީ، ލަގްޒަމްބާރގް، ނެދަލޭންޑްސް، ފްރާންސް އަދި އޮސްޓްރޭލިއާއެވެ.

ރައީސުލްޖުމްހޫރިއްޔާ ހުށަހަޅުއްވާފައިވާ ފަރާތްތަކުގެ ތެރޭގައި، ދިވެހިރާއްޖެއިން މެލޭޝިއާއަށް ކަނޑައަޅާފައި ހުންނަވާ ސަފީރު ޑރ. މަރްޔަމް ޝަބީނާ އަޙްމަދު، ބުރުނާއީއަށް ކަނޑައަޅާ ނޮން-ރެޒިޑަންޓް ސަފީރުކަމަށް އައްޔަންކުރެއްވުމަށް ހުށަހަޅުއްވާފައިވެއެވެ. އަދި ބެލްޖިއަމަށް ކަނޑައަޅާފައި ހުންނަވާ ސަފީރު ޤީލާ ޢަލީ، ލަގްޒަމްބާރގް އަދި ނެދަލޭންޑްސްއަށް ކަނޑައަޅާ ނޮން-ރެޒިޑަންޓް ސަފީރުކަމަށް ހަމަޖެއްސެވުމަށް ހުށަހަޅުއްވާފައިވެއެވެ.

މީގެ އިތުރުން، އިނގިރޭސިވިލާތަށް ކަނޑައަޅާފައި ހުންނަވާ ސަފީރު އިރުތިޝާމް އާދަމް، ފްރާންސަށް ކަނޑައަޅާ ނޮން-ރެޒިޑަންޓް ސަފީރުކަމަށާއި، ސިންގަޕޫރަށް ކަނޑައަޅާފައި ހުންނަވާ ސަފީރު މުޙައްމަދު ލުވޭޒު، އޮސްޓްރޭލިއާއަށް ކަނޑައަޅާ ނޮން-ރެޒިޑަންޓް ސަފީރުކަމަށް އައްޔަންކުރެއްވުމަށް ހުށަހަޅުއްވާފައިވެއެވެ.

ދިވެހިރާއްޖޭގެ ފޮރިން ސަރވިސް ޤާނޫނުގެ ދަށުން ބޭރު ޤައުމުތަކަށް ސަފީރުން އައްޔަންކުރެއްވޭނީ ރައްޔިތުންގެ މަޖިލީހުން ރުހުން ލިބިވަޑައިގެންނެވުމަށްފަހުގައެވެ. މި މައްސަލަ ދިރާސާކުރުމަށްފަހު ކޮމިޓީން ގޮތެއް ނިންމައި، މަޖިލީހުގެ މެންބަރުންގެ މެދުގައި ނަގާ ވޯޓަކުން ފާސްވުމުން، މި ފަސް ޤައުމަށް ނޮން-ރެޒިޑެންޓް ސަފީރުން އައްޔަންކުރެވޭނެއެވެ.
                    

މި ލިޔުން ކިޔާލުމުން

Ads by MSS