ތިނަދޫ ސިޓީގެ އިންޑަސްޓްރިއަލް ޒޯނުގެ 88 އިންސައްތަ މަސައްކަތް ނިމިއްޖެ

ތިނަދޫ ސިޓީގައި ތަރައްޤީކުރަމުންދާ އިންޑަސްޓްރިއަލް ޒޯނުގެ 88 އިންސައްތަ މަސައްކަތް ނިމިފައިވާކަމަށް މަޝްރޫޢުގެ ކޮންޓްރެކްޓަރ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން މިއަދު ހާމަކޮށްފިއެވެ.

2022 ވަނަ އަހަރުގެ ކުރީކޮޅު އެމްޓީސީސީއާ ހަވާލުކުރެވުނު މި މަޝްރޫޢުގެ ދަށުން، ސަރަހައްދީ ވިޔަފާރި ބަނދަރެއް ހިމެނޭގޮތަށް 10 ހެކްޓަރުގެ ބިން ވަނީ ހިއްކާފައެވެ. އެމްޓީސީސީން ދެއްވި މަޢުލޫމާތުގައިވާ ގޮތުން، ރިވެޓްމަންޓް ޖެހުމުގެ މަސައްކަތުގެ 77 އިންސައްތައާއި، އެއްގަމު ތޮށި ޖެހުމުގެ މަސައްކަތުގެ 96 އިންސައްތަ ވަނީ ނިމިފައެވެ. މީގެ އިތުރުން، ތިނަދޫއާއި އިންޑަސްޓްރިއަލް ޒޯން ގުޅާލާ ކޮންކްރީޓް ބްރިޖުގެ 65 އިންސައްތަ މަސައްކަތްވެސް ވަނީ ނިންމާފައެވެ.

The GDh. Thinadhoo Industrial Zone Development Project is currently underway, with overall project completion at 88%. Revetment construction has reached 77% completion, while quay wall construction stands at 96%. Additionally, concrete bridge construction is at 65% completion.… pic.twitter.com/NZN3jyORea

— MTCC Plc (@MTCCPlc) February 16, 2025

މި މަޝްރޫޢުގެ ދަށުން، 1000 ޓަނުގެ މަސް ފިނިކުރާ ކޯލްޑް ސްޓޯރޭޖެއް ޤާއިމްކުރުމުގެ މަސައްކަތްވެސް ދަނީ ކުރިއަށެވެ. ތިނަދޫ ސިޓީގެ މޭޔަރ ސަޢުދު ޢަލީ ވިދާޅުވީ، މި މަޝްރޫޢުތަކަކީ ދިގު މުއްދަތުގެ ޕްލޭންތަކަށް ކުރިއަށްގެންދާ މަސައްކަތްތަކެއް ކަމަށާއި، ރަށަށް ފައިދާވާ ބޮޑެތި އިންވެސްޓްމަންޓްތަކަށް ޖާގަ ދިނުމަކީ ކައުންސިލްގެ ވިސްނުން ކަމަށެވެ.

މި މަޝްރޫޢުގެ ދަށުން ތަރައްޤީކުރެވޭ ޕޯޓުގައި 90 މީޓަރުގެ ތޮއްޓެއް ވަނީ ލާފައެވެ. އަދި ބޭރު ތޮއްޓަށް އުޅަނދުފަހަރު ކައިރިކޮށް، މުދާ އަރުވައި ބޭލޭ ފެންވަރަށް ޕޯޓު ތަރައްޤީކުރުމުގެ މަސައްކަތްވެސް ދަނީ ކުރިއަށެވެ.