ރިޕޯޓް
ޑޮލަރު އޭޓީއެމް ބަހައްޓަން ބޭނުންވަނީ އިތުރު ދައުރެއް ނޫން ، ބޭނުންވަނީ ރައީސް މުޢިއްޒު ފަދަ ހިންގުންތެރި ލީޑަރެއް

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު

ފަރުދުން
17 ފެބްރުއަރީ 2025، 07:32
17 ފެބްރުއަރީ 2025، 07:32
މާލެ ފިޔަވާ އެންމެ ގިނަ މީހުން ދިރިއުޅެމުން އަންނަ ސިޓީއަކީ އައްޑޫ އެވެ. ނަމަވެސް އައްޑޫގައި ޑޮލަރުން މުއާމަލާތް ކުރެވޭ އޭޓީއެމްއެއް ނެތުމުގެ އެތައް ދަތިތަކަކާއި މިވީހާތަނުގައި އައްޑޫ ރައްޔިތުންނަށް ވަނީ ކުރިމަތިވެފައެވެ.
އައްޑޫ ސިޓީގެ މޭޔަރު އަލީ ނިޒާރު ވަނީ ޑޮލަރު އޭޓީއެމްއެއް އައްޑޫއަށް މުހިއްމު ކަމަށާއި، އައްޑޫގައި ޑޮލަރު އޭޓީއެމްއެއް ބަހައްޓައިދެއްވުމަކީ ކުރީގެ ރައީސް އިބްރާހިމް މުޙައްމަދު ސާލިޙު ކެމްޕޭނު ތެރޭގައި ވެވަޑައިގެންފައިވާ ވައުދުފުޅެއްކަން ފާހަގަކުރައްވާ ވާހަކަފުޅު ދައްކަވާފައެވެ.
މާލެ އެކޭ އެއް ފަދައިން އައްޑޫގައި ފަސޭހައިން ޑޮލަރު ލިބޭނެ އިންތިޒާމު ހަމަޖައްސައި ދިނުމަށް ރައްޔިތުން އެދެމުންދާތީ ބޭންކް އޮފް މޯލްޑިވްސްއާ މަޝްވަރާކޮށްގެން އައްޑޫގައި ޑޮލަރު އޭޓީއެމްގެ ހިދުމަތް ގާއިމުކޮށްދެއްވާނެ ކަމަށް ރައީސް އިބްރާހިމް މުހައްމަދު ސޯލިހު ވަނީ ވައުދުވެވަޑައިގެންފަކަމަށާއި ރައީސް ސާލިޙު ވެރިކަމުގައި ހުންނެވިނަމަ އެ ވައުދު ފުއްދަވައިދެއްވާނެކަން ޔަޤީން ކަމަށް ނިޒާރު ވަނީ ވިދާޅުވެފައެވެ.
އައްޑޫ ސިޓީން ޑޮލަރު ނެގޭނެ އެޓީއެމްގެ ހިދުމަތް ބީއެމްއެލް އާ އެކު މަޝްވަރާކޮށްގެން އިރާދަކުރެއްވިއްޔާ ހަމަޖައްސައިދޭ ނަން
ރައީސް އިބްރާހިމް މުހައްމަދު ޞާލިހް (2023 ވަނަ އަަހަރު ހިތަދޫގައި ބޭއްވި ކެމްޕެއިން ހަރަކާތެއްގައި ވާހަކަ ދައްކަވަމުން)
ނަމަވެސް ރައީސް ސޯލިހު ވެރިކަމުގައި 5 އަަހަރުދުވަހު ހުންނަވައިގެންވެސް އަޢްޑޫ ރައްޔިތުންނަށް މިހާ މުހިންމު ހިދުމަތެއް ލަސްކުރެއްވީ ކީއްވެބާވައެވެ؟ ޑޮލަރު އޭޓީއެމްއެއް ވެރިކަމުގެ 5 އަހަރު ދުވަހުގެ ތެރޭގައި މާލޭ އަތޮޅު އެހެން ރަށެއްގައި ޤާއިމުކޮށް ނުދެވުނުއިރު ، އިތުރު ދައުރެއް ދީގެން ޑޮލަރު އޭޓީއެމްއެއްގެ ހިދުމަތް ރައްޔިތުންނަށް ދެވޭނެ ކަމުގެ އެއްވެސް އިތުބާރެއް ނެތްކަމަށް ރައްޔިތުން ޤަބޫލުކުރެއްވީތީ މިއަދު ލިބިގެން މިދިޔައީ އެކަމުގެ ފޮނި މީރުކަމެވެ.
![]()
ކުރީގެ ރައީސް އިބްރާހިމް މުހައްމަދު ޞާލިހް
ރައްޔިތުންނަށް ލުއިފަސޭހަ ކޮށްދީ ބޭނުންވާ ކަންކަން ފުއްދައިިނުމަށް 2 ވަނަ ދައުރެއްގެ ރިޔާސީ ކެމްޕޭން ވައުދުތަކެއް ބޭނުންނުވާކަން މިހާރުގެ ސަރުކާރުން މިވަނީ ހާމަކޮށްދީފައެެވެ. ވެރިކަމަށް 2 އަަހަރު ދުވަސް ނުވަނީސް އައްޑޫ ސިޓީގެ ރައްޔިތުން އެދި އެދި ތިބި ޑޮލަރު އޭޓީއެމް ރައީސް ޑޮކްޓަރ މުޢިއްޒު އެވަނީ ބަހައްޓައި ދެއްވާފައެވެ.
![]()
އައްޑޫސިޓީ ހިތަދޫގައި ބެހެއްޓުނު ޑޮލަރު އޭޓީއެމް ހުޅުވުމުގެ ރަސްމިއްޔާތު
އައްޑޫގައި ޑޮލަރު އޭޓީއެމްގެ ހިދުމަތް ފެށުމަށް ބޭއްވި ރަސްމިއްޔާތުގައި ބޭންކުގެ ސީއީއޯ މުހައްމަދު ޝަރީފު ވިދާޅުވީ މިއީ ބީއެމްއެލް އާއި އައްޑޫ ރައްޔިތުންނަށް އަނެއްކާވެސް އިތުރު އުފާވެރިކަމެއް ލިބިގެންދާ ރެއެއް ކަމަށާއި މިއީ ހަމައެކަނި އައު ޚިދުމަތެއް ތަޢާރަފުކުރުމެއް ނޫން ކަމަށްވާއިރު، މިއީ އައްޑޫ އާއި އެ ސިޓީގެ ރައްޔިތުންނާއި ބީއެމްއެލްއާ ދެމެދު އޮތް ދުވަސްވީ ގުޅުމުގެ ލާމަސީލު ރަމްޒެއް ކަމުގައެވެ.
ބީއެމްއެލްގެ މި ކާމިޔާބީ ދަތުރުގައި އައްޑޫ ސިޓީއަކީ ޚާއްޞަ މަޤާމެއް ލިބިފައިވާ ތަނެއް. އަތޮޅުތަކުގައި އަޅުގަނޑުމެންގެ ފުރަތަމަ ގޮފި ހުޅުވީ އައްޑޫގައި. މިއަދު އައްޑޫ ސިޓީއަކީ 3 ބްރާންޗާއި 9 އޭޓީއެމް އާއި ކޮންޓެކްޓް ސެންޓަރާއި އެކު މާލެ ފިޔަވައި ބީއެމްއެލްގެ އެންމެ ގިނަ މުވައްޒަފުން މަސައްކަތްކުރާ ތަން ވެސްމެ
ބީއެމްއެލް ސީއީއޯ ޝަރީފް
![]()
ބީއެމްއެލްގެ ސީއީއޯ މުޙައްމަދު ޝަރީފް
އައްޑޫ ގައި ޤާއިމްކުރެވުނު މި ޚިދުމަތާއިއެކު ބޭންކުގެ ރަސްމީ މަސައްކަތު ގަޑިތަކުން ބޭރުގައިވެސް ޑޮލަރުގެ މުޢާމަލާތްތައް ކުރެވޭނެއެވެ. މިއީ އައްޑޫ ސިޓީގެ އާންމު ފަރުދުންނާއި ވިޔަފާރިވެރިންނަށް އިތުރު ފަސޭހަތަކެއް ގެނެސްދޭނެ ހިދުމަތެކެވެ.
މުޅި ރާއްޖޭގެ މީހުން ދިރިއުޅޭ ހުރިހާ ރަށެއްގައި އޭޓީއެމް ބެހެއްޓުމާއި އަދި ބައެއް ރަށްތަކުގައި ޑޮލަރު އޭޓީއެމް ބެހެއްޓުމަކީ ސަރުކާރުގެ އެހީތެރިކަމާ އެކު ރައީސުލްޖުމްހޫރިއްޔާގެ ހާއްސަ އިރުޝާދުގެ ދަށުން ހިންގޭ ޕްރޮޖެކްޓެކެވެ.
ގެދޮރާ ގުޅޭ ފައިނޭންސިންގެ އިތުރުން، ވިޔަފާރިތަކަށް ދޫކުރާ ފައިނޭންސަށް ވެސް ލުއި ބަދަލުތަކެއް ބީއެމްއެލުން ތައާރަފުކުރީ މިދިޔަ ހަފުތާގައެވެ. ބީއެމްއެލް ސީއީއޯ ޝަރީފް ވިދާޅުވީ މީގެ ތެރެއިން އައްޑޫގެ ރައްޔިތުންނަށް އެންމެ މުހިންމު އެއް ބަދަލަކީ ގެސްޓްގައުސް ފައިނޭންސިންއަށް ގެނެސްފައިވާ ބަދަލު ކަމަށެވެ.އައްޑޫ ސިޓީއަށް ޑޮލަރު ޚިދުމަތް ތައާރަފުކުރުމާއެކު ރާއްޖޭގެ އެންމެ ބޮޑު މާލީ އިދާރާގެ ގޮތުގައި ބީއެމްއެލް އިން ދެމުންދާ ޚިދުމަތްތަކަށް އިތުރު ފުރިހަމަކަމެއް މިވަނީ ލިބިފައެވެ.
ބޭންކް އޮފް މޯލްޑިވްސް އިން ކ. މާފުށީގައި މިދިޔައަހަރު ޔޫއެސް ޑޮލަރު އޭޓީއެމްގެ ހިދުމަތް ވަނީ ފަށާފައެވެ. މިއީ މާލެ ސިޓީ އިން ބޭރުގައި ބެހެއްޓުނު ފުރަތަމަ ޔޫއެސް ޑޮލަރު އޭޓީއެމް އެވެ.