ވިޔަފާރި

އުފެއްދުންތެރިކަމުގެ މައުރަޒުގައި ބޮޑުބެރު މުބާރާތެއް ބާއްވަން ނިންމައިފި

އުފެއްދުންތެރިކަމުގެ މައުރަޒުގައި ބޮޑުބެރު މުބާރާތެއް ބާއްވަން ނިންމައިފި

ދިވެހީންގެ އުފެއްދުންތެރިކަމުގެ މައުރަޒު އިންތިޒާމު ކުރަނީ ބީސީސީން---

farudhun logo

ފަރުދުން

18 ފެބްރުއަރީ 2025، 06:50

18 ފެބްރުއަރީ 2025، 06:50

ހުލާސާ

މި މައުރަޒު ކުރިޔަށްދާނީ މެއި މަހުގެ 23 އިން 31 އަށް

މި އަހަރުގެ މެއި މަހު ބޭއްވުމަށް ނިންމާފައިވާ ދިވެހީންގެ އުފެއްދުންތެރިކަމުގެ މައުރަޒަށް ޙާއްސަކޮށްގެން ބިޒްނަސް ސެންޓަރ ކޯޕަރޭޝަން، ބީސީސީން ބޮޑުބެރު މުބާރާތެއް ބާއްވަން ނިންމައިފިއެވެ.

ބީސީސީން ހާމަކޮށްފައިވާ ގޮތުގައި، މި މުބާރާތުގައި ބައިވެރިވުމުގެ ފުރުސަތު ވަރަށް އަވަހަށް ހުޅުވާލާނެއެވެ. 

ދިވެހީންގެ އުފެއްދުންތެރިކަމުގެ މައުރަޒުގައި މިފަދަ މުބާރާތެއް ކުރިޔަށް ގެންދިއުމަށް ނިންމީ ބޮޑުބެރަކީ ދިވެހި ސަގާފަތުގެ މުއްސަނދިކަން ދައްކުވައިދޭ ކަމަކަށް ވާތީކަމަށް ބީސީސީއިން ވަނީ ހާމަކޮށްފައެވެ. އަދި މި މުބާރާތުގެ ތެރެއިން ބޮޑުބެރުގެ އައު ތަރިންތަކެއް ނެރުމަކީ ވެސް ބީސީސީގެ އަމާޒެއްކަމަށް ހާމަކޮށްފައި ވެއެވެ.

މި މުބާރާތުން ވަނަވަނައަށްދާ ފަރާތްތަކަށް ފައިސާގެ އިނާމު ދިނުމަށް ވަނީ ހަމަޖެހިފައެވެ.

މައުރަޒާ ދިމާކޮށް ބީސީސީއިން ޓިކްޓޮކް ޗެލެންޖެއް ވެސް ހުޅުވާލާފައިވެއެވެ. މި ޗެލެންޖުގައި ހުށަހަޅަން ޖެހެނީ، ދިވެހީންގެ މައުރަޒު އިޝްތިހާރު ކުރުމުގެ ކޮންޓެންޓެވެ. 

ދިވެހީންގެ އުފެއްދުންރެތިކަމުގެ މައުރަޒު 2025 އަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިސްނެންގެވުމާއި އިރުޝާދުގެ ދަށުން، އިޤްތިޞާދީ ތަރައްޤީއާއި ވިޔަފާރިއާ ބެހޭ ވުޒާރާގެ ލަފަޔާއެކު ބިޒްނަސް ސެންޓަރ ކޯޕަރޭޝަނުން ބާއްވާ ޚާއްޞަ މައުރަޒެކެވެ.

ބީސީސީއިން ހާމަކޮށްފައިވާ ގޮތުގައި މި މައުރަޒަކީ ދިވެހިންގެ އުފެއްދުންތެރިކަން މުޅި ދުނިޔެއަށް ދައްކާލުމަށް ލިބޭ ރަނުގެ ފުރުސަތެކެވެ. އެގޮތުން ދިވެހި ފަންނުވެރިންނަށް މި މައުރަޒުގެ ތެރެއިން ޕްރޮމޯޝަނަލް ގިނަ ފުރުސަތުތައް ފަހިވެގެން ދާނެއެވެ.

އިޤްތިޞާދީ ތަރައްޤީއާއި ވިޔަފާރިއާބެހޭ ވުޒާރާއިން ބީސީސީއާ ގުޅިގެން ކުރިއަށް ގެންދާ މި މައުރަޒުގައި ޖުމްލަ 7 ދާއިރާއަކުން 15 ގިންތިއަކަށް ކުރިމަތިލުމުގެ ފުރުސަތު ވަނީ ހުޅުވައިލާފައެވެ.

މި ލިޔުން ކިޔާލުމުން

Ads by MSS