ޚަބަރު
ސަރުކާރުން އަދަދު ނޫހުގެ ޚަބަރު ދޮގުކޮށް، މީޑިއާ ކައުންސިލަށް މައްސަލަ ހުށަހަޅަނީ
ހީނާ ވަލީދު ފޮޓޯ:އެޑިޝަން
ރައީސުލްޖުމްހޫރިއްޔާގެ ތަރުޖަމާނު ހީނާ ވަލީދު މިއަދު ސޯޝަލް މީޑިއާގައި ކުރެއްވި ޕޯސްޓެއްގައިވަނީ، އަދަދު ނޫހުން ގެނެސްދީފައިވާ ޚަބަރެއް ދޮގުކޮށް، އެ މައްސަލަ މީޑިއާ ކައުންސިލަށް ހުށަހަޅާނެ ކަމަށް ވިދާޅުވެފައެވެ.
ހީނާ ވަލީދު ވިދާޅުވި ގޮތުގައި، "ސުޕްރީމް ކޯޓުގެ ނިންމުމަށްފަހު ކުއްލި ކެބިނެޓް ބައްދަލުވުމެއް" މި ސުރުޚީގެ ދަށުން އަދަދު ނޫހުން ގެނެސްދީފައިވާ ޚަބަރަކީ "ކަނޑައެޅިގެން ދޮގެއް" ކަމަށެވެ.
"އެއްވެސް ސައްހަ ކަމެއް ނެތް މިފަދަ ދޮގު މައުލޫމާތެއް، ރައްޔިތުންނަށް އޮޅޭ ގޮތަށް ގެނެސްދިނުމަކީ ބަލައިގަނެވޭނެ ކަމެއްނޫން،" ހީނާގެ ޕޯސްޓުގައި ވިދާޅުވިއެވެ. އަދި މިކަމާ ގުޅިގެން ރައީސުލްޖުމްހޫރިއްޔާގެ އޮފީހުން މި މައްސަލަ މީޑިއާ ކައުންސިލަށް ހުށަހަޅާނެ ކަމަށްވެސް ވަނީ ވިދާޅުވެފައެވެ.
