Ads by Exprox

ޚަބަރު

ރަމަޟާންމަހު ބާޒާރުމަތީގެ ޓްރެފިކަށް ބަދަލު ގެންނަނީ

ރަމަޟާންމަހު ބާޒާރުމަތީގެ ޓްރެފިކަށް ބަދަލު ގެންނަނީ

ބާޒާރުމަތީގައި މީހުން ހަރަކާތްތެރި ވަނީ ފޮޓޯ:މިހާރު

އާމިނަތު ޔުމްނާ

އާމިނަތު ޔުމްނާ

19 ފެބްރުއަރީ 2025، 01:52

19 ފެބްރުއަރީ 2025، 01:52

ރަމަޟާންމަހު ބައެއް ވަގުތުތަކުގައި ބާޒާރު މަތީގެ ޓްރެފިކަށް ބަދަލު ގެންނާނެކަމަށް ފުލުހުން ވިދާޅުވެއްޖެއެވެ. ބާޒާރު މައްޗަކީ ރޯދަމަހު އެންމެ ބާރުބޮޑުވާ ސަރަޙައްދަށްވުމާއެކު، އެސަރަޙައްދުގެ ރައްކާތެރިކަން އިތުރުކުރުމާއި ޓްރެފިކަށް ބަދަލު ގެންނަން ކުރަންޖެހޭ މަސައްކަތްތައް ފުލުހުން މިހާރު ވަނީ ފަށާފައެވެ.

ޕީއެސްއެމް ނިއުސްއަށް މަޢުލޫމާތު ދެއްވަމުން ސަބް އިންސްޕެކްޓަރ އޮފް ޕޮލިސް ހުސައިން އަސްލަހް ވިދާޅުވީ، ރަމަޟާން މަހު ބާޒާރުމަތީގެ ޓްރެފިކް ފްލޯއަށް ގެންނާނެ ބަދަލުތަކުގެ ޕްލޭން މިހާރު އެކުލަވާލާފައިވާކަމަށެވެ. އެގޮތުން އެންމެ ފުރަތަމަ މަސައްކަތެއްގެގޮތުން، ރޯދަމަހު ގެންނަ ބަދަލުތަކާ ގުޅޭ މަޢުލޫމާތު ބާޒާރުމަތީ ފިހާރަތަކާއި އެ ސަރަޙައްދަށް ބަނދަރުކުރާ މުދާ އުފުލާ ދޯންޏާއި ބޯޓު ފަހަރަށް މިހާރު ފޯރުކޮށްދީފައިވާކަމަށް ވިދާޅުވިއެވެ.

ފުލުހުން ވިދާޅުވީ ޕޭމަންޓް މަތީ މުދާ ނުބެހެއްޓުމާއި އުޅަނދުތަކަށް މުދާ އަރުވާ ބޭލުމުގައިވެސް އެކަމަށް ޚާއްސަކޮށް ކަނޑައަޅާފައިވާ ޒޯންތައް ބޭނުންކުރުމަށް ވަނީ އަހުލުވެރިކޮށްފައެވެ. އަދި މުދާ ވިއްކުމަށް ޕޭމަންޓާއި ޕާކިން ޒޯންގައި ނުބެހެއްޓުމަށާއި، ކަނޑައަޅާފައިވާ ތަންތަނަށް ވީހާވެސް އަވަހަށް މުދާ ގެންދިއުމަށް ވަނީ އިރުޝާދު ދީފައެވެ.

ފުލުހުން ވިދާޅުވީ ރަމަޟާންމަހު ބާޒާރު މަތީގައި އެންމެ ބާރު ބޮޑުވާ ވަގުތު، މެންދުރު 01:00އިން ހަވީރު 06:00އަށް، ގަވާއިދުން މެދުނުކެނޑި ފުލުހުން އެސަރަޙައްދު ބެލެހެއްޓުމުގައި ހަރަކާތްތެރިވާނެކަމަށެވެ. އަދި މަގުތަކުގައި އުޅަނދު ދުއްވޭ ގޮތްތަކަށްވެސް ބައެއް ބަދަލުތައް ގެންނާނެއެވެ.

ބާޒާރުމަތީ ސަރަޙައްދުގައި، ބޮޑުތަކުރުފާނު މަގަށް ނިކުމެވެން ހުންނަ ގޯޅިތައް މެންދުރު 01:30އިން ހަވީރު 04:00އަށް ބަންދުވާނެ. ދެން މާބޮޑަށް ޓްރެފިކް ބާރުބޮޑުވާނަމަ، ބޮޑުތަކުރުފާނު މަގު ފާރުކެނޑި ހިނގުމުން ފަށައިގެން، ހުޅަނގުން އިރަށް 4 ފުރޮޅުލީ އުޅަނދުތަކަށް ބަންދުކުރާނަން. ސައިކަލު އެކަނި ދުއްވޭނީ

 ފުލުހުން 

ފުލުހުން ވަނީ އެ ސަރަޙައްދުގައި ވިޔަފާރުކުރާ ފަރާތްތަކާއި ޚިދުމަތް ހޯދަން ދާ މީހުންވެސް މި ބަދަލުތަކަށް ސަމާލުވުމަށް އެދިވަޑައިގެންފައެވެ. ޚާއްސަކޮށް އެ ސަރަޙައްދުގައި އުޅަނދު ޕާކުކުރުމާއި، ޒޯންތަކުގައި ޕާކުކުރުމާއި، ހިނގާ އަދި ދުއްވާ މީހުންނަށް އުނދަގޫ ނުވާގޮތަށް ޢަމަލުތައް ބެހެއްޓުމަށް ވަނީ އެދިވަޑައިގެންފައެވެ.

އަޅުގަނޑުމެންގެ މަޤްޞަދަކީ ރަމަޟާންމަހު ބާޒާރުމައްޗަކީ އެންމެންނަށް ފަސޭހައިން ބޭނުންކުރެވޭ، ރައްކާތެރި ތަނަކަށް ހެދުން. މިކަމުގައި އާންމު ރައްޔިތުންގެ އެއްބާރުލުން ވަރަށް މުހިންމު. ޚާއްޞަކޮށް ވިޔަފާރިވެރިންނާއި އުޅަނދު ދުއްވާ ފަރާތްތަކުގެ ތަބާވުން ވަރަށް ބޮޑަށް ބޭނުންވޭ

ސަބް އިންސްޕެކްޓަރ ހުސައިން އަސްލަހް


                    

މި ލިޔުން ކިޔާލުމުން

Ads by MSS