އިސްލާމީ ކަންތައްތަކާ ބެހޭ ވަޒީރު މަމްސް އެއިޑްއާއި ބައްދަލުކުރައްވައިފި

އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު މަމްސް އެއިޑްއާއި ބައްދަލުކުރައްވައިފިއެވެ.

މި ބައްދަލުކުރެއްވުމުގައި، މަމްސް އެއިޑާއި އިސްލާމީ ކަންތައްތަކާ ބެހޭ ވުޒާރާއާއި ގުޅިގެން އިޖުތިމާޢީ އެކި ހަރަކާތްތައް ކުރިއަށް ގެންދިއުމާއި ގުޅޭގޮތުން ވަނީ މަޝްވަރާކުރައްވާފައެވެ. ހަމަ އެހެންމެ އިސްލާމީ ކަންތައްތަކާ ބެހޭ ވަޒީރު ވަނީ އެ ވުޒާރާއާއި މަމްސް އެއިޑާއި ގުޅިގެން ކުރިއަށް ގެންދަވާނެ ހަރަކާތްތަކުގައި އެ ވުޒާރާގެ ފުރިހަމަ އެއްބާރުލުން ދެއްވާނެކަމުގެ ޔަޤީންކަން އަރުވާފައެވެ. 

މި މަޝްވަރާ ބައްދަލުކުރެއްވުމުގައި، މަމްސް އެއިޑްގެ ފަރާތުން ބައިވެރިވީ އެ ޖަމިއްޔާގެ އެގްޒެކްޓިވް ޑިރެކްޓަރ ފާތިމަތު ރިޔާޝާ އަދި ޑިރެކްޓަރ އޮފް އޮޕަރޭޝަންސް ޒައިލް ޒަރީރުއެވެ.