ޤައުމީ ދެ ރެކޯޑެއް އޮސްޓްރޭލިއާގައި ޢުލްޔާ އާކޮށްފި

އޮސްޓްރޭލިއާގައި ކުރިޔަށްދިޔަ އެސް.ޑަބްލިއު.އޭ (ސްވިމިންގ ވެސްޓަރން އޮސްޓްރޭލިއާ) ހެންކޮކް ޕްރޮސްޕެކްޓިންގ ސްޓޭޓް ޗެމްޕިއަންޝިޕްސްގައި ޤައުމީ ދެ ރެކޯޑެއް ޢާއިޝަަތު ޢުލްޔާ ޝާއިޤް އާކޮށްފިއެވެ. 

ޢުލްޔާ އާކޮށްފައިވަނީ އަންހެނުންގެ ލޯންގކޯސް 50 މީޓަރ ބެކްސްޓްރޯކް އިވެންޓާއި އަންހެނުންގެ ލޯންގކޯސް 50 މީޓަރ ފްރީސްޓައިލް އިވެންޓުގެ ޤައުމީ ރެކޯރޑެވެ.

އެގޮތުން ލޯންގކޯސް 50 މީޓަރ ބެކްސްޓްރޯކް އިވެންޓުގެ ރެކޯޑު ޢުލްޔާ އާކުރީ 00:28.64 އިން ރޭސް ފުރިހަމަކޮށްގެންނެވެ. މި ރެކޯޑު ކުރިން ވެސް އޮތީ ޢުލްޔާ އަތުގައެވެ. އެއީ މިދިޔަ އަހަރު ބޭއްވި 11 ވަނަ އޭޝިއަން އޭޖްގްރޫޕް އެކުއަޓިކްސް ޗެމްޕިއަންޝިޕްސް ގައި 00:29.29 އިން ރޭސް ފުރިހަމަކޮށްގެންނެވެ.

އަދި ލޯންގކޯސް 50 މީޓަރ ފްރީސްޓައިލް އިވެންޓުގެ ޤައުމީ ރެކޯރޑު ޢުލްޔާ އާކުރީ 00:34.18 އިން ރޭސް ފުރިހަމަކޮށްގެންނެވެ. މި އިވެންޓުގެ ޤައުމީ ރެކޯރޑް އެންމެ ފަހުން އާކޮށްފައިވަނީ 2023 ވަނަ އަހަރު ބޭއްވުނު 11 ވަނަ އިންޑިއަން އޯޝަލް އައިލަންޑް ގޭމްސްގައި އައިޝަތު ސައުސަން އެވެ. ސައުސަން އެ ފަހަރު 50 މީޓަރ ބެކްސްޓްރޯކް އިވެންޓުގެ ޤައުމީ ރެކޯޑު އާކޮށްފައިވަނީ 00:34.32 އިންނެވެ.