ކޮލަމް

ޝުކުރުވެރިވާން ދަސް ނުވަނީ ހެއްޔެވެ؟

ޝުކުރުވެރިވާން ދަސް ނުވަނީ ހެއްޔެވެ؟

ޝުކުރުވެރިވާން ދަސް ނުވަނީ ހެއްޔެވެ؟

އިބްރާހީމް އަޙްމަދު

އިބްރާހީމް އަޙްމަދު

23 ފެބްރުއަރީ 2025، 08:35

23 ފެބްރުއަރީ 2025، 08:35

އިސްލާމެއްގެ ހައިސިއްޔަތުން ޝުކުރުވެރި ވުމަކީ ވަރަށް ވެސް  މުހިންމު ކަމެކެވެ. އަދި އިސްލާމް ދީން ދަސްކޮށް ދެނީ ޝުކުރުވެރި ވުމަށެވެ. އެއީ މީހާގެ ޚުލްޤު ހެޔޮ ކަމުގެ ނިޝާނެކެވެ. އަދި ޝުކުރު ކުރާ މީހާއަށް އިތުރު ޤަދަރެއް ލިބިގެންދާ ކަމެކެވެ. އަދި މާތް ﷲ ވަނީ ޝުކުރުވެރިވާ ފަރާތްތަކަށް އިތުރުކޮށް ދެއްވާނެ ކަމަށް ވަޢުދު ވެ ވޮޑިގެންނެވެ. 

ދިވެހީންގެ ތެރެއިން ގިނަ ބަޔަކީ، އިސްލާމްދީނުގެ ރިވެތި އަޚްލާޤުގެ މައްޗަށް ތަރުބިއްޔަތު ކުރެވިފައިވާ ރައްޔިތުންތަކެކެވެ. ނަމަވެސް ހާލަތު ނިޔާ ކުރާ ގޮތަކުން ތިމާގެ އަމިއްލަ އަޚްލާޤީ މިންގަނޑުން ނެއްޓިގެން ދާ ތަން ފެނިގެން ދިއުމަކީ ވެދާނެ ކަމެކެވެ. ނަމަވެސް ބުނަން މި އުޅޭ ވާހަކަ އަކީ އެފަދަ ހާލަތެއްގެ ވާހަކަ އެއް ނޫނެވެ. މީ މިހާރަކަށް އައިސް ޢާންމު ކަމެކޭވެސް ބުނެވިދާނެއެވެ. ސިޔާސީ ގޮތުން ތިމާގެ ލޯ ކަނުވެ، ތިމާ ނުރުހޭ ބަޔަކު ހެޔޮ ކަމެއް ކުރުމުން އެކަން ބަލައި ނުގަނެވުމަކީ އަދުގެ ހަޤީޤަތެވެ. 

މި އަހަރުގެ ރަމަޟާން މަހާއި ދިމާކޮށްފައި ސަރުކާރުން ރައްޔިތުންނަށް ހިލޭ މަސްދަޅު ކޭސް ބެހުމުގެ ކަންތައް ކުރިޔަށް މި ދަނީ ވަރަށްވެސް ކާމިޔާބު ކަމާއި އެކު ބާރަށެވެ. ގިނަ ރައްޔިތުންތަކެއް މިކަމަށް ޝުކުރުވެރި ވެއެވެ. ނަމަވެސް ޝުކުރުވެރި ނުވާ މީހުންވެސް މަދެއް ނޫނެވެ. މަސް ކޭސް ބަލައި ގޮސް ކިއޫގައި ތިބެ ވެސް ނަފްރަތުގެ ބަހެއް ސަރުކާރަށް ނުވަތަ ތިމާ ނުރުހޭ ފަރާތަކަށް ނުވަތަ ދެން ހުންނަ މީހާ ރުޅި އަރުވާލުމުގެ ނިޔަތުގައި މަސައްކަތް ކުރާ ކުރުމަކީ ބަލައި ގަނެވޭނެ ކަމެއް ނޫނެވެ. މީ ހަމައެކަނި މިއަހަރު ހިނގާ ކަމެއް ނޫނެވެ. މިދިޔަ އަހަރުގެ ރަމަޟާން މަހުވެސް ހަމަ މިފަދަ މަންޒަރުތަކެއް ދުށީމެވެ. އޭރު ސަރުކާރުން ބެހީ ކޮންމެ ގޭބީސީ އަކަށް 10 ކިލޯ ހަނޑުލާއި 10 ކިލޯ ފުށެވެ. ކިއު ގައި ތިބެ ހަޑި ހުތުރު ބަހުން މުޢާމަލާތް ކުރަމުން ދިޔަ އިރު ބައެއް ފަރާތްތަކުން ކިއު އަށް އަރަނީ ކުޑަކުދިން ގޮވައިގެން ކަންވެސް ގިނަ ފަރާތްތަކުން ހަނދާނެއް ނެތް ފަދައެވެ. އަދި ޝުކުރު ކުރުމުގެ ބަދަލުގައި "މީ އެކައްޗެއްވެސް ނޫނޭ" ބުނެ ކާޑުގެ ބާވަތްތައް ކޮނޑަށް ލައިގެން ސައިކަލަށް ނުވަތަ ކާރަށް އަރުވައިގެން ދަނީކީވެސް މަދު ބައެއް ނޫނެވެ. 

މިފަދަ ކަންކަމާއި އެންމެ ވައްތަރު ބަޔަކީ ބަނީ އިސްރާއީލު މީހުންނެވެ. އެމީހުން  މަޝްހޫރުވެފައިވާ އެންމެ ބޮޑު އެއްކަމަކީ މާތް ﷲ ގެ ނިޢްމަތުން ގިނަ ނިޢްމަތްތަކެއް ދެއްވުމުންވެސް އެއާ މެދު ސުވާލުކޮށް ޝުކުރުވެރި ނުވެ ކުފުރުވެރި ވި ބައެއްގެ ގޮތުގައެވެ. މިއީ، ދިވެހިން ތަބާ ވާން ވީ ގޮތެއް ނޫނެވެ. ދިވެހިން ޢަމަލު ކުރަންވީ ގޮތެއްވެސް ނޫނެވެ. ދިވެހީންނަކީ މުސްލިމުންނެވެ. ދިވެހީން އަމަލު ކުރަންވީ އިސްލާމީ ރިވެތި އަދަބާއި އަޚްލާޤުގެ މިންގަނޑުގެ ތެރެއިންނެވެ. ޝުކުރުވެރި ވާން ދަސް ކުރާށެވެ. ނޫނީ ހަނު ހުންނާށެވެ. ބަދު ބަހެއް އަނގައިން ބޭރު ވުމަށް ވުރެ އެގޮތްވެސް މާ ހެޔޮކަން ބޮޑެވެ.

މި ލިޔުން ކިޔާލުމުން

Ads by MSS