ސްޓެލްކޯގެ މުވައްޒަފުން މަސްދަޅު ބެހުމުގައި ސަރުކާރަށް އެހީތެރިވެއްޖެ

ސަރުކާރުން މިހާރު ހިންގަމުންދާ މަސްދަޅު ބެހުމުގެ ޕްރޮގްރާމުގައި ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ)ގެ މުވައްޒަފުންވެސް ބައިވެރިވެއްޖެއެވެ. މިކަން ހާމަކުރެއްވީ ސްޓެލްކޯގެ މެނޭޖިންގ ޑިރެކްޓަރ ހުސެއިން ފަހުމީ އެވެ.

އެމްޑީ ހުސެއިން ފަހުމީ އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ، މަސްދަޅު ބެހުމުގައި ރައްޔިތުންނަށް ދިމާވާ ދަތިތައް ކުޑަކުރުމަށް ސަރުކާރުން އަޅަމުންދާ ފިޔަވަޅުތަކުގެ ތެރެއިން، ސްޓެލްކޯގެ މުވައްޒަފުންވެސް މިހާރު ވަނީ މި މަސައްކަތުގައި ސަރުކާރުގެ ޓީމުތަކާ ގުޅިގެން ބައިވެރިވެފައި ކަމަށެވެ.

އަޅުގަނޑުމެންގެ މުވައްޒަފުން މިހާރު ތިބީ ޕޮލްކޯ ޓަވަރ (ސީބްލޮކް)ގައި ސްޓޭޝަންވެ ރައްޔިތުންގެ ޚިދުމަތުގައި

 އެމްޑީ ފަހުމީ

މި މަސައްކަތުގައި ސްޓެލްކޯގެ މުވައްޒަފުން ބައިވެރިވެފައިވަނީ، މަސްދަޅު ބެހުމުގެ ކިއުގެ ތަކުލީފު ވީހާވެސް ކުޑަކުރުމަށް ސަރުކާރުން ރާވާފައިވާ ރޭވުންތަކުގެ ތެރެއިންނެވެ. މިފަދަ ކަންކަމުގައި މުވައްޒަފުންގެ ފަރާތުން ލިބެމުންދާ އެއްބާރުލުމަށް އެމްޑީ ފަހުމީ ޝުކުރު ދަންނަވާފައިވެއެވެ.

މަސްދަޅުކޭސް ބެހުމަށް ސަރުކާރުން މިހާރު އަޅާފައިވާ ހަރުދަނާ ފިޔަވަޅުތަކުގެ ތެރެއިން ކިއުގެ ތަކުލީފު ވީހާވެސް ކުޑަވާނެ ގޮތަކަށް އިންތިޒާމްކުރެވި ރޭވިފައިވާ ރޭވުންތަކުގެ ތެރެއިން ސްޓެލްކޯގެ މުވައްޒަފުންވެސް މިވަނީ މި މަސައްކަތުގައި ސަރުކާރުގެ ޓީމުތަކާއި ގުޅިގެން ބައިވެރިވެފައި.… pic.twitter.com/Goo2K3VJ4r

— Hussain Fahmy (@HussainFahmy09) February 22, 2025

ރަމަޟާން މަހާ ގުޅިގެން ސަރުކާރުން ރައްޔިތުންނަށް ހިލޭ މަސްދަޅު ބަހަމުންދާއިރު، މި ޕްރޮގްރާމް ހިންގުމުގައި ދިމާވާ ގޮންޖެހުންތައް ޙައްލުކުރުމަށް ސަރުކާރުން ގިނަ މަސައްކަތްތަކެއް ކުރަމުންދެއެވެ.