ހިއުމަން ރައިޓްސް ކައުންސިލްގެ 58 ވަނަ ސެޝަންގައި ބައިވެރިވެވަޑައިގަތުމަށް ޚާރިޖީ ވަޒީރު ޖެނީވާއަށް

އދ.ގެ ހިއުމަން ރައިޓްސް ކައުންސިލްގެ 58 ވަނަ ސެޝަންގައި ބައިވެރިވެވަޑައިގަތުމަށް ޚާރިޖީ ވަޒީރު ޑރ. ޢަބްދުﷲ ޚަލީލް ސުވިޒަލޭންޑްގެ ޖެނީވާއަށް ވަޑައިގެންފިއެވެ. ޚާރިޖީ ވަޒީރު ސޯޝަލް މީޑިޔާގައި ހިއްސާކޮށްފައިވާ ޕޯސްޓެއްގައި މިކަން ވަނީ ހާމަކުރައްވާފައެވެ.

މިދަތުރުފުޅުގައި ހިއުމަން ރައިޓްސް ކައުންސިލްގެ ތެރެއިން ކުރިއަށްދާ ހައި ލެވެލް ޖެނެރަލް ޑިބޭޓުގައި ޚާރިޖީ ވަޒީރު ތަޤުރީރުކުރެއްވުމުގެ އިތުރުންހައި-ލެވެލް މުހިންމު މަޝްވަރާތަކެއްގައި އެމަނިކުފާނު ބައިވެރިވެވަޑައިގަތުމަށް ވަނީ ހަމަޖެހިފައެވެެ.

Arrived in Geneva, Switzerland to participate in the High-level Segment of the 58th Session of the @UN_HRC.

I will be speaking at the High-level General Debate and will be participating in several high-level discussions.

I also look forward to interacting with my colleagues…

— Abdulla Khaleel (@abkhaleel) February 23, 2025

ހިއުމަން ރައިޓްސް ކައުންސިލްގެ 58 ވަނަ ސެޝަން އަންނަ ހޯމަ ދުވަހުން ފެށިގެން އަންނަ މަހުގެ 4 ވަނަ ދުވަހާ ހަމައަށް ދެމިގެންދާނެއެވެ. މި ފަހަރުގެ ސެޝަންގައިވެސް އެކި މަޢުޟޫތަކާ ގުޅޭ ޕެނަލް ޑިސްކަޝަންތައް ކުރިއަށްދާނެއެވެ.  މަރުގެ އަދަބު ދިނުމާއި ޤަތުލު ޢާންމުތައް ހުއްޓުވުމާއި ޚާއްސަ އެހީއަށް ބޭނުންވާ މީހުންގެ ޙައްޤުތައް ކަށަވަރުކުރުމާ ބެހޭ މަޝްވަރާތައް ކުރިއަށް ދާނެކަމުގެ މައުލޫމާތު ވަނީ ލިބިފައެވެ.

2023 ވަނަ އަހަރުން ފެށިގެން ސިވެހިރާއްޖެއަކީ  ހިއުމަން ރައިޓްސް ކައުންސިލްގެ މެންބަރެކެވެ. މިއީ އެ ކައުންސިލްގެ މެންބަރުންކަން ރާއްޖެއިން އަދާކުރާ ތިންވަނަ ފަހަރެވެ. ހިއުމަން ރައިޓްސް ކައުންސިލަކީ އިންސާނީ ޙައްޤުތައް ހިމާޔަތްކުރުމަށް އެކި ޤައުމުތައް ގުޅިގެން މަސައްކަތް ކުރުމަށް އުފައްދާފައިވާ އދގެ ގޮތްޕެކެވެ.