ބީއެމްއެލް ކުޑަހުވަދޫ ބްރާންޗުގެ ބިންގާ އަޅުއްވާދެއްވައިފި

ދ އަތޮޅު ކުޑަހުވާދޫގައި ބޭންކް އޮފް މޯލްޑިވްސްއިން އަލަށް އިމާރާތްކުރާ ކުޑަހުވަދޫ ބްރާންޗުގެ ބިންގާ އަޅުއްވައިދެއްވައިފިއެވެ. 

މި އިމާރާތުގެ ބިންގާ އަޅުއްވާދެއްވާފައިވަނީ ބީއެމްއެލްގެ ޗެއާރ ޕާރސަން، އަޙުމަދު ޢަލީ ޙަބީބް އާއި އެ ބޭންކުގެ މެނޭޖިން ޑިރެކްޓަރ އަދި ސީއީއޯ މުޙައްމަދު ޝަރީފެވެ.

މި ރަސްމިއްޔާތުގައި ރައީސުލްޖުމްހޫރިއްޔާގ، ޑޮކްޓަރ މުޙައްމަދު މުޢިއްޒުގެ އިތުރުން، މިނިސްޓަރުންނާއި، ކުޑަހުވަދޫ ދާއިރާގެ މެންބަރާއި، ބީއެމްއެލްގެ އިސްވެރިން، ކުންފުނިތަކުގެ ވެރިން އަދި ކުޑަހުވަދޫ ކައުންސިލްގެ ރައީސް އާއި މެންބަރުން އަދި ގިނަ އަދަދެއްގެ ރައްޔިތުން ބައިވެރިވެވަޑައިގެންނެވިއެވެ.

ބިންގާ އެޅުމުގެ އިތުރުން، ކުޑަހުވަދޫގައި ސެލްފް ސާރވިސް ބޭންކިންގެ އިތުރު އޭޓީއެމްއެއްގެ ޙިދުމަތް ވެސް މިއަދު ވަނީ ފަށާފައެވެ. 

މުޅި ރާއްޖެއަށް ބޭންކް އޮފް މޯލްޑިވްސްގެ އޭޓީއެމް ޚިދުމަތް ފޯރުކޮށްދިނުމުގެ މަސައްކަތް ފެށިފައިވަނީ މިދިޔަ އަހަރުގެ ނޮވެމްބަރު މަހުގެ ތެރޭގައެވެ. މި މަޝްރޫޢުގެ ދަށުން ރައްޔިތުންގެ މާލީ ބައިވެރިވުން އިތުރުކުރުމަށް ގިނަ މަސައްކަތްތަކެއް ކުރުމަށް ސަރުކާރުން ވަނީ ރާވާފައެވެ.