Ads by Exprox

ޚަބަރު

ފަތުރުވެރިކަމުގައި ރާއްޖެ އިޝްތިހާރުކުރުމަށް އެމްއެމްޕީއާރުސީ އާއި ބުކިންގ ޑޮޓް ކޮމްއާ ދެމެދު އެއްބަސްވުމެއް

ފަތުރުވެރިކަމުގައި ރާއްޖެ އިޝްތިހާރުކުރުމަށް އެމްއެމްޕީއާރުސީ އާއި ބުކިންގ ޑޮޓް ކޮމްއާ ދެމެދު އެއްބަސްވުމެއް

ފަތުރުވެރިކަމުގައި ރާއްޖެ އިޝްތިހާރުކުރުމަށް އެމްއެމްޕީއާރުސީ އާއި ބުކިންގ ޑޮޓް ކޮމްއާއި ދެމެދު އެއްބަސްވުމެއްގައި ސޮއުކުރުން/ފޮޓޯ: އެމްއެމްޕީއާރުސީ

ޙައްވާ ޒައިބާ މުޙައްމަދު

ޙައްވާ ޒައިބާ މުޙައްމަދު

26 ފެބްރުއަރީ 2025، 08:47

26 ފެބްރުއަރީ 2025، 08:47

ހުލާސާ

ބުކިންގ ޑޮޓް ކޮމްއާއި ގުޅިގެން ގިނަ ޙަރަކާތްތަކެއް ހިންގުމަށް ވަނީ ހަމަޖެހިފައި

ފަތުރުވެރިންގެ މެދުގައި މަޤުބޫލު މަންޒިލަކަށް ދިވެހިރާއްޖެ ހެދުމަށް މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން، އެމްއެމްޕީއާރުސީ އާއި ބުކިންގ ޑޮޓް ކޮމްއާއި ދެމެދު އެއްބަސްވުމެއްގައި ސޮއިކޮށްފިއެވެ. 

އެމްއެމްޕީއާރުސީ އިން ވިދާޅުވީ، މި އެއްބަސްވުމުގެ އެކުލަވާލައްވާފައިވަނީ އަންނަ މާރިޗު މަހުގެ 1 ވަނަ ދުވަހުން ފެށިގެން 2027 ވަނަ އަހަރުގެ ޖަނަވަރީ މަހުގެ ނިޔަލަށް ކަމަށެވެ. އަދި މި އެއްބަސްވުމުގެ ދަށުން، ދިވެހިރާއްޖޭގެ ސަޤާފަތާއި ތަޖުރިބާތައް ފަތުރުވެރިންނަށް ދައްކުވައިދީ، ރާއްޖޭގެ ރަށްތަކުގެ ޤުދުރަތީ ރީތިކަން ދެއްކުމުގެ އިތުރުން، ރާއްޖޭގައި ފަތުރުވެރިކަން އިތުރަށް ކުރިއެރުވުމަށް ތަފާތު ގިނަ މަސައްކަތްތަކެއް ކުރައްވާނެކަމަށް އެ ކޯޕަރޭޝަނުން ވަނީ ވިދާޅުވެފަ އެވެ.

މި އެއްބަސްވުމާއި ގުޅިގެން އެމްއެމްޕީއާރުސީގެ ޗީފް އެގްޒެކެޓިވް އޮފިސަރ އަދި މެނޭޖިންގ ޑިރެކްޓަރ އިބްރާހިމް ޝިއުރީ ވިދާޅުވީ، މި ނިންމެވުމަކީ ރާއްޖޭގެ ޤުދުރަތީ ރީތިކަމާއި ތަފާތު ކަންތައްތައް ބައިނަލްއަޤްވާމީ ފެންވަރުގައި ދައްކުވައިދިނުމަށް އެޅުނު ވަރަށް މުހިންމު ފިޔަވަޅެއް ކަމަށެވެ. އަދި މިކަމުގެ ސަބަބުން ރާއްޖެއަކީ އެންމެ މަތީ ފެންވަރުގެ މަންޒިލެއްގެ ގޮތުގައި ދެމެހެއްޓެނިވި ގޮތެއްގައި ކުރިއެރުވުމަށް ފުރުސަތުލިބިގެންދާނެ ކަމަށް އޭނާ ވަނީ ވިދާޅުވެފައެވެ. 

މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން، އެމްއެމްޕީއާރުސީ އިން ވިދާޅުވީ، މި އެއްބަސްވުމުގެ ދަށުން ތަފާތު އެކި ޙަރަކާތްތައް ކުރިއަށް ގެންދިޔުމަށް ހަމަޖެހިފައިވާ ކަމަށެވެ. އެގޮތުން، ރާއްޖޭގައި ފަތުރުވެރިކަމުގެ މައިދާނުގައި މަސައްކަތްކުރާ ފަރާތްތަކަށް ސަޕްލައި ޗެއިން އޮޕްޓިމައިޒޭޝަން ތަމްރީނު ދިނުމާއި، އެމްއެމްޕީއާރުސީގެ މާކެޓިންގ ކެމްޕެއިންތަކަށް ޕްރޮމޯޝަނަލް ހަރަކާތްތައް ހިންގުމަށް ހަމަޖެހިފައިވާކަމަށް އެ ކޯޕަރޭޝަނުން ވިދާޅުވިއެވެ. އަދި މި ޙަރަކާތްތަކުގައި އެމްއެމްޕީއާރުސީގެ މުވައްޒަފުންނަށް ވެސް ތަމްރީނުތަކެއް ދެވިގެންދާނެ ކަމަށް ވިދާޅުވިއެވެ.

އެމްއެމްޕީއާރުސީ އިން ވިދާޅުވީ، ބުކިންގ ޑޮޓް ކޮމްއާއި ގުޅިގެން ގިނަ ޙަރަކާތްތަކެއް ހިންގުމަށް ފްރޭމްވޯކެއް މިހާރު ތައްޔާރުކޮށްފައިވާ ކަމަށެވެ. އެގޮތުން، މި މަސައްކަތުގެ ދަށުން އިނޮވޭޓިވް މާކެޓިންގ މެދުވެރިކޮށް ފަތުރުވެރިން ރާއްޖެއަށް އަންނަ މިންވަރު އިތުރުކުރުމާއި، ބުކިންގ ޑޮޓް ކޮމްގައި ރާއްޖޭގެ ފަތުރުވެރިކަމުގެ ހުށައެޅުންތައް ފެންނަ މިންވަރުތައް އިތުރުކުރެވިގެންދާނެ އެވެ. އަދި ޖޮއިންޓް މާކެޓިންގ ކެމްޕޭންތައް ހިންގުމުގެ މަސައްކަތްތައް ވެސް ހިމެނޭކަމަށް އެމްއެމްޕީއާރުސީއިން ވިދާޅުވިއެވެ.

މި އެއްބަސްވުމާއި ގުޅޭގޮތުން ވާހަކަފުޅު ދައްކަވަމުން ބުކިންގ ޑޮޓް ކޮމްގެ އިންޑިއާ، ސްރީލަންކާ، އިންޑޮނޭޝިއާ، އަދި ރާއްޖޭގެ ކަންޓްރީ މެނޭޖަރު ސަންތޯޝް ކުމާރު ވިދާޅުވީ، ދިވެހިރާއްޖޭގެ ފަތުރުވެރިކަން އިޝްތިހާރުކުރުމަށް އެމްއެމްޕިއާރުސީ އާއި އެކު މަސައްކަތް ކުރުމުގެ ފުރުސަތު ލިބިގެންދިޔުމަކީ ލިބޭ ވަރަށް ބޮޑު އުފަލެއް ކަމަށެވެ. މީގެ އިތުރުން، ރާއްޖެއަކީ ދަތުރުފަތުރުކުރުމަށް އެކި ވަސީލަތްތައް ލިބޭ، ގގިނަ ތަޖުރިބާތަކެއް ލިބޭ ޤައުމެއްކަން އޭނާ ވަނީ ފާހަގަކުރައްވާފަ އެވެ. އެހެންކަމުން، ފަތުރުވެރިންނަށް ރާއްޖޭގެ ހިތްގައިމުކަން ދައްކުވައިދިނުމަށް ބުކިންގ ޑޮޓް ކޮމް އިން ގިނަ މަސައްކަތްތަކެއް ކުރައްވާނެ ކަމަށް އޭނާ ވިދާޅުވިއެވެ.

ދިވެހިރާއްޖެއަކީ ދުނިޔޭގެ އެކި ކަންކޮޅުތަކުގައި ދަތުރުކުރަމުންދާ ފަތުރުވެރިންގެ މެދުގައި މަޤުބޫލު މަންޒިލަކަށް ހެއްދެވުމަށް ދިވެހި ސަރުކާރާއި، ކަމާ ގުޅުންހުރި ވުޒާރާތަކާއި، ކުންފުނިތަކުން އަންނަނީ ގިނަ މަސައްކަތްތަކެއް ކުރައްވަމުންނެވެ. 

މި ލިޔުން ކިޔާލުމުން

Ads by MSS