ދުނިޔެ

އިޒްރާއިލުން ރާމައްﷲ ގައި ހުންނަ އަލްޖަޒީރާގެ ބިޔުރޯ ބަންދުކޮށްފި!

އިޒްރާއިލުން ރާމައްﷲ ގައި ހުންނަ އަލްޖަޒީރާގެ ބިޔުރޯ ބަންދުކޮށްފި!

އިޒްރާއިލްގެ ސިފައިންގެެ މީހެއް ހަތިޔާރާއެކު އަލްޖަޒީރާ ބިޔުރޯގެ ތެރޭގައި. ފޮޓޯ:އަލްޖަޒީރާ

ޙަސްނާ އަޙްމަދް

ޙަސްނާ އަޙްމަދް

22 ސެޕްޓެމްބަރު 2024، 06:01

22 ސެޕްޓެމްބަރު 2024، 06:01

ރާމައްﷲ ގައި ހުންނަ އަލްޖަޒީރާގެ ބިޔުރޯ އިޒްރާއިލުން ބަންދުކޮށްފިއެވެ. 

އިޒްރާއިލުން މިކަން ކޮށްފައިވަނީ ރާމައްﷲ ގައި ހުންނަ އަލްޖަޒީރާގެ ބިޔުރޯގައި ލައިވް އެއް ކުރިއަށް ދަނިކޮށް ކަމަށް އަލްޖަޒީރާގައި ވަނީ ބުނެފައެވެ. 

އިޒްރާއިލް ސިފައިން އެބިޔުރޯއަށް ވަދެފައިވަނީ ފުރިހަމަ ހަތިޔާރާއި އެކު ވަދެ ކަމަށް އަލްޖަޒީރާގައި ބުނެފައިވެއެވެ. އަދި އެތަން ހުސްކުރުމުގެ ނޯޓިސް ބިޔުރޯ ހެޑް ވާލިދް އަލް އޮމާރީ އަށް ވަނީ ހަވާލުކޮށްފައެވެ. 

ރޭގަނޑުގެ ޝިފްޓުގައި މަސައްކަތް ކުރަމުންދިޔަ ހުރިހާ މުވައްޒަފުންނަށް، އެމީހުންގެ ތަކެތި ހިފައިގެން، އެތަން ދޫކޮށް ނުކުތުމަށް އިޒްރާއިލް ސިފައިން އަންގައިފައިވެއެވެ.

އަލްޖަޒީރާގެ ރާމައްﷲ ބިޔުރޯ ބަންދުކުރުމަށް އަންގައިފައިވަނީ އިޒްރާއިލްގެ މިލިޓަރީ އޮތޯރިޓީއިންނެވެ. ފާހަގަ ކޮށްލަން ޖެހޭ ކަމަކީ އަލްޖަޒީރާގެ ބިޔުރޯ ހުންނަ ސަރަހައްދަކީ ފަލަސްޠީނުގެ ބާރުގެ ދަށުގައި އޮންނަ ސަރަހައްދެވެ. 

އިޒްރާއިލުން މީގެކުރިންވެސް އަލްޖަޒީރާގެ ރާމައްﷲ ބިޔުރޯއަށް ހަމަލާތައް އަމާޒުކޮށްފައިވެއެވެ. އަދި އަލްޖަޒީރާގެ ނޫސްވެރިންނަށް އަމާޒުކޮށް ދިން ހަމަލާތަކުގައި އަލްޖަޒީރާގެ ނޫސްވެރިންގެ ތެރެއިން ޝިރިން އަބޫ އަކެލް، ސަމަރް އަބޫޣާދާ، އިސްމާއިލް އަލް ގޫލް އަދި ރާމީ އަލް ރިފީ ވަނީ ޝަހީދުވެފައެވެ.

މި ލިޔުން ކިޔާލުމުން

Ads by MSS